بمناسبة موسم الدخل إليكم هذه المشاركة

[يوسف الخليفة1]

ابدا بابيات القيفان=باسم الرحيم الرحمن
وانصلي عد الكثبان=على رسول البريه
هذا الدخل في صحراه=من يحبه في مذراه
وين غلامن تحراه=وين قروم السعوديه
ياللي شفقن تحتريه=مستحسن حراويه
تابعني كانك تبغيه=ابفصح لك عن مجيه
قدومه ما هو بعيد=ايامن يمكن تزيد
ياللي تبغاه وتريد=جهز لجله بندقيه
لا تحرص على الاسباني=ولا الصيني وابريطاني
عليك بوارد الماني=ديانا شغل الخبريه
وعليك برصاص مدبب=كانك تبي تصيد وتكسب
طع شوري تراه مجرب=اللي احمرن غطيه
واللي اخضرن غطاه=الفاهم خابر ورطاه
كم من شارتن اخطاه=يطيح بنهضة قفيه
جهز سبوتك والثوب=والغامق ترا مرغوب
والاشهب ذاك المحبوب=تختفي وسط البريه
ولم الملقح والعده=وافراشك لزما تشده
والخلا كلش يسده=لو انك بارضن خليه
واول ما تبدا بالخوه=رفاقا واصحاب مروه
واحذر شخصن باين سوه=غثيثن نفسه رديه
لا تاخذ لحم النعاج=ولا سمان ودجاج
لازم تصير المحتاج=تاكل صيد البندقيه
وابحث عن بيدا عليله=بالعقرب جيد مسيله
اشجاره خضرا ظليله=طالت بذيك النحيه
دور شعيبن منحدر=ما به خلافن او كدر
والا على فيضة سدر=ما فيها شرن واذيه
واحسن من هذا المزارع=ان حصلك شد وسارع
واهجم هجوم المصارع=تنعم بكشته هنيه
افطن للرقطا يا فلان=رماديه ام لسان
واعيونه عين الثعبان=واشحمته مثل الزوريه
دور عليها من بدري=فتش عنها شبرن شبري
لا ترتخي مثل الخكري=ما دامت شمسها حيه
وحاول الرميه بالراس=لا تجعل بطنه مقياس
يسلم صدره ما ينحاس=حتى فخذه وجنبيه
في وسط الما نثروهن=عقب التربيص انتفوهن
وبماعونن نظفوهن=واحذفوهن بصفريه
قبل مالدخل يفوح=لازم الكرشه تروح
تسلم من ذاك الذرنوح=اذا السنه ربيعيه
اجعلها شبيهة قبص=واقطع رجليها في مقص
بالقدر خلها في رص=تشبه لكوسه محشيه
ملحها لازم تقيس=واحركها مثل الحميس
لين تغدي دردبيس=تصبح مثل البصليه
واضف طماطم وابزار=والماجي مع فلفل حار
والقرفه ويا المسمار=لما تغدي كركميه
وحط الما ويا الكمون=والكزبره والليمون
واقصر ناره على هون=السفتي يبرم شويه
وليا استوا بالايدام=الرز ينظف تمام
شعلانن والا الوسام=كلن له شف وشهيه
كب رزيزه يوم تروب=عليها قرع واعلوب
وتك القدر ذا مرغوب=لما تزين النثريه
وانكبها في صحن التبسي=معها الميرندا والبيبسي
وهندل نيبانك والضرسي=ويا ربعن شوشليه
وصلاة الله والسلام=على رسول الانام
عدد ما ناح الحمام=وعدد حبات برديه




( يوسف الخليفة )

[عبدالرحمن الخالدي]

هههههه صح لسانك يا أبوعبدالله , متى تبي نطلع للدخل ؟ ترانا جاهزين !

[يوسف الخليفة1]

هههههه صح لسانك يا أبوعبدالله , متى تبي نطلع للدخل ؟ ترانا جاهزين !


