السفـــــــــر

[الشاهد1]

بمناسبة السفر محاولات لاقناع العييل لصرف النظر عن ابها


السفــــــــــــــــــــــــــــــــر



يالله ياعالم خفيــــــات الاســـرار = ياعارف ٍ يقين عبــدك وشكـــه
يالربع انا فكري بالاسفـار محتـار = والى بدا وقته يجي الصدر تكه
النفس ماله رغبه اتفـارق الـــــدار = غصبٍ علي احزم عفشي وافكه
وش رايكم ياعيال نندير الافـــكار = ونغير الروحه من ابها لـمــكه
هذا السفر معروف قطعه من النار = مير البلا مامن غثى الورع فكه
ولو انت دوجت الفيافي ولاقطــار = مامثل جلسات السمر فوق دكه


العــــــــود
كما عودتنا استاذ جرير مع سابق الشكر

[رساوي1]

الشاهد
صح لســــــانك
قصيـــدة رائعـــــــــــة
بس ما من غثى الورع فكه.....(^_^)

[يوسف الخليفة1]

بمناسبة السفر محاولات لاقناع العييل لصرف النظر عن ابها

السفــــــــــــــــــــــــــــــــر

يالله ياعالم خفيــــــات الاســـرار = ياعارف ٍ يقين عبــدك وشكـــه
يالربع انا فكري بالاسفـار محتـار = والى بدا وقته يجي الصدر تكه
النفس ماله رغبه اتفـارق الـــــدار = غصبٍ علي احزم عفشي وافكه
وش رايكم ياعيال نندير الافـــكار = ونغير الروحه من ابها لـمــكه
هذا السفر معروف قطعه من النار = مير البلا مامن غثى الورع فكه
ولو انت دوجت الفيافي ولاقطــار = مامثل جلسات السمر فوق دكه

العــــــــود
كما عودتنا استاذ جرير مع سابق الشكر


يا صاحبي خلك بليهي وصبار=جمل محامل لضوا الصدر تكه
هذي هي الدنيا نفاهات واعسار=ماها يجي صافي ومرات ركه
وكانك تبي شوري على فتحة زرار=راين صميلن ما وطا العلم هكه
رح للهدا والا الشفا كلها اشجار=ريح عنا رجلك عن اطوال سكه
الضلع واحد والبلد كله امطار=قصر الخطا عن زايد المشي فكه
يكفيك مكه ما يبي زرقها اسفار=عمرتك عصريه تروح وتشكه
واعرف ترا ذيك الرفايع والامصار=من الحويه لين فيفا تصكه
الجو واحد ما بها زامين حار=والماطر الله سايقه دون شكه
ارضن نظيفه ما وطا فيها دوار=احلا من اللي كل يومن مدكه
والله هو اللي عالمن غيب الاسرار=مير استخيره فارج لكل لكه
يمكن يجيكم خير من بخر الابحار=وانت بمكنن عن مطرها تفكه
في دكتن فيها معاميل واوجار=دله تبهرها ودله تحكه
واتلاعب اولادك على حفة النار=هذا على رجلك وهذا تعكه
عطهم من الحلوا وزينات الاشعار=واملا مخابيهم هدايا وزكه
وليا نزل بالسوق جلابة جفار=فاحضر لهم تيسن سمينن وذكه
وانثر على بعض الهبر ملح وابزار=واشو اللحم باسيام فوق البلكه
وانزل على ينبع بها وافر ايجار=واشتر سمك واحمس من الحاشي وركه
خذ لك على جال البحر كم مشوار=واسبح بشاطي والمسا وسط بركه
هذي حلاة الوقت والوقت دوار=والوقت وزنيه ويحتاج فركه




( أبو عبد الله )

[الجير الموكر]

صــــــح لســـــــــــأنــــــك وبيـض اللـه وجهك على القصيده الجزلـه وشكراًَ على ذوقك الراقي اكثـر بيت عجبني من القصيده يالله ياعالم خفيــــــات الاســـرار = ياعارف ٍ يقين عبــدك وشكـــه

[مغربل الكايد]

صح لسانك


وبيض الله وجهك على هالقصيدة الجزلة


وبإنتظار جديدك


أخوك مغربل الكايد

[الشاهد1]

رسـاوي 1
شكرا للتعليق
وعز الله انك صادق
مامــن غثى الورع فكــــــه
الا لو اتحط له بالحلق تكــــه

[الشاهد1]

والله هو اللي عالمن غيـب الاسـرار




ميـر استخيـره فـارج لكـل لـكـه





بيض اللـه وجهــك عز الله مـا قصر ت يابو عبد اللــه





ولا فــض فـــوك

[الشاهد1]

الجير مـوكــر
احسنت ومشكــور على المـرور
بيض اللـه وجهــك

[جرير]

توكل علي الله والسفر هالايام ميسر
والتغيير مطلوب
وبعدين حاطها بالورع هاه الورع امره هين
لكن......... دور غير هالسالفه

[الشاهد1]

بيض الله وجهك استاذ جرير
مثلـك عارف مـاوده الواحــد
يصـرح التلميح يكفي عن......
وعسى اللـه يخليك لنـــــــــــــا

[حسيان]

صح لسانك يالشاهد خل السفر عنك وخلك معنا بشعيبنا اللي انت خابر تسوى الجبال وقردته:no2: :no2: :no2: ماتسمع الشاعر اللي يقول 00ياناس درب الجنوب اذنوب0000من راس طلعه لدحديره

[أبو فهد العيد]

صح لسانك وبيض الله وجهك ولاننسى الشاعر الكبير ,,الاستاذ جرير

[عرين]

صح لسانك والله يلوم اللي يلومك

والله يعيننا وإياك ويدبرك علة كل أمر فيه خيرة أخوي الشاهد

وبيض الله وجه أخوي أبوعبدالله على هالرد اللي في الصواب والحل الرشيد