افتوني هل انا على صواب!

[وَسَام!]

بسم الله الرحمن الرحيم


ياخواني انا عندي نظريتين في معرفة الطير ومعرفة الصقار!
الاولى اذا اردت ان اعرف الطير طبعا غير الزين والوسره
ولكن من ناحية زين الطبوع والامور المجهوله عنه فانه لابد
ان اعرف صقار هذا الطير هل هو فعلا صقار ام لاء فاذا كانت
صقارته مشي حالك فينتهي بي الامر بالهروب من هذا الطير!
دون ان اعرف طبوع الطير!
الثانيه اذا اردت ان اعرف هل هذا الشخص صقار فاني انظر الى
طبوع طيره فاذا كانت طبوع يكوش على العلف وينحاش بعلفه
وطبوعه خايبه وهو اللي صاقره فالنهايه ان هذا الشخص في
نظري صقار (0) دون ان اعرفه!

فهل هذه النظريه صائبه


وانا لاادعي الكمال واحيان خابور

[@قرناص@]

أخوي كلامك ..سليم..

وماتظمن اذا كان راعي الطير ماهو صقار لاكن لو دربت طيره يمكن تكون له مواري سبق..

ويعجبك ماتدري انت ..

لاكن .. كلامك سليم .. لاكن لاتحكم على الجميع

شآكرلك

[القرناس المهاجر]

نظرية سليمة وتنطبق على من يملك الطير لأكثر من شهرين

لكن من يشري ويبيع لاتنطبق عليه :)


والصقّارالحريف بعد توفيق الله يقدر يطلع الطير الزين من أول نظرة :j

شكــراً وســام :good:


اخوك .. القرناس المهاجر

[المان العرب]

ايه بالله على صواب نضريه سليمه وهاذا طيره صاقره ويكوش ويضف بحمامه في نضريتي انه ماهوب ذيك صقاره
ومحتاج يابو صالح انت ابخص صقار ومعروف ومن صقاقير ماشاء الله عليك

[راعي الشلفاء]

السلام عليكم
اشوفكم مركزين على ضف الطير الحمامه وتعتبرونه رداتن بصقار وهذا غلط طبع الطير خاصه اذا هو
وحش او فرخ طايرن بدري

وسام عندي طير وحش العام بكر خذه الي طلعت الطيور وغير طبعه

خلنا نشوف صقارك

[winchester]

أول شي الصقار المتمكن مـايعرض الطير للبيع غير عارف أن الطير ماعنده سالفـه



الطير السنع مايتفرط فيه



ثاني شي بعض الطبوع بالطير يكتسبها من أول صقار نقله يوم كان وحش



بعض الطبوع يمكن تتلافى مع الصقار الجيـد



دمـت بود

[F J]

الثانيه اذا اردت ان اعرف هل هذا الشخص صقار فاني انظر الى
طبوع طيره فاذا كانت طبوع يكوش على العلف وينحاش بعلفه
وطبوعه خايبه وهو اللي صاقره فالنهايه ان هذا الشخص في
نظري صقار (0) دون ان اعرفه!


علمه وشلون يدهل طيره زين.. بدال ما تحطم خلق الله

[سلطان 1]

[quote=راعي الشلفاء;1760557]السلام عليكم
اشوفكم مركزين على ضف الطير الحمامه وتعتبرونه رداتن بصقار وهذا غلط طبع الطير خاصه اذا هو
وحش او فرخ طايرن بدري

كلام سليم :good: :good:

[فزااع]

اخوي وسام كلامك فيه بعض من الصحه بس احيان تطلع مع ناس وخصوصا في المدعي امور تغير عليك طيرك اما طير هد عليك او عجل عجل انا بلحق لاتعلف لما نخلص تضطر تسحب العلفه مما يودي لتكويشه الطير وغيار طبعه يعني فيه امور خارجه احيانا عن يدين الصقار...
يعني فيه احيانا امور ماتقدر تحكم على الصقار من طيره او من طبعه..
وكلامي امكن يكون صح ويمكن يكون خطا...
شاكر لك لعرض موضوع مثل كذا خلنا نقزر وقتنا بالنقاش....