الأخ الغالي عبد الرحمن الخالدي أسعدك الله في الدنيا والآخرة وصح بدنك ونسعد في مصاحبة الرجال الطيبين

وتقول وتفعل يا ابن الرجال وأنت لها بإذن الله متعك ربي بالصحة والعافية وحفظك ورعاك ولك احترامي

[عرين]

لقد حركت غريزة المقناص والدخل في هالمروبعة الجزلة

صح السانك أبوعبدالله والجزالة هي عادتك

وافي أبوعبدالله والله لا يهيبك يالقرم

والله يعين هالسنة مع شهر العبادة والصوم

كب رزيزه يـوم تـروب
عليهـا قـرع واعلـوب
وتك القـدر ذا مرغـوب
لمـا تزيـن النثـريـه

[يوسف الخليفة1]

لقد حركت غريزة المقناص والدخل في هالمروبعة الجزلة

صح السانك أبوعبدالله والجزالة هي عادتك

وافي أبوعبدالله والله لا يهيبك يالقرم

والله يعين هالسنة مع شهر العبادة والصوم

كب رزيزه يـوم تـروب
عليهـا قـرع واعلـوب
وتك القـدر ذا مرغـوب
لمـا تزيـن النثـريـه


مرحبا بأخي العزيز عرين وأجزل الله لك الخير وصح بدنك ورفع الله قدرك وبلغنا رمضان وغفر لنا ولكم

[شيخ القرينه]

شكرا على الابيات الرائعه .

[يوسف الخليفة1]

شكرا على الابيات الرائعه .


أخي العزيز شيخ القرينة مرحبا بك والرائع مرورك ولك تقديري وحياك ربي

[دغيم1]

السلام عليكم ورحمة الله وبركاته
حياك الله أخي الغالي
أبو عبد الله
صح لسانك ، ولاهنت
قصيدة أستوقفتني كثيرا ، وأنا أتهجأ حروفها ، سرح الفكر وشرد
وداج في البر وهاج
زمان مضى ووقت ارتحل
تذكرت تلك الأيام والليالي ، شديدة الحر نهارا ، وباردة ليلا
والتعب ، والظماء ، والصفن ، والتنتيف ، والمعقب ، والمرقوق ، والرز ، وتمر السلج ، وثلج الحكير ، وشبة النار ، والدله ، وسواليف عقب العشاء ، حيث لاسهر بعد تعب ، وطوال النهار كد وفر .
ولعل هذه الصورة شاهدة على ذلك ، وأشجار الطلح تحكي لنا قصة الهجرة

http://www.mekshat.com/pix/upload02/images76/mk46848_124rom14 (4) (small).jpg

سلمت يمينك
تقبل تحياتي وشكري
.

[الصقار2007]

صح لسانك أبيات جميلة وخفيفة

[جبل راف]

اللهم صل على محمد وعلى اله وصحبه اجمعين

صح لسانك يابو عبدالله لاهنت وهيضتنا اكثر

اشكر تفاعلك ونشاطك بالخيمة الشعرية ولاهان الاعضاء جميعا

[الرجم العالي]

صح السانك أبوعبدالله ..

لاهنت ..

مشرفنا الفاضل دغيم .. صوره ولا بالأحلام :D

الله يطول بعمرك وأعمارنا على طاعته ..

.

[جبال الهملايا]

قصيدة رائعه ومعبره والف شكر لك يا بو عبدالله

[يوسف الخليفة1]

السلام عليكم ورحمة الله وبركاته




حياك الله أخي الغالي
أبو عبد الله
صح لسانك ، ولاهنت
قصيدة أستوقفتني كثيرا ، وأنا أتهجأ حروفها ، سرح الفكر وشرد
وداج في البر وهاج
زمان مضى ووقت ارتحل
تذكرت تلك الأيام والليالي ، شديدة الحر نهارا ، وباردة ليلا
والتعب ، والظماء ، والصفن ، والتنتيف ، والمعقب ، والمرقوق ، والرز ، وتمر السلج ، وثلج الحكير ، وشبة النار ، والدله ، وسواليف عقب العشاء ، حيث لاسهر بعد تعب ، وطوال النهار كد وفر .
ولعل هذه الصورة شاهدة على ذلك ، وأشجار الطلح تحكي لنا قصة الهجرة


http://www.mekshat.com/pix/upload02/images76/mk46848_124rom14 (4) (small).jpg


سلمت يمينك
تقبل تحياتي وشكري


.



