قصيده هيضتني في ثلاث حجات وشهي

[عين الداب]

هاذي قصيده ابن عون يوم جاه واحد يقول ابعطيك غنم واباخذ من الابل المغاتير رد عليه ابن عون وهيضني يالربع ثلاث حجات وشهي في قصيده ابن عون والخس

هذي قصيدة عبدالله بن عون (ابونايف)


والله مابدلـك بالغنـم يالمغاتـيـر
واني مابدوي بك من الناس شاوي
حتى تخضين الفيـاض المخاضيـر
وتقطفين ارقـاب نبـت الصـداوي
اليا جاء لروس قليقلانـه نواويـر
مثل الدقوق بريش خطو النـداوي
الابل محبتهـا لهـا طابعـن غيـر
واليا وقعت فالقلب ماهيـب تـاوي
ثنتين مافيهـن مسـاوم وتسعيـر
لا فاتن الرجـال طـاح متسـاوي
دامه يراودهن وهو في رجاء خيـر
ولا غيرهن لمراض روحه مـداوي
وليا تركهن هف مع شفـت البيـر
وصارت اموره بين هاوي وعـاوي
محبة الوضحـا وحـب الغناديـر
يستانس اللي في طلبهـا رجـاوي
اليا عرضت شقرا شعرها دعاثيـر
بعيونها تخلـف مسـار الهـواوي
واللي يبي يطلب عن القول تبريـر
لاينشـد الا طيبـيـن الهـقـاوي
يرفع لمثل لمحمد الخـس تقريـر
ويستنظر الحل الصحيح القصـاوي
واليا خذا التقرير من شاعر مطيـر
تـراه حلـن مايعقبـه دعــاوي
ويمكن يقول الثالثه نقلـت الطيـر
اللي حصل رفض الجناح الرهـاوي
رفض الجناح اللي ليا استتبع السير
حول على راسه بالامر السمـاوي
طرح الشبك ماهوب من وارد الجير
من طار من عشه امراحه خـلاوي


وهذا رد ابوخلف محمد الخس


جتني بيوت مصخر القاف تصخيـر
عبـدالله النايـف ربيـع الفـداوي
يقـول وش رايـك ويبانـي اشيـر
رايي مثل رايك على منـت نـاوي
ياراعي الوضح الخيار المصاغيـر
اللـي لمثلـك ماتجـي بالمنـاوي
لاتطيع بالمغتـر جميـع المشاويـر
كانك علـى لـذات قلبـك شفـاوي
خل الغنم لو هـي تجيـب الدنانيـر
راعي الغنم فقري لو انـه غنـاوي
ليا طاح من غر المزون الشخاتيـر
فأرضن بعيدأ دونها الذيـب عـاوي
ثم جاء لعشب الوسم فيها دواويـر
وتغاوزوها مـن جميـع النحـاوي
راع الغنم ماهوب ياصـل بتيسيـر
الا بشيـل وحـط واخـذ وكـراوي
والبل تزاعج مع وجيـه المظاهيـر
يومن لها عشر اجبتـن للشـواوي
تاصل ولو ان الحيا من ورى الذيـر
مادام تلقى مـن شحمهـا شـلاوي
ويضأ ضحاياهـا رقـاب المناعيـر
يوم الطرب قبل السـلاح النـواوي
وان جتك عكشأ مثل خشف الحمارير
نبريـه تبحـث خفـا كـل غـاوي
ارجع لها لو يزعلـون الحجاجيـر
كان انصحت لـك بالغـلا لاتـراوي
والاشقر اللحـاق عـوق المدابيـر
لاتتركه دام انـت هـاوي وقـاوي
اللي تماري بـه جميـع الصقاقيـر
لاجيت قاعن فيه عشـب وحـراوي
وانته سديد الراي في كـل تدبيـر
وتسنـع الغـاوي كفيـت البـلاوي

[عرين]

نقل طيب وقصيدتين فالإبل عطايا الله لشاعرين من كبار الشعار

بيض الله وجهك أخوي عين الداب على هالنقل الطيب والذوق الرائع

[جرير]

مشكور علي هالقصائد
وتجيب الزين

[عبدالرحمن الخالدي]

عين الداب أشكرك على هذا النقل المميز , بارك الله فيك .

[عين الداب]

عرين وجهك ابيظ والذوق حضورك

جرير بيظ الله وجهك وشرفني مرورك الغالي

ارحب يالخالدي الله يبارك فيك ويبقيك وتميز بحضورك

[جبل راف]

والله مابدلك بالغنـم يالمغاتـيـر
واني مابدوي بك من الناس شاوي
حتى تخضين الفيـاض المخاضيـر
وتقطفين ارقـاب نبـت الصـداوي
اليا جاء لروس قليقلانـه نواويـر
مثل الدقوق بريش خطو النـداوي
الابل محبتهـا لهـا طابعـن غيـر
واليا وقعت فالقلب ماهيـب تـاوي
ثنتين مافيهـن مسـاوم وتسعيـر
لا فاتن الرجـال طـاح متسـاوي
دامه يراودهن وهو في رجاء خيـر
ولا غيرهن لمراض روحه مـداوي
وليا تركهن هف مع شفـت البيـر
وصارت اموره بين هاوي وعـاوي
محبة الوضحـا وحـب الغناديـر
يستانس اللي في طلبهـا رجـاوي
اليا عرضت شقرا شعرها دعاثيـر
بعيونها تخلـف مسـار الهـواوي
واللي يبي يطلب عن القول تبريـر
لاينشـد الا طيبـيـن الهـقـاوي
يرفع لمثل لمحمد الخـس تقريـر
ويستنظر الحل الصحيح القصـاوي
واليا خذا التقرير من شاعر مطيـر
تـراه حلـن مايعقبـه دعــاوي
ويمكن يقول الثالثه نقلـت الطيـر
اللي حصل رفض الجناح الرهـاوي
رفض الجناح اللي ليا استتبع السير
حول على راسه بالامر السمـاوي
طرح الشبك ماهوب من وارد الجير
من طار من عشه امراحه خـلاوي


عافاك الله وصح لسانك انت وابن عون والخس على هالقصيدتين الجزلتين

ولكن اسمح لي بتعديل بعض الكلمات التي في بعضها كسر من حيث النقل وبعضها كلمات املائية لاتخل بالوزن والجميع يعرف ان ابن عون الله يطول بعمره لايأتي الا بالجزل الموزون فالقصيدة معي بصوت الشاعر نفسه اما قصيدة الخس فلا توجد معي ولاتزعل مني ياخوي عين الداب اتيت بها للتصحيح فقط مع احترامي لك


الكلمات هي :
مابدلك= مابيعك
الابل= البل
واليا= اليا
لافاتن= ليافاتن
روحه= قلبه
يستانس اللي= يرجع بقلب( ن)
اللي حصل= لياحصل
طرح الشبك= خطو اشقر (ن)


دمتم بخير جميعا

[المان العرب]

اررررررررررررررحب تراحيب المطر
صح الله السان ابو نايف وتسلم يمناك ياعين الداب

[أبو فهد العيد]

وش بقيت,, ياعين الداب,تسلم يمينك,, وماقصرت