سؤال مهم

[أبونورا]

السلام عليكم ورحمة الله وبركاته



عندي ثلاث سلقان وكل وحده تحتها سبع اجراوه وكيف أطلع
1-السداده
2-الكلى
3-القلب


اذا ممكن تساعدوني

أخوكم أبونورا الجميلي من الكويت

[صياد حوران]

حياك الله اخوي ابو نوره عساك بخير


رح اكلمك عن خبرتي وبس ومالي شاغل بخبره غيري


اخوي ابو نوره كان من المفترض ان تكون متواجد اثناء خلفه السلقان وتقوم بترقيم الجرة يعني احظار قطع من الاقمشه وقلم خطاط وكل ماينز جرو تكتب الرقم على القماش وتربطو برقبه الجرو وهيك بتكون متاكد تماما وبدون تحزير ولك صوره فيها كل شي واضح حياك الله اخوي http://www.almlf.com/get-8-2008-pdf6poz1.jpg (http://www.almlf.com/)

[راعي شاحوف]

والله ياخوووووك ماعندي خلفيه فيها >>> وكان ودي اعرف ليش اغلب الناس يبي يعرف الاسامي وترتيبها ... يفيدونك الذيابه الموووجوودين ..

[عبدالله هدد]

والله ياخي الظاهر راحت عليك معد تعرفه اذا ماكنت موجود وقت الولده

[ابو صقر992]

اخـــوي ابو نوره اذا كانت السلقه طيبه والابو طيب فلا تهتم انشالله انهم كلهم بيطلعون طيبين يعني اهم شي انك تدربهم وتقنص فيه وانشالله راح يطربونك في المقانيص لاكن اكيد ان احد قال احجزلي جرا وانت ماعرفت السداده من القلب من الكلا ههههههههه مرت لي السالفه هذي اخوي لاكن خلها عندك ثلاث شهور وانشالله بتعرف الطيب منهم000 اوخلك مثلي اختار ثلاث جراوه عشان اذا طلع واحد منهم السداده يبقى اثين هههههههه 00

[طيب الوفي]

وعليكم السلام حياك أخوي وأهل الكويت كلهم ....
بالنسبة للسداده : لاحظ هو أكبر واحد فيهم حجم ورأس وتلقاه دأئما خمول و ضعيف بصر .....
القلب : أرشق واحد فيهم وأنحفهم و وتحصله طويل شوي عن إخوانه وحار بزياده وهو اللي ينبح ورى الصيد ....
الكلى : إثنين سبحان الله طبق الاصل باللون والشكل تحصلهم هم الوحيدين المتشابهين و غالبا يكونون جيدين .... هذا والله أعلم مما رأيته وجربته أرجو أن أكون خدمتك .....

[أبونورا]

بارك الله فيكم وماقصرتوا على الردود الطيبه
بخصوص أني حاضر الولاده ماحضرته بس المشكله باخذ 5 منهم والباقي بوزعه على اللي حاجزين عندي
سؤال
1- عندي جرو يفرق عن الجراوه الباقي جرو وهو حجم كبير
2-عندي أنثي كثيرة الحركه واول ماجي تجي مع امها وتكون دايم مع الام
3-هل الجرو الراس الكبير ينفع او أفضل راس صغير
4-عطوني المفيد وباخذ 5 اجراوه على خبرتكم
5-يعني تفضلون شنو الاحجام في الجرو وله مقاس معين في الظهر والراس
6-انا اوزع الجراوه لصار عمرهم 4 شهور
بارك الله فيكم

[أبونورا]

صيادحوران كلامك على متمه
راعي شاحوف مشكور على المرور والكلام الطيب
طيب الوفي -ماقصرت والمواصفات اللي قلتها في السداده موجود
الطول في الظهر او اطول واحد فيهم !
ابوصقر _ وأنت صدقت بقعدهم عندي اربع شهور لكن اشلون اعرف الطيب
أشكركم على المرور وأي ملاحظات ليتكم تفيدوني وكيف اطلع الطيب بعد 4 شهور

[طيب الوفي]

هلا بك مره أخرى يا بو نورا ...
بالنسبه للسداد غالبا يكون فيه سد ( نفس قوي ) وهواللي يكون أكبر واحد رأس و حجم ويصلح يحط
إذا السلاله ممتازه فحل لانه أقرب واحد للاب ....بس تراه بالصيد ( الارنب ) فاشل ويمكن يبدع مع الظبي....
أما القلب يكون طوله بالظهر من الراس إلى الذيل طويل عن إخوانه .....
شف خذ نصيحتي وإن شاء الله راح تدعيلي ....
خذ السداد والقلب تلقاه أنشط واحد فيهم واللعوب اللي كثير لعبه هذا ممتاز للارنب والكلى تلقاهم إثنين متشابهين...
السداد والقلب والكلى هذولا أربع والخامس شف أنشط واحد من الباقين وأكثرهم لعب وخذه وإدعلي..

[قشاع الرمث]

السلام عليكم ورحمة الله وبركاته

ما اعتقد ان فيه فرق كبير بينهن

ولا يمكن معرفتهن الا اثناء الولاده .

[طلو]

اكبرهن هو السداده
واصغرهم هي الكلى ويمكن بعد شهر يتغير احجامهم كليا عن الوقت الحالي

[أبونورا]

أعمار الجراو شهر

ماقصرتوا على المرور والردود الطيبه

[خياله الجدعا]

السلام عليكم اخوي ابو نورا تعرف ليه ماتعرف ان شاء الله السده يجي اكبرهن راس واكبر جرم (الاول)0000 ويصير مو غبي بس يصير عنده التعليم بل القوه الغباء نسبته عنده 30\100 والدوده اصغرهن راس وجرم وهو الي يي (اخرهن)00اما باقي الجرا طب وتخير كان امهاتهن طيبات وان شاءالله اكون افتك تقبل مروري0

[الوافي4482]

ما قصرو الشباب وانشاء الله يطربنك

[aksht wa7d]

ماقصروا الشباب

[نفاج]

مقصرو الأخوان

[طلو الشمري]

ما قصرو معك الاخوان

[sale8]

اخوي ابو نورا
اهم شي الاب والام طيبين
وماقصروا الشباب افادوك