المساعد الشخصي الرقمي

مشاهدة النسخة كاملة : شئ غريب!!!


أبو طلال-نقوه
31/07/2008, 03:49 AM
السلام عليكم,
كيف الحال يا إخوان؟
أنا حبيت أستفسر لو ما عليكم أمر...
كان عندي شاهين جبليه من كم يوم رابطها بس الأيام الأخيره لا تأكل نهائيا لا صوص و لا فري(سمان) ولا لحم حمام مذبوح في الوقت نفسه, أخلي عندها الأكل ساعه و ساعتين وأكثر ولا تأكل و قبلها صار لها يومين ما أكلت شئ و أخر رباجه لها كان لونها أخضر و دايم تصيح ليل و نهار و وديتها للبيطري و قال ما فيها شئ, فخفت لا تموت و أطلقتها... هل مر عليكم مثل هالشئ؟.... وسلامتكم.
جارح العين
31/07/2008, 03:58 AM
ماغريب الا الشيطان
البيطري شكله عليمي والا زي كذا ممكن تكون بها قلاع ولا دود
والله يعوظك انشاء الله
أبو طلال-نقوه
31/07/2008, 04:04 AM
حياك الله أخوي جارح العين,
البيطري موب واحد, إثنين واحد يقولون الشيبان عندنا إنه 100% و الثاني مستشفى الصقور و كلامهم واحد الطير ما فيه شئ!!!
جارح العين
31/07/2008, 04:09 AM
اجل مثل ماقلت شي غريب :d
وانشاء الله مايقصرون الاخوان
الطبشي
31/07/2008, 08:24 AM
وشلون مافيها شي والروباجه خضرى 000هذا يعني ان عصاره المراره في الطير زايده واذا زادت تسوي معها التهاب في الفرسه وهذا الي يخلي الشاهين تصيح ومالها رغبه على الفريس العلف 000والله اعلم
أبو طلال-نقوه
31/07/2008, 09:54 AM
يا أخ الطبشي , أخر رباجه من قبل لا توقف الأكل نهائيا و قبلها أكلة تقريبا ربع الفريه(سمان). وأنا مالي خبره كبيره بأمراض الطيور و على كلام البيطري إلى سوالها فحص منظار و مرش كرمكم الله يقول ما فيها شئ!!! والطبيب إثنين موب واحد! وهذا إلي خلاني أطلق الطير...
بوسلطان قطر
31/07/2008, 11:22 AM
انا عندي تبع صارلة نفس الشي طلع عندة التهاب في الفرسة وعالجتة بخلط الحليب مع صفار البيض وتسقيه بالبره 6ملي اذا طير اصغير واذا الطير جرمه كبير تسقية 8ملي
اعدام
31/07/2008, 11:41 AM
سلام عليكم هاذا طال عمرك التهاب فارسه 100 فـ 100
القرناس المهاجر
31/07/2008, 01:28 PM
اخي .. أبو طلال-نقوه


خير ماسويت بها المسكينه .. وعند الحقيقة لست بطبيب ولاودي اجيب شي من التوقعات .. لكني ..




اقــول عـتـق الطـير أجـر وجــماله


....................... أخـير من بيعه وتعريضه السـوم


خـصّ الـذي دايـم قـليـل انصـلاله


...................... وش فـايده يبقى على الوكر مكتوم


يقضي حـياته غيض في خـس حاله


........................ مـّره مريض وزايــد الوقت مهموم


هذا طـلـب لاهــل الوفــا والرجــاله


...................... وكل القبايل عـندها عِـرف واسـلوم


اقــولها من صـدق ماهـو جهــاله


....................... ولحــدٍ على التـنفـيذ مُجـبر وملزوم




هذي طبعاً من قصيدة قلتها بخصوص عتق الطيور الغير مستفاد منها :no2:




اخوك .. القرناس المهاجر
شيخ الشرقية
31/07/2008, 01:58 PM
أنا شريت شيهانة من قبل تقريبا أربع أيام وحطيتها في مربط دقو علي قالو الشيهانة ما تاكل

أمس ما كلت شي واليوم رحت عندها يالله علفت ما كلت شي وصارت هزيلة ماعرف وش مشكلتها

أول ما جبتها ماكان فيها شي وتعلف عادي والحين ما تعلف والطير صايرة فيه رجفه خفيفة
نايف الخالدي
31/07/2008, 02:39 PM
هلا بك اخوي
انا عندي طيري نفس الشي
ووديته مستشفى الرياض وقالوا مافيه شي
ووديته عند فارس في الخبر ويوم كشف عليه بمنضار قال عنده التهاب وله اقل شي اسبوعين
والي في الرياض يقول مافيه شي
والاخوان اسبقوني على علاجه
كورس من عند الدكتور لمده سبع ايام
وبيض وحليب
والله يعين ويشفي هالطيور
قرناس خلوي
31/07/2008, 02:53 PM
السلام عليكم ورحمة الله وبركاته


تعليقاً على موضوع مرض الطيور بشكل عام انا أشوف ان الصقاقير القديمين والشيبان بالأخص هم اللي يعرفون أمراض الطيور وعلاجها لأني تعرضت لكم مشكله مع بعض الطيور والمستشفى يشخص ويكون تشخيصه غالباً غلط ولما أستشير أحد الصقاقير اللي عليهم الكلام يطلع كلامه مناقض جداً ولكن يكون هو الأقرب ... وكثير ماتنجح طريقته في العلاج ...
رامى السيد
31/07/2008, 03:37 PM
والله فى الغالب التهاب فى الفرسه واعتقد ان علاجه بسيط
وانشاء الله بيعوض عليك
لعّاب المنايا
21/08/2008, 06:03 AM
الله يكون بعونك اخوي ,,

والله يرزقك باطيب منه إن شاء الله ,,
..@القناص@..
28/08/2008, 07:30 AM
يمكن يكون فيه اقلاع والله اعلم ..
لاكن ودها لـــ خالد العويدي.. والله يكتب الي فيه الخير ؛؛؛
شنوان
28/08/2008, 11:12 AM
ابوطلال نقوه
ما دام اطلقتها الله يوفقك بخير منها
ان شاء الله