احدث طريقه للخروج من الغراز

[Quest]

السلام عليكم ورحمه الله
ادري انه فيه موضوع مثبت للخروج من الغراز لكن ما شاء الله الموضوع تعدى ال 11 صفحه واغلبها ردود وليست مشاركات ولو حطيت الموضوع هذا هناك بيكون بالصفحه الاخيره ولا راح يشوفه الا اعداد قليله
عشان كذا قررت احطه لحاله واترك القرار للمشرف لو حب ينقله للموضوع المثبت او يخليه مستقل
ما اطول عليكم الطريقه هي باستدخام اختراع استرالي جديد اسمه ماكس تراكس
هذا الموقع حقه
https://www.maxtrax.com.au/
وهذي امثله له بالفديو
https://www.maxtrax.com.au/maxtrax-in-action-video

اما انا عن نفسي اشوف انه احسن طريقه انك تتجنب التغريزه من الاساس
خصوصا لو صرت لحالك وفي مقطعه واعرف قدرات موترك وقدراتك ولا تناطح الطعوس الكبار ولا تبالغ بالثقه بنفسك ولا بموترك الا لو كان حولك احد يطلعك لو نشبت
واهم شي بالنسبه لي نوع الكفر والتنسييييييم وتوزيع الوزن لو كنت محمل

[ارتست]

شغل حلو
الفكرة ميزتها خف الوزن لان الخامة فيبر
اول كنا نسوي مثل السلم نحطة تحت الموتر وينجح لاكن ثقيله

[الدبل الثقيل]

وعليكم السلام ورحمة الله وبركاته .,.

جزاك الله خير ... حلوه الفكره

[راعي المقانيص]

https://www.maxtrax.com.au/uploads/photos/listing_3_1019059835.jpg



https://www.maxtrax.com.au/uploads/photos/listing_2_1019059896.jpg


قيمته حسب ماهو مسجل في الموقع 295 $ = 1106 ريال ( معقوله ! ! ؟ ؟ ) والشنطه سعرها 85 $ = 318 ريال يصير المجموع = 1424 ريال

فعلا فكرته ممتازه ولكن ليش حنا مانطبق مثلها وكل واحد يفكر بفكره وتكون ارخص وموجوده في بلدنا

انا اقترح علشان خف الوزن انها تكون المنيوم مقوى ولكن هل ينثني لو حطينها تحت الكفر ؟

وهل راح يزلق الموتر لو كان في طين ؟ ؟ ؟

[قرناس ارامكو]

اللة يعطيك العافية ..... وجزاك الله خير

[اول 111]

مشكووووووووووووووووووووووووووووووووووووور

[winchester]

شكله زيــن لكن وين المكان اللي يشيله

أنـا أتوقع لو يتم تفصيل نفس الشكل ويركب في أسفل الموتر بشدادات قويه يكون أفضل

دمـت بود

[alsamed]

شكله زيــن لكن وين المكان اللي يشيله

أنـا أتوقع لو يتم تفصيل نفس الشكل ويركب في أسفل الموتر بشدادات قويه يكون أفضل

دمـت بود

وانا مع فكرتك :)

[marzog]

يعطيك العافية ولا هنت

على الموضوع الهام

[خشيمان]

انا عندي فكرة وبسويها قريبا ان شاء الله
بس خلني افظي

وتسلم على النقل

[زاير الغيم]

أفا ياذا العلم..؟؟

عقب رقي النوازي نشيل هالسوالف

:good2:

مشكور يالغالي وأمزح معك ..

[كاشخ 24 ساعه]

الوزن للوحده 3.7 كم يعني الاثنين 7.4

بصراحه رهيبه بس يمديك تفصل بأرخص من كذا


الفكره جيده والاختراع عملي

[سيف الظفير]

بكرة تجيك من الصين بـ 500 ريال



وياليت من يتبني هالفكرة من اصحاب الورش وتكون مثبته تحت الجيب بقاعدة قوية متماسكة

[عبود الذيب]

عفوا يا إخوان الفكرة هذه قديمة وقد رأيتها في سفرة لي خارج المملكة في مهمة رسمية قبل أكثر من ( 10 ) سنوات وكانت سفرتي إلى جمهورية مالي بأفريقيا ومعروف أن شمال مالي تقريبا كله مناطق صحراوية وقد رأيت سيارات الشحن الكبيرة هناك ( أكبر حجما من الدينا ذات الحجم الكبير وأقل حجما من التريلة ) الشبيهة بسيارات السكس لدينا تحمل على كل جانب من جانبيها قطع حديدية أقل شيء ( 4 ) قطع حديدية ( مصنعة محليا أي مصنوعة في مالي ) شبيهة بما هو موضح في الصورة أعلاه ( من ناحية طول القطعة الحديدية وعرضها فقط ) وكنت أعرف من خلال وضعها على الجانبين أنها تستخدم لإخراج تلك السيارات من الغراز إلا أنه لم يخطر في بالي حينها وحتى هذه اللحظة أن أستفيد من تلك الفكرة وأعمل مثل تلك القطع الحديدية وأستفيد منها في إخراج سيارتي عند تغريزها في الرمل أو على الأقل نقل هذه الفكرة لأحد ليستفيد منها عند السفر للمناطق الصحراوية لإخراجه عند التغريز ... وأرجو من أي وأحد من أعضاء مكشات سافر لإحدى الدول المجاورة لجمهورية مالي أن يبلغنا إذا رأى مثل تلك القطع الحديدية ... وعموما ليس الهدف من كتابتي هذه أن أقلل من موضوعنا هنا ( أحدث طريقة للخروج من الغراز ) ولكن أردت أن أشير أن الفكرة موجودة ولكننا كعالم ثالث وكعرب لم ننتبه لها ، والشركة الأجنبية هذه إستفادت من تلك الفكرة وصنعت مثل تلك القطع الحديدية وباعته علينا بسعر يقارب ( 1400 ) ريال . وأخيرا وليس أخرا الشكر لكم جميعا ، ودمتم .

[قرناس صلا]

شكرا لصاحب الموضوع , وجربت طريقه سهله وحليله ورخيصه , وتنسفط فى الشنطه ولها أكثر من أستخدام , وهي الشراع الاخضر التنزاني أو اي نوع من الاشرعه ,, هو فراش , وغطا ومنقذ بعدالله من الغراز اذا كنت لحالك , ارفع الكفرات الي قدام وافرشه تحت الموتر وحط رجللك ,, وادعيلي,

[نيسان 807]

تخيل ابشتريهاا بـ 1424 ............ والله يخلي الحطب


أصلاً حاول تتفادي الغراز وهذى تنحسبلك ..........