[نايف الخالدي]

يالربع الي يقصده اخوي وسام
ان الطير يعكس صقاره يعني متى ماكانت طبوعه زينه فان صقاره مضبو ط والعكس صحيح
وهاذا الكلام صحيح طبعا اذا كان صاقر الطير وحش

[المان العرب]

اشوفكم مركزين على ضف الطير الحمامه وتعتبرونه رداتن بصقار وهذا غلط طبع الطير خاصه اذا هو
وحش او فرخ طايرن بدري


ايه نعم مركز لان فيه طرق واجد عند صقار يمنع طير الوحش والفرخ من ضف الحمامه وتكويش على العلف

[وَسَام!]

قرناص مرحبابك والطير من صقاره الاول الا ماقل!
القرناس المهاجر حياك والبياع والشراي مايعتبر صقار الطير!
المان العرب حياك الله شرفني مرورك ومازلنا طلبه !
راعي الشلفاء اهلا وسهلا ومرحبا 1000 ليه ياحبيبي زعلان من شان الطيور اللي تنقل العلف؟
احب افيدك ان هذا ماهو عيب ولكن هذا اكبر مصيبه ! اذا خم علفته وانا في وعر او مع ناس يدعون
طيورهم تبيني اقعد اطرده واصير فرجه للناس والا بعد ضيعته!
بعدين طيرك ينقل الحمامه هذي مشكلتك!
winchester حياك الله وانا من وجهة نظري ان فيه صقاقير متمكنين ومع الامراء والشيوخ
وتخرج طيورهم عليهم اللي هم صاقرينها وهذي اعتبرها افضل الفرص للشراء اذا كنت تعرف الصقار!
اما من ناحية اكتساب الطبوع انها من صقاره الاول فهذا مااقصده انا!
اما تلافي الطبوع انا وش مكلفني اخذه وفيه طبوع ماهي زينه يمكن تروح ويمكن تبقى!

[سلطان 1]

يالربع يمكن الطير اللى ينقل العلف له حل 0 لكن
اللى يكوش ويحقل صعبه تغير من طبعه 0 وهذا راجع على صقارته وهو وحش 0

[الروقي نت]

[quote=راعي الشلفاء;1760557]السلام عليكم
اشوفكم مركزين على ضف الطير الحمامه وتعتبرونه رداتن بصقار وهذا غلط طبع الطير خاصه اذا هو
وحش او فرخ طايرن بدري

كلام سليم :good: :good:
عين الصواب

[المان العرب]

يالربع يمكن الطير اللى ينقل العلف له حل 0 لكن
اللى يكوش ويحقل صعبه تغير من طبعه 0 وهذا راجع على صقارته وهو وحش 0
كلامك صحيح:good: :good: :good:

[وَسَام!]

علمه وشلون يدهل طيره زين.. بدال ما تحطم خلق الله
انت فهمت الموضوع؟

[وَسَام!]

يالربع يمكن الطير اللى ينقل العلف له حل 0 لكن
اللى يكوش ويحقل صعبه تغير من طبعه 0 وهذا راجع على صقارته وهو وحش 0
حياك الله كلامك صحيح لكن المقصود اذا كان هذا فعله فماهو تقييمك لصقاره اللي دربه وهو وحش!

[سلطان 1]

صفر من عشره

[أبوتركي]

هههههه والله اغلب الردود في وادي والموضوع في وادي ,,, اخوي وسام كلامك سليم اللي في بدايه الموضوع ,,, اما ردك هذا : :
winchester حياك الله وانا من وجهة نظري ان فيه صقاقير متمكنين ومع الامراء والشيوخ
وتخرج طيورهم عليهم اللي هم صاقرينها وهذي اعتبرها افضل الفرص للشراء اذا كنت تعرف الصقار!
اما من ناحية اكتساب الطبوع انها من صقاره الاول فهذا مااقصده انا!

