سوال ياجماعة الخير

[طير المري]

السلام عليكم
ياجماعة الخير انا ما بطول عليكم
اريد اعرف اذا اريد اشتري طير من السعوديه كيف اوصله الامارات
لازم اوراق

[أبوإبراهيم1]

اشتر من الامارات وريح راسك

[@قرناص@]

الامارات ازين لاكن ان كانك تبي من السعوديه..

لازم الطير يخضع لـ فحوصات طبيه ثم اذا كان سليم يعطونه اوراق وجواز وتشحنه

الشغله تراها طويله ومشكور,,

وترى طيور الامرات طيبه ,,

[محمد الفهيد]

مثل ماقالوا الاخوان

أشتر من الامارات وريح راسك
والطير مايدخل من السعوديه الى الامارات

[F J]

تهريب!؟!
لان الامارات قليل تلقى بها خلوي واذا لقيت يكون غالي بخلاف السعودية

هذا على حد علمي والله العلم

[طير الهقاوي]

يمكن افيدك انا ياطير المري اتصل علي والله بيسهل الامر



00966504212872
:cool:

[عاشق1]

مافي امل يدخل الا مهرب وغيركذا مافيه لا اوراق ولاغيرة لان الوحش ماله شهادة صحيه ( منشأ مزرعة ) حتى يتم قبوله عن طريق حماية الحياة الفطرية ولا تتوهق مثل اخوك تراي جالس في المنفذ من الساعة 5 الفجر حتى 11 صباحا وبغى يتصادر لولا ان الله لطف فارجوا الا تتكرر مع غيري يعني عنز على رجال شروا من يقرا وخل الرخوم

[خالد الحبابي]

المري انا من الامارات وبفيدك الطيور الحينه ماتطلع ولا تدخل الامارات حسب ما سمعت اليوم حتى لو لها جوازات ... وبعدين انته في بداية شهر 8 وهالفتره تطون الطيور غاليه لين عقب رمضان اصبر وفكر في الطير عقب رمضان نصيحه لك ولا تعور راسك بسوالف شحن وفحص من الخارج... واظني انته من العين اصبر شوي وبنروح وياك محل في العين واللي فيه الخير الله بيكتبه

[ناصر الحمد]

أسمع كلامك أخوانك شورهم طيب الله يعطيهم العافيه اشتر من الأمارات وريح راسك والأمارات فيها طيور طيبه وصقارين تحطهم على الجرح يبرا

[بن عويان]

صح انه في طيور في الامارات طيبه بس والله الي في السعوديه اطيب
ويا طير المري ترى في نص شهر ٨ بيوصلن حول ال ٢٠ طير من السعوديه او بينباعن في بدع زايد اذا في خاطرك طيور من السعوديه

[طير المري]

وانا اشكركم جميعا
خالد الحبابي في اي وقت تبان نطلع السوق ارسلي على الخاص

[خالد الحبابي]

طير المري بخبرك عالرسائل الخاصه

[صقار شياهين]

اسمع نصيحة خوانك هرب والا اقعد

[دبي داري]

المشكله يا شباب نحن اهل الامارات نفضل طيور السعوديه لان اصحابها نشاما

مايكذب عليك و لا يخدعك بعذاريب الطير

صادق و وفي معاك

اما في الامارات فالبكستاني لاعب لعبته في النصب و المغالاه

[الطبشي]

يفيدونك الربع انشاء الله .........

[شنكارuae]

اشتر الطير وقنصبهه عند اخوانك في السعوديه