وعليكم السلام ورحمة الله وبركاته وحياك الله أخي العزيز الفاضل دغيم1 وصح بدنك ولفتت أنظارنا كلماتك


والصورة المرفقة فلقد أجدت أخي العزيز في هذا الرد الذي يستحق أن يكون مشاركة مستقلة بشموليته ودقته


وترتيبه ونقلاته التذكارية فعجبا لهذه الصورة كأنها خيال صوره لنا رسام بارع ولكن هي حقيقة من الماضي


ورجال أبدوا الصبر والتحمل والتعاون وتلك الحافظة فوق السلة أحداث لم يبقى منها إلا الصورة والذكرى ولكن


أعتقد أنها ستبقى في مخليلتك على أنها أيام جميلة لها طعم حلو في ذائقتك النفسية ولكن على قولك تمر السلج


يحضرني بيتان حول هذا التمر وأبحث عن بقية أبيات القصيدة وقائلها إذا كان عندك خلفية عنها والبيتان هما


يا سلج بجلاجــــل 0000000 يا برد ما القويعيــــــة


والله لا بيع زمامي 0000000 واشري لراسي طاقيه


إذا كانت لديك خلفية عن بقية هذين البيتين ولا يكلف عليك الأمر فنحن نريدها أو أحد النشاما لديه معلومة فحياه الله


وحياك الله وحفظك ورعاك أخي دغيم فقد آنستنا بهذا الرد فلك الشكر الجزيل

[دغيم1]

السلام عليكم ورحمة الله وبركاته
حياك الله أخي الغالي
أبو عبد الله
قد لايسمح المجال بسرد الكثير من الذكريات حول مضمون القصيدة
ومناسبتها
وبالنسبة لما ذكرته في البيتين


يا سلج بجلاجــــل 0000000 يا برد ما القويعيــــــة


والله لا بيع زمامي 0000000 واشري لراسي طاقيه



اللي سمعته عن هذه القصيدة هو :



يا سلج بجلاجل *** يا برد ما القاعيه


والقاعية هجرة بالقرب من الأرطاوية ومشهورة بالمياه وقد وقفت على أبارها الكثيرة
فقد وجدت البيت التالي
وسوف أبحث جاهدا عن كامل القصيدة

تقبل تحياتي وشكري للطف ردك وحسن تواضعك

[يوسف الخليفة1]

صح لسانك أبيات جميلة وخفيفة


صح بدنك أخي الصقار والجميل مرورك وحياك ربي

[يوسف الخليفة1]

اللهم صل على محمد وعلى اله وصحبه اجمعين

صح لسانك يابو عبدالله لاهنت وهيضتنا اكثر

اشكر تفاعلك ونشاطك بالخيمة الشعرية ولاهان الاعضاء جميعا


حياك الله أخي الغالي نشو الشمال وصح بدنك ولك تقديري واحترامي والشكر الجزيل

[أبو فهد العيد]

صح لسانك يابوعبد الله,, والله يرزقنا وياك الصيد الوفير...
ان شاء الله..
والله ياحنا مشتاقين للقصديره,,, والكبسه,,

[يوسف الخليفة1]

صح السانك أبوعبدالله ..

لاهنت ..

مشرفنا الفاضل دغيم .. صوره ولا بالأحلام :D

الله يطول بعمرك وأعمارنا على طاعته ..

.


حياك الله أخي الرجم العالي وصح بدنك ولا ندمت والشكر الجزيل

[يوسف الخليفة1]

قصيدة رائعه ومعبره والف شكر لك يا بو عبدالله


الأخ العزيز جبال الهملايا الرائع مرورك فشكرا لك وحياك ربي

[يوسف الخليفة1]

السلام عليكم ورحمة الله وبركاته

حياك الله أخي الغالي
أبو عبد الله
قد لايسمح المجال بسرد الكثير من الذكريات حول مضمون القصيدة
ومناسبتها
وبالنسبة لما ذكرته في البيتين



يا سلج بجلاجــــل 0000000 يا برد ما القويعيــــــة



والله لا بيع زمامي 0000000 واشري لراسي طاقيه




اللي سمعته عن هذه القصيدة هو :




يا سلج بجلاجل *** يا برد ما القاعيه



والقاعية هجرة بالقرب من الأرطاوية ومشهورة بالمياه وقد وقفت على أبارها الكثيرة
فقد وجدت البيت التالي
وسوف أبحث جاهدا عن كامل القصيدة



تقبل تحياتي وشكري للطف ردك وحسن تواضعك


جزاك الله خيرا أخي دغيم ولك تقديري واحترامي وحياك ربي

[يوسف الخليفة1]

صح لسانك يابوعبد الله,, والله يرزقنا وياك الصيد الوفير...

ان شاء الله..

والله ياحنا مشتاقين للقصديره,,, والكبسه,,



الأخ العزيز أبو فهد العيد صح بدنك ونسأل الله من فضله وحفظك الله ورعاك والشكر الجزيل