هل هذه ضباع؟؟؟

[shmalat]

بسم الله الرحمن الرحيم
السلام عليكم ورحمة الله وبركاته
اثناء تجوالي في المنتديات رأيت صوره لـ؟؟؟ معلقه على الشجره
الحقيقه احترت هذي ضباع ولا ايش:confused:
على العموم مدري ليش ذابحينها:no2:
هذي الصوره وانتم احكمو


http://www.mekshat.com/pix/upload02/images76/mk81677_7cc6adade4.jpg



اخوكم ذيب نجدي

[winchester]

أذاني أخر واحد يسار كأنها أذاني ضبع

دمـت بود

[جارح العين]

والله ياخوك شكلهن ضباع
بس ليش هالاجرام

[طير شقراء]

بـ صراحـه الصور صغيـره مره

اتـوقع انها ثعآلـب ..

[ابو تمام]

كلها ضباع ؟؟؟ بس ليه تم قتلها احيان تكون مؤذية لأهل الماشية

[shmalat]

اخواني
winchester
شف ثاني واحد من اليمين مخطط
اشكرك على مرورك يالغالي

جارح العين
ايه والله انك صادق انا مستغرب
يعطيك العافيه على ردك

طير شقراء
معليش اعذرني على صغر الصوره
ولا اعتقد انها ثعالب لانها كبار وبينه
مشكور على مرورك اخوي

ابو تمام
يمكن ليه لا
شرفت موضوعي يالذيب

[alsamed]

اعتقد ضباع وتكون عادةً اكثر من واحدة

[مرعي السرحاني]

عليكم السلام

نعم ضباع

اللي كبيره ومخطوطه ماهي متناسقه هذي الضبع (يقصد بالضبع لغويا ً وعامياً الانثى فلا يقال ضبعه يقال ضبع)

اللي الوانه جميله وله عرف اسود وابيض وذيله كثيف وخطوطه مكحله وواضحه هذا الضبعان اللي هو الذكر

وسلامتك

[shmalat]

اخواني
alsamed
مرعي السرحاني
اشكركم على مروركم
بس انا مسغرب من عددها الكبير

[بيضا القاع]

هذه اظنها كلاب سايبه لان الضبع لونه مخطط مش مرع

[أبوتركي]

هلا اخوي اللي بالصورة بعضها ضباع وبعضها ذياب ,, وهذولاء بعض الناس في بعض الديار ,,, يتفاخرون بهالشي ؟

[shmalat]

هلا وغلا باخواني
ذيب النقيان
بعضها بين انه مخطط
ابو تركي
انا يقهرني الي يتفاخر بالشي هذا

اسعدني مروركم وتشريفكم لموضوعي

[القطاوي 2008]

الظاهر أنهن ضباع

[صلفان.نجد]

انا ملاحظ ان اكثر الاعضاء يستغربون كثرة مثل تلل الحيوانات المفترسه في المملكه ,والصحيح ومن واقع ما اراه في مقانيصي خاصه في الحرار (جمع حره)خاصه في حرة بلي (حرة عويرض) اشوف بالليل والنهار مجموعات من الذيابه والضباع ,ولكن ليس لي حاجه في رميها لاني ماتضررت منها ,لكن اللي معي من اهل الديره يذبحونها لانها تاكل الماشيه وبالتالي يعلقونها في مدخل الديره .الاسبوع اللي راح في 20/6/1429كنا نقنص ويوم رجعنا للمزرعه لقينا 4من اجود انواع المعزى السوريه مفروسه ولم يوكل منها الا جفره والباقي ميت ما اكل الذيب منه شي ..هاه وش رايكم ينذبح والا مايدخل تحت باب الموذي .

