بداية صقاره ووراها صرع!!

[@قرناص@]

السلام عليكم

أخواني انا يوم الخميس شريت شيهانه جبليه بكر 13*13

المهم ما امداها تقعد عندي.. الا وبدة ظواهر عليها

قبل شوي اطالع فيها رفعت الجناح ثم نزل واحد وبدت تهتز على الوكر

ثم فقدت التوازن رحت حطيتها على الدس واطالعها تهتز ورافعه الجناح وراسها شوي مايل وتطالع فوق

(قبل مايصير ها الشيئ كانت تطالع فووق) المهم اني برقعتها وهدت ثم فكيته ورجعت سليمه..

هل هاذي بداية صرع والا نقص فيتاميناات والا وش بها؟

انا بالرياض وبشخط لاقرب بيطيري اليوم والي يخبر محل بيطره بالرياض يقولي

ولاهنتو ومشكورين

(بدآية صقاره ووراها صرع!)

[وَسَام!]

فعلا بداية صرع لكن رح لخالد العويدي وهو افضل من المستشفى يكون
موجود بعد صلاة المغرب

[العمراني]

ياا خووي انت حاط الطير في الحوش يعني في فووقه سقف ولا غطاا يعني بغرفه ولالا اذا لا فهي تشووف طير يحووم او قااطع اما اذا داايخه ودهاا تطيح الحق البيطري الف سلامه

[صقار البحرين]

ان شاء الله يفيدونك الاخوان

[أبو أمين]

رح بها مستشفى فهد بن سلطان في مخرج 9 على طريق الدمام والله يشفيها

[أخو وضحة]

أخوي خل المستفيات تقعد والله ما عندهم الا انهم يعطون طيرك ابره وبعدها يموت
لكن رح لخالد العويدي وبيته قريب من محل الصقر والصقار الي في شارع سلمان الفارسي واسأل عن بيته وبتحصله ان شاء الله
وهذا رقم جواله ان ما خاب ظني
0505220908

[جارح العين]

اي نعم هذا صرع وسبب الصرع نقص فيتامينات
ورح مثل ماوصفولك الاخوان وعالج طيرك باقرب وقت

[مدماك]

هلا اخوي انت معشيها حمامه ولا سمانه.......مدماك

[@قرناص@]

هلا اخواني..

انا حاطها بغرفه وبها مكيف وكلش تمام

بخصوص العويدي خلاص بروحله ..

اما العلف سمان مجمد احطه بمويه كم من ساعه لين يسير جيد واعطيه الطير..

والي يعرف اكثر عن العويد اللله لايهينه يكلمني

[سلطان 1]

تبى نصيحه كانه صرع اعتقها لوجه الله 0 العويدى بيكويها ويمكن تسلم ويمكن لا فالافضل اعتاقها وابشر بالعوض وانا خوك اطب السوق انا وياك بكره وخذلك غيرها 0 والله العضيم انى صادق

[ابرق العزاف]

شكرا

والعويدي هو يفيدك اكثر من غيره

[رامى السيد]

حقا هذا صرع الله يحفظك اتمنى من الله ان يشفى لك طيرك ونصيحه اخ لا تتاخر فى حلاجه حتى ولو تحسن
وضعه او هدئ فالصرع احياننا يبدا بنوبات تستمر لدقائق تستمر بعدها وتودى بحياة الطير وهو عادة نقص فيتامين e
او علف ملوث بالكربون او الرصاص بالخلاصه(التلوث بالمبيدات الحشريه) حفظنا الله واياكم
وتقبل سلامى

[@قرناص@]

ابشركم..

جو عندي 2 من الصقاقير وشافو الطير وعلفوه وقالو سليم..

والظاهر ان السبوق التف عليه..

ومشكورين

ولازم بعد اروح للبيطري اتأكد

[عبرود الشمال]

اخوي
وش تروح للبيطيري
الاخوان ينصحونك تروح ل خالد العويدي
واحسن لك تروح يمة لانة بعد الله سبحانة راح يعالج طيرك
واللة يشفية

[@قرناص@]

ايه لاكنه يعالج بالكوي؟

والكوي أخر علاج لـ الصرع!

[أبو أمين]

يالطيب الرجال ينصحونك وبكيفك الي تسويه بس انت حاط الموضوع عشان الأراء والحلول وفي النهاية انت حر

[نايف الخالدي]

لاتكويه كانك تبي النصيحه واسال مجرب
العويدي وديتله طير وكان بيكويه
وزين اني ماكويته هو كان يقول انه فيه صرع والطير مافيه الى نقص فيتامين والحمدلله اقنص فيه ولا فيه الى كل خير
لاتكووووووويه

[القطاوي 2008]

الله يكتب اللي بة خير أن شاء الله

[راعي انيسان]

