كفرات الهانكوك

[عقريص]

السلام عليكم ورحمة الله وبركاتة
كيف حالكم ياشباب وش مسوين , انا ابسأل إذا فية احد مجرب كفرات هانكوك 245/85/16 اللي تجي شبيهه بالشاهين والدنلوب الصحراوية انا حاب اشتري منها لانها ارخص من الدنلوب والشاهين بواجد وهي نفس النقشة حقت الشاهين بس اني مادري عن مدى جودتها وقلت ابشاوركم يمكن عندكم خلفية عن الكفرات

[عاشق السيل]

وعليكم السلام ورحمة الله وبركاته ،،

أنا الآن مركب 275/70/16 وبصراحة ممتازة جدا وجودة عالية جدا ونعومة وليونة تتفوق على غيرها ،، وكثير من الشباب اللي أعرفهم مركبين هانكوك بمقاسات مختلفة وكلهم يمدحونها بتحملها وطول عمرها !!

هذا اللي عندي وتقبل مروري يالغالي .....

[hamed2001]

وانا مركب 275/70/16 للجيب وماشاء اللة ممتازه وسعرها جيد

[مخاوي الكشات]

وانا مركب 275/70/16 للجيب وماشاء اللة ممتازه وسعرها جيد


وعليكم السلام ورحمة الله وبركاته ،،

أنا الآن مركب 275/70/16 وبصراحة ممتازة جدا وجودة عالية جدا ونعومة وليونة تتفوق على غيرها ،، وكثير من الشباب اللي أعرفهم مركبين هانكوك بمقاسات مختلفة وكلهم يمدحونها بتحملها وطول عمرها !!

هذا اللي عندي وتقبل مروري يالغالي .....

السؤال تتحمل الحصيان والشعبان ..

[أبوكلبشة]

الهانكوك زينات بس الماكسس ازين وانا جربت الاثنين

[بدوي جنوبي]

مركب مقاس 245/70/16

عشر طبقات

الكفر لين ووممتاز وما يطلع منه صوت عند المنعطفات

الكفر 2008 سعر الواحد 390
كان قبل اسبوعين ب360

بالتوفيق

[winchester]

كفر هانكوك يبنشر من شوكه

لين وناعم فوق اللزوم

عليك بالماكسس

دمـت بود

[VTC48]

الميشلن -بريجستون 10 كاندس -دنلوب مانصحك فيه
هذا ارخصلك خذه
وتقبل مشاركتي........

[برق الوسمي]

تعليق على الكفرات الرملية بشكل عام.....
انا مجرب الشاهين نفس المقاس حليو بس اذا تبي الجد النقشة الرملية الصراحة ماتنفع ابد في غير الرمل في الازفلت التماسك ضعيف مع الفرامل في الطين تزلق وفي حال طلوع اماكن صخريه الكفر يفحط من نعومة النقشة الزايدة.....انا افكر اركب ماكسس 265/75/16

مداخلة والراي لك.......

[عقريص]

الاخ الكريم عاشق السيل اشكرك على المعلومة والله يعطيك العافية

الاخ حامد الله يعطيك العافية على المداخلة

الاخ مخاوي الكشتات شاكر لك المرور

الاخ ابو كلبشة شاكر لك مرورك بس ودس اعرف ماكسس نفس نقشة البالون ولا نفس نقشة الشاهين

الاخ بدوي جنوبي الله يعطيك العافية على الرد بس ماتدري بكم سعر 245/85/16

الاخ الغالي ونش ستار يمكن انك تقلل الهوى فيهن شوي وهالنوع يبي الواحد لاراح للشعبان والحصيان يملاه هوى

الاخ الغالي فتك شاكر لك مرورك

الاخ برق الوسمي الله يعطيك العافية على المعلومات الوافية بس انا ابي النقشة الرملية لاني ابركبة على الباترول السلقة وهي اجمل كفر يركب على الباترول

[عقريص]

ننتظر المزيد من الاراء لاني ابي احد مجرب نفس النوع 245/85/16

[عقريص]

ياشباب ابغى المحل الرخيص والنصوح للكفرات بالرياض

[ذيب البر]

انا مثلك محتار بالنسبة للهانكوك الي تقصدها جربتها العام تبنشر
ولينه وقبل سنين اجرب الشاهين حلوه بس جنبها لين تبنشر على طول والدنلوب والظاهر ذا السنه ابجرب الماكسس على راي الشباب بس والله اخويانا مامدحوها بالازفلت وخطره خاصه بالمطر

عموما الي يخبر كفر زين للقناص وراعي الطير خص لانه يطرد ولا ينتبه يدلنا

وجزاكم الله خير

[مستكشف الدروب]

للشعبان والحصيان ما تنفع لانها لينه جدا

[ابو قفلة]

كفر هانكوك يبنشر من شوكه



لين وناعم فوق اللزوم


عليك بالماكسس



دمـت بود

انا سألت البنشري وقالي نفس الكلام

[عقريص]

بس انا مجرب الماكسس البالون ومشكلتة الرجة متعبة يبي واحد معامل محل ترصيص كل اسبوع او بعد كل طلعة لازم ترصص ولا الماكسس حلو بالنفود والشعبان ومريح ومطبه خفيف