فأنا أختلف معك فيه لأن أكثر صقارة الشيوووخ ،، حتى ولو كان لهم خبرة طويلة مايعطون الطير حقه ،، إما لكثرة الطيور ، وإما ناوين على نيه أ الطير يخرج لهم ,, وماإلى ذلك .. فأنا أشوف مامثل الوحش اللي ماحد تعبث فيه ,,, أو صقارة واحد تعرفه ,,

مشكور على الموضوع القيم ,,

[جارح العين]

مثل مقال الاخ راعي الشلفا
والله يعطيككم العافيه

[راعي الشلفاء]

ايه نعم مركز لان فيه طرق واجد عند صقار يمنع طير الوحش والفرخ من ضف الحمامه وتكويش على العلف

اسمع يا ولدي الصقاره مهيب نقل الى انصاف الليول ولا من يد نشيط الى نشيط الصقاره وزن هدد

ومعرفة التصرف في الاوقات الصعبه وامور كثيره يطول شرحه الطيور مثل الرجاجيل رجالاً كثير الحركه

وبثر يقلب الدرج ويكب الشاهي ورجالاً هادي الطباع مهنا حليله , كل شي ترجعه لاصله الطير النزر

يبتل نزر والطير الهادي من الربطه الى التكيه من دون تدليه مثل الطير السبوق يبتل سبوووق

اسمع وانا ابوك فيه امور كثيره توك عليه

[المان العرب]

اسمع يا ولدي الصقاره مهيب نقل الى انصاف الليول ولا من يد نشيط الى نشيط الصقاره وزن هدد

ومعرفة التصرف في الاوقات الصعبه وامور كثيره يطول شرحه الطيور مثل الرجاجيل رجالاً كثير الحركه

وبثر يقلب الدرج ويكب الشاهي ورجالاً هادي الطباع مهنا حليله , كل شي ترجعه لاصله الطير النزر

يبتل نزر والطير الهادي من الربطه الى التكيه من دون تدليه مثل الطير السبوق يبتل سبوووق

اسمع وانا ابوك فيه امور كثيره توك عليه
ولدي وش جابني ولدك ولا لي يشرف انك ابوي ابوي معروف ولله الحمدوترا ذا الكلام ماتقوله لي وترا ذا كلام محسوب عليك وابشرك صقار ولد صقار ماني مثل غيري جايب صقاره من رفيقه وانا اخوك استح على وجهك ترا حنا اتناقش في موضوع وانت والله مافهمت الموضوع

[تالي الاولين*]

بدون فتوى بل مشاركة

[تالي الاولين*]

حياك اخوي وسام
لكن انا اقول ابد مهوب شرط هالنظريتين

واقول هالكلام بعد ماشفت تجارب ناس لهم باع طويل في الصقاره ومنهم من اخذ الله امانته نسمع سواليفهم عن طيورهم وغرايبها
فيه طيور طبوعها كلها زينه وطبع واحد اخلف يعني هل صقاره ردي؟
وفيه طيور قرانيس تعلم الناس الصقاره ولا ابالغ في هالكلام

وانا من الناس اللي شريت طيراسميه مجهول بالنسبه لي وراعيه تدري وش يقول
يقول( صايد 2 حبارى ) وانا دريت ان مابالحمض احد لكن اخذته وحست ان قلب هالطير حي
واخذت الطير ويالله لك الحمد توفقت فيه وصرت اهده حتى ومعلفته صاكه وسموه الربع(مسعور) وراعيه الاول مايدري وين الصقاره معه طبعا بعد ماصرت اسمع لبعض سواليفه
ومن ناحية نقلة الحمام فيه طيور من حرصها وحرارتها على العلف تنقل إذا صادت صيدتهابسرعه وحست ان فيها نشاط باقي طار بها على طول وتفاجا انه اول مره يسويها بدون مقدمات
وهذي اكثر ماتصير معنا إذا هدينا على كراوين بعضها يطير ويهون ويصيده على طول في الارض عقب يطمع الطير بالطياروينقل العلف
تقبل مروري اخوي وسام

