سوال لجميع اخواني المكشاتيه

[باتريوت596]

السلام عليكم ورحمة الله وبركاته في البدايه اشكر جميع اعضاء وزوار هذه المنتدى الراقي والصراحه استفدة من هذه المنتدى الكثير وعرفت اشياء كثيره في عالم الصقاره . عندي سؤال اتمنى من اخواني في منتدا مكشات انهم يساعدوني فيه ابا اعرف شو هو التبع والكوبج والقرموشه والمثلوث او شو هو الفرق بينهم ؟ وشكرا

[القطاوي 2008]

ما يقصرون الاخوان أن شاء الله

[خيال الصبحا]

http://www.mekshat.com/vb/showthread.php?t=99243

[جارح العين]

\
التبع هو ذكر الشاهين الجبلي.
والكوبج:هو الحر ويجي مقاسه صغير ويمتاز بصغر رأسه والظبة والعينين والكفين ومنها الأحمر والأشقر ، وفي الغالب يكون نزر الطباع . و هو نفسه القرموش
والقرموش هو ذكر الحر ويقال له المثلوث ايضا .
ويقال المثلوث ايضا لذكر الشاهين البحري.
والذكر دائما يكون ااصغر حجما من الانثى.
واذا في اي خطأ انشاء الله الاعضاء مايقصرون.

[باتريوت596]

جزاك الله الف خير يا اخوي خيال الصبحا اخوي جارح العين مشكوور وماقصر والله اختصرتلي ايها

[صقار البحرين]

اخوي الله يحيك بخصوص الطير اللي ذكرة ...
1- التبع هو نوع من انواع الشواهين ويكون صغير الحجم مقاسه من 13ونص وتحت هو ذكر الشواهين ( الفحل هههه )..
2- الكوبج هو يعتبر من فصيلة الحرار ويكون صغير الحجم ويتميز بالون الكاشف وتكون مقاساته 16 وتحت وهو ذكر الحرار ...

وان شاء الله بيفيدونك الاخوان تقبل مروري

[الطبشي]

ماقصرتو ......ومشكور على السؤال الطيب...

[رامى السيد]

القرموشه والكوبج (ذكر الحر وهو اصغر من لانثى الحرار)
والتبع هو ذكر الشاهين وهواصغر من الشيهانه
المثلوث هوانثى حر اصغر من الوافى وتكون اكبر من قرموشتها
والله ولى التوفيق

[@قرناص@]

مشكورين افدتو الرجال..

[محمد الصرير]

عزالله ماقصرتوا الله يعطيكم العافية ، الاستفادة شملتنا إيضاً ، مشكورين . ودمتم سالمين

[أبو رداد]

وعليكم السلام ورحمة الله وبركاته
الله يحيك اخوي
(المثلوث والقرموشه والكوبج) هي ذكر الحر الي قياسه اقل من 16 انج
والاختلاف الي بينهم بالتسميه فقط !! كل منطقه لها تسميه ماشيه عليها ...
اما التبع فهو ذكر الشاهين الي يكون قياسه اقل من 15 انج
والسلام

[باتريوت596]

صقار البحري الطبشي رامي السيد قرناص محمد الصرير وابو رداد جزاكم الله الف خير على ها المرور الطيب واشكر الاخواني الي افادوني بجواب ومره ثانيه مشكورين يا الربع وما قصرتو