أقدر أعدل شكل هالخيمة ( صور )

[طخيمان]

يا جماعة الخير عندي خيمة والله مدري وش هي قايلة مهيب عامود ولا تركيب وطريقة تركيبها صعبة وأيضاً اذا نصبناها تطلع ماهي مشدودة ومرتخية بشكل فظييييع وعلى ما اظن انها 4*4

سؤالي
هل اقدر اوديها لمحل خيام ويعدل عليها بحيث انها تكون تركيب مثل الخيام اللي طايحين فيها هالأيام
مثل
(الخيمة الخضراء اللي في الصورة )

ولو نقصت مساحتها مهيب مشكلة بس هل اقدر ولا لا

مع كل الشكر لكم

http://www.3tt3.net/up/upfiles/1xn63272.jpg



-------------------------------------------------------

http://www.3tt3.net/up/upfiles/bIo63272.jpg

[عبدالله ابو]

ودها الله يسلمك لم محلات الخيام الي بالغرابي

يحطون بها عمدان زي ماتبي بس اهم شي انك توديها لم واحد فنان

لاان اغلب البنقال الي هناك نصابين


والله يوفقك

[طخيمان]

الله يعطيك العافية اخوي ابو عبدالله بس كم ظنك تكلف ؟

[اول 111]

ليش ما تحط بها عمدان بالجوانب

[طخيمان]

ليش ما تحط بها عمدان بالجوانب



انا والله باخذ رايكم ووش تنصحوني

[قرناس صلا]

والله خيمتك حليله , لكن ناقصها عمدان بالجوانب مثل الخضرا اللي بجنبها

[طخيمان]

والله خيمتك حليله , لكن ناقصها عمدان بالجوانب مثل الخضرا اللي بجنبها


طيب اخوي وين تنصحني اوديها لأي محل ..؟

[راعي الفورت]

مثل ما قالوا الشباب حط عمدان بلاطراف وتزين إن شاء الله

وتظبط وتصير مثل اللي بجنبه حلوة مزيونة أهم شيء ترد عنكم الشمس والبرد والله يستر عليكم

[راعي الفورت]

طيب اخوي وين تنصحني اوديها لأي محل ..؟


عندك الغرابي بالرياض


وعندك عروق الشمال ببريدة

[طخيمان]

يا مال العافية

بس هل تظنون المحلات اللي على شارع ال100 (سعد بن عبدالرحمن ) في الرياض تزينها

[مخاوي الكشات]

هاهاهاهاهاهاهاه والله شكلها مع الخضراء خلق وفرق ..

على العموم أعتقد الإخوان كفو ووفوا

[ابو ساره 999]

اخوي طخيمان هناك محلات على خط الميه ممتازه 1 الفراسة 2 الكشاته وكل المحلات ذي تسوي الخيام الخضراء ذي انت اذا جيته خله يحس انك تعرف الأسعار قله عندي الخيمة ابيك تعدلها بس اقولك من الحين اذا الخيمه تبي شغل واجد ترى بيصلخونك بالسعر وانا رايي لك تحط العمدان المنيوم اخف واحسن تقبل مروري

[ارتست]

صارت معي قبل شريت خيمه اعمدتها متكنسه من الهندي اللي مخيطها
هذي مشكلتها بسيييييييطة
اولاً العمودين اللي بالنص قصاااار
اول شي رح برق الحيا تلاقي عمدان تقصر وتطول سعرها حلو على 25 الظاهر.. خذ لك اثنين لوسط الخيمه
ثم قس إرتفاع الاركان لان واضح ان برضو الاركان قصيييييرة اعمدتها وإذا عرفت الطول زد عليه 5 سم عشان ينغرس في الارض<< وهذي الاعمدة تلاقيها في الغرابي عند حقين الخيام مر وإسأل عن حداد هناك له محل يبيع فيه أعمدة الرواقات ب7 ريال الواحد والظاهر الحين مع الغلا ارتفع سعرها خذ لك6 اعمدة اربعه للاركان وإثنين في المنطقة اللي بين الاركان
وإدعيلي بتشوفه غييير

[طخيمان]

الله يعطيكم الف ألف عافية على التوضيح ومشكورين على التفاعل

[الخادم]

اخوي
ياليت تشتري من الخيام التاية مثل البرق
شيلها خفيف ماتاخذ محل
ونصبها سريع
و الله يدلك لما فية الخير

[طخيمان]

ياليت تشتري من الخيام التاية مثل البرق
شيلها خفيف ماتاخذ محل

والله يا اخوي فكرت بها الشيء بس يوم شفت هالخيمة موجودة عندي ولو بعتها مهيب جايبه لي سعر قلت اعدلها واستعملها

ومشكور على المساعدة و الرد

[دغيم1]

السلام عليكم ورحمة الله وبركاته
حياك الله أخوي
خيمتك مافيها شيء ولاتوديها للغرابي ولاتخسر فيها ويمكن يخربها البنقالي
مايبي لها إلا أربع عمدان لكل زاوية عمود وتطلع تمام
وتشدها زين .
وبالنسبة للعمدان تحصل في برق الحيا أو الغرابي عمدان سخيفة وقوية ، ويمكن تفصلها عند الحداد تحط ماصورة وسط ماصورة كل ماصورة متر واحد .
تقبل تحياتي

[طخيمان]

يا مال العافية

عز الله انكم كفيتوا و وفيتوا