[شواااش]

السلام عليكم ورحمه الله وبركاته .. الله يعطيكم العافيه جميع
الكل منكم ادلا بدلوه .. والكل منكم قانع برايه
بس عندي كلمه بقولها

( كلن بصقارته راااااااااااااضي )

[وَسَام!]

ويييييييييييييييييين رايحيين
بعظكم الظاهر مشع شامان من غلافه
بدون فهم للموضوع
مختصر الكلام الطير مراية صقارة صقاره
لو لقيت واحد بربسي طيره ابتشتريه لاء والف لاء الا كانك بربسي مثله
لولقيت طير وصقاره معروف بفن الصقاره واذا قلت فن الصقاره فهي التدريب
والتعامل مع الطير في جميع اموره بكل معرفه تشتري طيره او لا اكيد رايح اشتريه
اما تفرعون الموضوع ان هذا ماهو عيب وهذا عيب فجميع الامور الغير مرغوبه
في طبوع الطير فهي فشل للصقارررررررررررررررررررررر

[طويق2]

الأخ وسام أنت أصدرت حكم نهائي على صاحب الطير وهذا غير صحيح ، فقد يكون هناك عوامل و أسباب خارجة عن الارادة تجعل الطير يكتسب بعض الصفات غير المحبوبة بدليل أن البعض قد يصادفه طير سييء في بعض صفاته على الرغم من أنه قد صقر طيور قبل ذلك الطير وكانت على أحسن حال فما هو تعليلك لذلك؟.
والحديث في الموضوع ذو شجون يا وسام
الأخ / فزااع أنت :good: و :good2: وقد عانيت من ذلك بعض السنوات ولم يكن أمامي الا أن أكون لوحدي أثناء دعو وتدريب أي طير وحش سواء فرخ أو قرناس وقد نجحت في ذلك والحمد لله.

[فرخ الزاجل]

بسم الله الرحمن الرحيم




ياخواني انا عندي نظريتين في معرفة الطير ومعرفة الصقار!
الاولى اذا اردت ان اعرف الطير طبعا غير الزين والوسره
ولكن من ناحية زين الطبوع والامور المجهوله عنه فانه لابد
ان اعرف صقار هذا الطير هل هو فعلا صقار ام لاء فاذا كانت
صقارته مشي حالك فينتهي بي الامر بالهروب من هذا الطير!
دون ان اعرف طبوع الطير!
الثانيه اذا اردت ان اعرف هل هذا الشخص صقار فاني انظر الى
طبوع طيره فاذا كانت طبوع يكوش على العلف وينحاش بعلفه
وطبوعه خايبه وهو اللي صاقره فالنهايه ان هذا الشخص في
نظري صقار (0) دون ان اعرفه!


فهل هذه النظريه صائبه



وانا لاادعي الكمال واحيان خابور


السلام عليكم ورحمة الله وبركاته
اخي وسام
جانبت الصواب
انت كذا حكمك قاسي على الصقار
أولا : بناء على كلامك مارح تشتري طير الا من صقار رقم 1 وللأسف ماراح يعرض طيره أو يفرط به بسهوله
ولو حصل وحدته الدنيا على بيعه لازم تكثر دراهمك وهنا أي طبع شين يكتسبه الطير تكون منك وراح تنطبق عليك النظريه وهذا شي ما يرضيك .
ثانياً : جميع ما تحدثت عنه عبارة عن سلوك مكتسب من كوشه ونقل وصياح وخلافه وكل سلوك مكتسب بالإمكان تغييره بالهمة والجهد وطولة البال والصبر .
ثالثاً :انت لا تتعامل مع إنسان عاقل بل تتعامل مع طير لديه درجه من الذكاءولكن لا يعقل الأمور بل تتحكم به بقطعة لحم خاضع للظروف المحيطه الزمانية والمكانية .
نحن نتعاون لمعرف أفضل الطرق لإكتساب طيورنا الطبوع الحميده والتخلص من الطبوع السيئة
أمل تقبل مروري واختلاف الرأي لا يفسد للود قضيه .

