كل شي سويتوه الا المكيف؟؟؟؟؟

[صبي غلباء]

بسم الله الرحمن الرحيم
السلام على الجميع
المكشاتيه كل شي تقريبا اكتمل عندهم من اختراعات محولات وخيام وتانكي مويه ولمبات ومحولات وش بقى علينا؟
نجي لحر نجد بنت المجد ههههههههههه فيها حر يضيق الصدر
والله من واحد يضف عزبته بعد الشتاء ويقول الوعد الشتاء الجاي
طيب راعيين المقانيص وصيد الطيور مثل هالسنه الصيد من 15رمضان وانت رايح يعني النهار حر موت
بتقولون وش يبي ذا؟ ههههههههه
اللي ابيه ما وصلنا لاختراع مكيف صغير يمكن حمله وتشغيله في حالات زي هذي طق خيمتك وشغل مكيفك وكبر الوساده
كم واحد راح وتعب وتواعد مع ربعه واخر شي جانا عج او حر وسرينا علما انه معه كل التجهيزات الا المكيف اللي يشتغل على اي موتر بدون تعب
وينكم ياراعين الافكار؟
انقذونا ههههه لاني ماقدرت اوصل لحل لعدم خبرتي بقوة الفولت والتوصيلات الكهربائيه

[جمعان 22]

بالحر ما ينفع غير مكيف بكمبريسور
ابحث عن اقل هذه المكيفات استهلاك للكهرباء - وات

وشوف وش تحتاج لتشغيله

[اابو الحارث]

المكيف صحراوي ربع بس وين الترنس اللي يقومه ؟؟؟

نحتاج ترنس مضاعف

[بيرتا]

اخوي اذكر انه موجود ويباع في بريده

ويقوم راعي المعمل بصنعه وهو فيبر مب حديد يعني لاصداى ولاغيره

والمروحه بدون سير يعني كهرب

ويجي حجمه الضاهر ربع حصان طبعا صحراوي

والكهرب 12 فولت ويشتغل علا البطاريه دايركت

[اابو الحارث]

اخوي بريتا وين محله ببريدة بالظبط ؟ وهل لازم طلبية ؟ ما ابي انتظر ابجي على طول

واخذه كانه جاهز

[صبي غلباء]

اخوي بريتا وين محله ببريدة بالظبط ؟ وهل لازم طلبية ؟ ما ابي انتظر ابجي على طول

واخذه كانه جاهز
ايه والله اخوي بريتا اذا عندك رقم او اسم المورد تخدمني كثير

[ارتست]

فيه حل بس مدري يصلح ولا لا
موجود مكيفات صحراوية في كارفور ب250 ماتتعدا استهلاكها للكهرب 50 واط بس تشتغل على محول كهرب السيارkoyo
ومثل ماتعرفون 50 واط تساوي قوة اللمبة اللي تتركب على كبوت السيارة

[إبن فيصل]

والله أنك رايق صراحة مكيف في البر بعد وش ذا الفله ...إذا جاء المكيف عز الله ما تهنينا بالبر بندخل في الخيمة ونتكي تحت المكيف وما أستفدنا من الطلعه...لكن تبي الحق أنها فكره حليوه تدري ليش عشان الشيبان والناس الي ما تتحمل الحر ومرضانه أو تعبانه هذا يساعدهم شوي ويخليهم يطلعون للبر ويتنفسون.

[صبي غلباء]

والله أنك رايق صراحة مكيف في البر بعد وش ذا الفله ...إذا جاء المكيف عز الله ما تهنينا بالبر بندخل في الخيمة ونتكي تحت المكيف وما أستفدنا من الطلعه...لكن تبي الحق أنها فكره حليوه تدري ليش عشان الشيبان والناس الي ما تتحمل الحر ومرضانه أو تعبانه هذا يساعدهم شوي ويخليهم يطلعون للبر ويتنفسون.
اخوي ابن فيصل صادق انت حلاة البر بشقاه
لكن صيد هذي السنه الناس صايمه والمشكله انه عندنا ناس مفتونه فتنه بالصيد
وبعد شهر من اللحين او اجازه العيد ودك تروح مثلا للدهناء اروع جو باليل لكن النهار يجيك حر كل يوم ابروح وارجع اكثر من 150كم رايح وزيها جاي مايمنع يصير معي خيمه بالنهار نوم تحت المكيف وراحه وباليل وناسه وجو روعه ولعب واستهبال
كم من الشباب راح لو لثمامه وكتم الجو وضاق صدره لو معه مكيف صغير يشتغل على بطاريه الموتر يلطف الجو اظن بيكون الوضع افضل
وبالنهايه كل الموجودين عندهم استعداد لعمل كل شي بس مايستغني عن شي اسمه بر

[إعصار]

يارجال ..


المكيفات نشفت الدم في عروقنا ..


الا خل معك شراع او ذرى عن الشمس وتوكل على ربك ..

[مجالس الرجال]

الحل سهل رهم صندوق حديد او المونيوم وركب له كرتون حق الصحراوي وركب مروحة السوبارو تستهلك 50 وات تقريبا وركب دينمو المساحات حتى يدفع الماء وعنديلك واحد يشتغل فيهم ببريده-لكن دينمو المساحات دبره انت

[بيرتا]

اهليين اخوي

اسف اني ماراجعت الموضوع

ولاكن ولا يهمك ابكلم الرجااال ابشوف اذا هو موافق احط رقمه او لا

او ارسله بالخاص

اسم محله معمل ماهر بحي الضاحي ببريده عند كبري التشليح ولاكن انت اصبر
ابحاول انه يحيب حبات ويعرضهن في محلات بالرياض عشان التخفيف علا المسلمين ماله داعي سردادي مرداي

عليه <<---- خخخخخ مب مريحنا يامكيفات هيتاشي

ولاكن عطني يوم بس وارد لك وش الحاصل\


واسف علا التاخير