يا جمعه مع الحترام الشديد الي ما له خبره بلمجا ل لا يتكلم خوفتو الرجال يا = قرناس = لا تستعجل الطير متا تعرف انه فيه صرع او لا اربطه بخيط الا بيض حق التدريب وجوعه وحط سمانه او حمامه وهده عليه لا شفت اطير ما هد او هد وهو مطياره لك عليه ذاك الو قت رح المستشفا والمستشفى يبي فوس يبي يكوي ويمشي وتوكل على الله http://tbn0.google.com/images?q=tbn:bnz0P_SpooDNaM:http://www.7bary.com/amra9/6.JPG (http://images.google.com.sa/imgres?imgurl=http://www.7bary.com/amra9/6.JPG&imgrefurl=http://www.7bary.com/amra9/index.htm&h=333&w=244&sz=17&hl=ar&start=1&tbnid=bnz0P_SpooDNaM:&tbnh=119&tbnw=87&prev=/images%3Fq%3D%25D9%2585%25D8%25B1%25D8%25B6%2B%25D 8%25A7%25D9%2584%25D8%25B5%25D8%25B1%25D8%25B9%2B% 25D9%2581%25D9%258A%2B%25D8%25A7%25D9%2584%25D8%25 B5%25D9%2582%25D9%2588%25D8%25B1%26gbv%3D2%26hl%3D ar)http://tbn0.google.com/images?q=tbn:jVC9i5s9OcCTJM:http://www.7bary.com/amra9/7.JPG (http://images.google.com.sa/imgres?imgurl=http://www.7bary.com/amra9/7.JPG&imgrefurl=http://www.7bary.com/amra9/index.htm&h=333&w=265&sz=17&hl=ar&start=2&tbnid=jVC9i5s9OcCTJM:&tbnh=119&tbnw=95&prev=/images%3Fq%3D%25D9%2585%25D8%25B1%25D8%25B6%2B%25D 8%25A7%25D9%2584%25D8%25B5%25D8%25B1%25D8%25B9%2B% 25D9%2581%25D9%258A%2B%25D8%25A7%25D9%2584%25D8%25 B5%25D9%2582%25D9%2588%25D8%25B1%26gbv%3D2%26hl%3D ar)

[زعيم الصقارين]

ياخوي والله الطيره ماتسوي علاجه فكها لوجه الله ودورلك غيرها الي قيمتها 2000 ريال

[عبدالرحمن ‍]

مرحبا أخوي... ((شافا الله طيرك واكلك من صيده))

أخوي الطير اذا برقعته يلف رقبته على جهه ؟؟

ومن كلامك ان الطير فيه رجفه .. وراس الطير مايل على فوق ..

اذا خليته فتره.. هل الطير يرد رقبته ورى بشكل غريب؟

الله يبعد الشر من طيوركم .. ولكن خلنا نتكلم عن الصرع وانا ما أجزم ان طيرك فيه صرع الا اذا عرفت الحالة بشكل دقيق..

للصرع مسببين بشكل عام الأول فيروسي والثاني نقص فيتامين.. اذا كان فيروس فالله يعوض أخير منه وفكه .. لأنه وبحد علمي مااكتشفوا له علاج.. أما نقص الفيتامين .. فمثل ماقال لك الأخ رامى السيد .. هو نقص فيتامين E .. أنت عطه فيتامينات ويكون فيتامين E,b بنسب أكبر .. ولازم تعرض طيرك لأشعة الشمس.. يعني ود الطير لغرفه يتعرض فيها لأشعة الشمس بأكبر قدر ممكن .. وخاصة أشعة الصباح (اشعة الشمس مليئة بفتامين E).

الله يشفي طيرك ..

ولعل الله يجعل في كلامي ولو فائدة قليلة..تقبل مروري ..

[@قرناص@]

هلا..

أخواني الرأس ماله علاقه بالموضوع الي انا شفته!

انا شفت طيري يهتز والجناح مرفوع واختل التوازن..

وشافوه صقاقير وما الظاهر انه صرع

ومشكورين

[الزاجل الازرق]

تبى نصيحه كانه صرع اعتقها لوجه الله 0 العويدى بيكويها ويمكن تسلم ويمكن لا فالافضل اعتاقها وابشر بالعوض وانا خوك اطب السوق انا وياك بكره وخذلك غيرها 0 والله العضيم انى صادق


والله كلام من ذهب ياراعي فاروق عسى الله يبيض وجهك :good: :good: :good: :good: :good:

فعلا اخوي لا تخليهم يعذبونها ويكونها اعتقها لوجه الله وربك يرزقك بافضل منها يالذيب

اخوك ابودغيم
نواف

[ناصر الحمد]

الله يعوضك بخير منه

[@قرناص@]

شباب,,

خلاص قلتلكم الطير رجع سليم والظاهر ان السبوق لف على رجوله وشيئ من هاذا القبيل’’

مشكورين على المرور

[مقلطاني]

اقرا عليها المعوذات وانشالله تزين الامور

[شنكارuae]

الله يشفيها