[سبع الصحراء]

السلام عليكم ورحمه الله وبركاته .. الله يعطيكم العافيه جميع




الكل منكم ادلا بدلوه .. والكل منكم قانع برايه
بس عندي كلمه بقولها



( كلن بصقارته راااااااااااااضي )




وبزعمي ان اغلب الطيور التي تكتسب عادات سيئه وبنسبة 70% مثل نقل العلف والتكويش هي قرانيس


وغير ذلك يعد توفيق من الله فهناك طيور نزره وطيور هادية حتى وهي في المربط تعرف وشهو الطير نزر ولا هادي


قبل العام ماخذ لي ثنوا من السوق مخرج من امير وصقاره معروف
خذيت الطير وبعد ان دهلته اكتشفت ان الطير ينقل علفه وتعبت معه وما خليت شي إلا وسويته
ولا فيه امل يترك عادته .... ويوم جاء اخر الوقت قلت بركد الطير وركدته بنسبة 90% في المية
وقلت الحمد لله .... والطير في الربطه ما ودك تقرب منه ابد صلف صلف بالحييييييييييييييييل
والسنه اللي عقب ..... بعد ما دهلته وكل شي قلت خلني اشوف ركادته اللي دربته عليها


تصدق ........ ما تقول إلا وحش اللي على التكية



وتعقيبا على كلام اخوي راعي الشلفاء


انا أختلف معك بخصوص نقل الطير لأن ثلاث أرباع الصقارة نقل إذا مو كل الصقارة




تحياتي للجميع

[الطبشي]

الله يكون في العون ....

[ناصرأبونواف]

برأي أن كل طبع ممكن السيطره عليه ومعالجته أأأأأأأألآلآلآلآلآلآ
إذا كان الطير يكوش على العلف من الصعب أن يترك هذه العاده السيئه
ودمتم

[نبع الدموع]

يعطيك الف عافية اخوي ابو صالح و انا معك في كل حرف
سواء يطير بعلفتة او يكوش و يحقل و كل هالطبوع ترجع
للصقار نفسة و تعرف من طبع الطير صقارة راعية
حتى لو كانت قرانيس هوا لو قرناس 100 بيكون تطبيعة
صعب لاكن تقدر تطبعة و في هالحالة تعرف الصقار من صقرة
الا في حالة وحدة هي اذا تروع الطير هذي الحالة ما اعتقد
تقدر تغير عادات الطير غير عقب الربطة و اوقات تصير و اوقات
حتى عقب الربطة ما تتعدل.

[إجذب]

أنا إذا شفت طير طيب مع غشيم
استانس واقول يارب انه يبيعه واشتريه منه ولو انه مخرب طبوع الطير
اكلف ماعلي اسوي فرمات للطير وأصقره من جديد
صقرو قرانيس عاصيه
اما بالنسبه لنقلة الطير للعلف هذه طبيعه بالطير وتبي لها سعة صدر الين يترك نقلة العلف
مشكور

[أبو أمين]

كل صقار بصقارته راضي ولا أحد يحقر في احد ما في احد في الكون مايخطي ولا يزل والي يقول انا احط الطير على كفي والعلومه الطيبة كلها بتجي فيه
هذا 100% كذاب وداج

[ابن طيبة]

كلامك صحيح

[الجرودي القصب]