[shmalat]

القطاوي2008
نورت موضوعي يالذيب
صلفان نجد
باقولك شي ولا تستغرب انا اروح اقنص يمين وشمال واماكن واجد والشي الغريب ما قد شفت لاذيب ولاضبعه الا ذيب واحد ميت بس
نورت يالموضوع ياذيبان

[عبدالرحمن 1]

حنا في زمن كثرو فيه الهمج يحسبون قتل الوحوش شجاعه اسلحه فتاكه وناس ما يخافون من الله حسبي الله ونعم الوكيل
شكرا لك صاحب الوضوع

[أبووليد..]

سلملي على الي صادهم وقله أنت :good: :good: :good:

[أبووليد..]

حنا في زمن كثرو فيه الهمج يحسبون قتل الوحوش شجاعه اسلحه فتاكه وناس ما يخافون من الله حسبي الله ونعم الوكيل


شكرا لك صاحب الوضوع


ياعبدالرحمن ماهيب مسألت رجوله ..
ياخي يشكلون خطر على حياة الإنسان ..
بالله لو أنحشرت مع واحد منهم ..
ولا انت ناسي قصه الشراري ..

أبووليد..

[shmalat]

اشكر كل من رد على موضوعي
عبد الرحمن
ايه والله صادق يعني انت تمشي ولقا ذيب بينك وبينه قل 500 متر ورميته برشاش وين الشجاعه هنا وش سويت علشان تكون شجاع
اشكرك على مرورك

ابو وليد
يعني لازم ابيدها عن وجه الارض عشان ما اقابلها بعدين(اعذرني اخوي وياليت تذكر لنا قصة الشراري ولا عليك امر)

[عابد-]

حنا في زمن كثرو فيه الهمج يحسبون قتل الوحوش شجاعه اسلحه فتاكه وناس ما يخافون من الله حسبي الله ونعم الوكيل


شكرا لك صاحب الوضوع


:no2: :no2: :no2:

[الخادم]

اخوي
كبرت الصورة و اظنهن
كلاب عدد 5
ضباع عدد 2

[أبووليد..]

ابو وليد
يعني لازم ابيدها عن وجه الارض عشان ما اقابلها بعدين(اعذرني اخوي وياليت تذكر لنا قصة الشراري ولا عليك امر)

هذا الله يطول بعمرك على طاعته رجال كبير بالسن نيم بمزرعته وهجم علية ذيب لولا ستر الله عليه كان راح فيها ..

بالله تشوف ذيب ولا ضبع قدامك وتخليه .. والله لوهو عنز;)

ويشكل خطر على اهل الباديه و الحلال .. يجي يوم يذبح أدمي وش يفيدنا شكله إلا خله ياشيخ ينقرض :D
أخوك .
أبووليد:)

[أبووليد..]

تفضل رابط موضوع الشراري لحبيبنا ذيب الفيافي ..
http://mekshat.awalnet.net.sa/vb/showthread.php?t=146968

[ابو عمر النوح]

مساك الله بالخير أخوي ذيب نجدي
بالنسبة لي أنا أتحسف إذا شفت كائن حي بري مقتول حتى لو كان ضبع أو ذيب أو قط بري أو غيرها لكن يمكن لأنها ما آذتني و لا أحد من ربعي و لكن عموما قتلها يضيق صدري . و تقبل مروري .

[الرووقي511]

ذيب ضباع اخت الزير سالم وهاذى جعارات هههههههه تقبل مرورى

[بيت طين]

انا مصور نفس الصوره تقريبا فى ميادين الرمايه حقة القاعه فى خميس مشيط في شهر 1 الماضي وكنها هي بس زاد العدد كانو 4 اللي معلقين وعلي ماضن كلهم ذيابه وكان واحد من خويانا ذابح منهن 2 حسب ماعرف علي العموم الصوره فى جنوب المملكه. اما بالنسبه لقتلهن فاعتقد انه خطأ كبير وكانت ميادين الرمايه مغلقه لوقت طويل وهو سبب تكاثرهن .

[عاشق صيد]

لو الصوره قريب كان يمديك تحكم عليها لكن بعضها ضباع أكيد