بسم الله الرحمن الرحيم






ياخواني انا عندي نظريتين في معرفة الطير ومعرفة الصقار!
الاولى اذا اردت ان اعرف الطير طبعا غير الزين والوسره
ولكن من ناحية زين الطبوع والامور المجهوله عنه فانه لابد
ان اعرف صقار هذا الطير هل هو فعلا صقار ام لاء فاذا كانت
صقارته مشي حالك فينتهي بي الامر بالهروب من هذا الطير!
دون ان اعرف طبوع الطير!
الثانيه اذا اردت ان اعرف هل هذا الشخص صقار فاني انظر الى
طبوع طيره فاذا كانت طبوع يكوش على العلف وينحاش بعلفه
وطبوعه خايبه وهو اللي صاقره فالنهايه ان هذا الشخص في
نظري صقار (0) دون ان اعرفه!


فهل هذه النظريه صائبه



وانا لاادعي الكمال واحيان خابور




النظريه الاولى شف الطير وش ماكره انكانه من المواكر الطيبه لاكن الطير مخرب اعرف ان البلا من الصقار
النظريه الثانيه اذا كان الطير من مواكر طيورهاتكون نزره لاكن الطير طبوعه سنعه تراه من سناعة صقاره

[بومحمد 1]

السلام عليكم ورحمة الله وبركاته


لقد قرأت جميع المشاركات السابقة
ووالله إن كل واحد منكم كلامه صحيح
ما عدا شخص واحد ، الله يهدينا وياه
وأذكر قصة لجمع من الرجال جاؤوا إلى أمير المؤمنين يتقدمهم فتى يصغرهم سناً فعندما تحدث قاطعه أمير المؤمنين
قائلاً ألا يوجد معك من هو أكبر منك سناً فقال الفتى لو كانت بالسن لكان هناك من هو أكبر منك سناً وأولى منك بالإمارة
ما علينا
يقول المثل : ( كل بعقله راضي إلاً بحلاله لا )
راعي الموضوع طرح رايه وهو مقتنع فيه وهذا من حقه وأمر راجع له
ولو لا إختلاف الأنظار لبارت السلع
واحد يقول آخذ لي طير ملعوب فيه ويتعبني ... ماني بمغصوب
واحد ثاني واثق من صقارته وعنده الوقت الكافي إنه يغير طبوع الطير
وواحد واثق من صقارته لكنه ماهوب فاضي إنه يشتغل على الطير ويغير طبوعه
السؤال الذي يطرح نفسه ، إذا أنا فهمت الموضوع كما طرحه أخونا في الله
هل طبوع الطير تعكس صقارة الصقار ؟
نعم أخي ( وسام ) أنا في رأيي هذا الكلام صحيح
ودليل ذلك إن الواحد منا إذا خذا طير وشاف طبوعه طيبه تلقاه يقول عز الله إن اللي صقره صقار
يبقى إن الطير اللي فيه طبوع شينه ، هل ينشرى ولا لا ، فهذا أمر يرجع لكل واحد ورايه


تقبلوا مشاركتي ولو إني طولت في الحكي

[وَسَام!]

حيالله جميع المشاركين في الموضوع
يااخوان ليه نروح ونرجع على ان الطير يمكن تغيير طبوعه
هذا كلام ماعليه غبار ومتفق عليه وصحيح يمكن تغييرها او جزء منها
لكن موضوعنا الاساسي
مختصر الكلام فيه ناظر الصقار وناظر طيره
وناظر صقارة الطير وتعرف صقاره وهذا بشكل عام
ولايمنع ان يكون فيه حلات شاذه
وعلى قولة ابو محمد مع احترامي لطرحه الذي يدل على شخصه
ودليل ذلك إن الواحد منا إذا خذا طير وشاف طبوعه طيبه تلقاه يقول عز الله إن اللي صقره صقار

[بومحمد 1]

يا الله يا كريم إن تحسن خواتمنا
وأن كل منا يوفقه الله بطرح الوحش
لا جاء لفوت القميري ثم نقول الميدان يا حميدان

[لوقه]

انت صقار ولد صقار وماأخذت الصقاره من رفيقك ونعم فيك و بالجميع لو انا منعرفك لكن مثل ماقال اخوي الرجال وهي الرجال وبعقولها فيها المرجوج الي مهما داخل الرجال مايفيدبه لانه يعد حاله هو الصح *انا شاري طير من اكبر الصقاقير بالمملكه واشهرهم له بالصقاره اكثر 65سنه ولا فيه صقار مايعرفه وطير طيب وهو اللي صاقره من يوم هو فرخ وكل هذا والطير ينقل علفه

[لوقه]

انت صقار ولد صقار وماأخذت الصقاره من رفيقك ونعم فيك و بالجميع لو انا منعرفك لكن مثل ماقال اخوي الرجال وهي الرجال وبعقولها فيها المرجوج الي مهما داخل الرجال مايفيدبه لانه يعد حاله هو الصح *انا شاري طير من اكبر الصقاقير بالمملكه واشهرهم له بالصقاره اكثر 65سنه ولا فيه صقار مايعرفه وطير طيب وهو اللي صاقره من يوم هو فرخ وكل هذا والطير ينقل علفه

[شنوان]

نعم اخي وسام زي ماقال اخي نايف الخالدي
اذا كان صاقره وحش
لان الطير عنيد في بداية الامر يايفز عليك يا انت تغلبه
وهذا يدل على مدى صبرك ويبين صقارتك

[فداع]

لاتعلييييييييييق

[قنيص غبر]

السلام عليكم ورحمة الله وبركاااااااااااااااااااااااااااااااااااااااااااااا ته ...

يا حي ومرحبا بالاخوان .. السموحه انا اعطيتكم مجال وقلت انشوف ردودكم . بس اكتشفت ان في بعضكم طلع برا الموضوع واللي حب يزود بهارات واشياء مالها داعي ..

اخواني الاعزاء . اخونا طرح الموضوع وانا اعتبر كلامه صحيح 100% .. وترا لكل قاعده شواذ ..

واللي يعقب على كلام اخونل وسام ويقول غير صحيح انا اجزم ان اذا اراد يشتري طير يسير عند رجال ثقه ورجال معروف بالصقاره لنه يعرف انه صقر الطير ..

اخوانا دعونا .. وركزو على كلمة دعونا :) .. انكون حياديين .. الطير اذا جاك اطباعه زينه , وراكد وطلع . ولاهوب خفاق . ولا يكوش على العلف . تعتقدون انه هذي طبيعته ! بالعكس هذا كلها صقاره . وصقارة اول شخص صقره . اللا الطير المغلس اللي مطروح ومصيود بطريقه غير سليمه . فتلاقيه صياح ويكافخ وخفاق . وهذا الصقار المتمرس يمكن يعالج فيه هالعذاريب ..

خلاصة الكلام .. وكقاعده عاااااااااااااااااااااااااااامه ..

الطير والصقار هم مرايه تعكس صقارة ومهارة الاخر .. الطير اذا جاك اطباعه زينه هو من راعيه .. والعكس صحيح . الصقار المتمرس اطيوره تلاقيهم طيور قاطعه .. اللا في حالات اللي ابتلا بطير ردي من اصله ..

وسام . سر وانا خلفك انته ميه ميه ولا فرخ الجمعيه ..

[زعيم الصقارين]

ياربع بعض الطيور تصقر راعيها وبعض الطيور مبروكه وراعيها دجه صحيح ان الصقار له دور كبير في طبوع الطير بس ماتحكم علي الصقار من طيره لان بعض الطيور فيه صلافه وبعدين الطير يبيله نقل 24 وعشرين ساعه وناس ماهي فاضيه تنقل الطير اهم شي يجي علي الدعو وخلاص