صقار البحرين
07/08/2008, 11:01 PM
السلام عليكم ورحمة الله وبركاته
ياخوان حبيت اني اشاركم بعض مقانيصي بس هالمره غير بالسوالف في مره من المرات كنت قانص انا معي واحد من اعيال عمي طبعن كنا قناصين الوادي (وادي العجمان ) والمعروف انه تكثر فيه الحباري العبور وفيه قيعان طيبه
وما اطول عليكم كان معي من الطيور قرناس بكر بيتي صايد ويطلع من يوم كان فرخ وقرناص هوى وحش مانصقر عاده وحش .....
واول مادخلنا القاع ولا قولت رفيقي ابشر بثرها جديد وعلى طول وقفت الموتر وركبت الجهاز في الطير وفي هذي الاثناء اثر فيه واحد من القنوس قريب منا ما بينا وبينه الا مسافة 100 متر متقي عنا في وسط حزوم وساعة طلعنا على وجهة ثرها والاهي في كف طير الرجال وبعدها تعالمنا حن وياه ومشينا منه حوالي 2 كيلو والا بحباري اطيار ثنتين جميع امعرضه علينا وهدينا عليها القرناس البكر والحمدالله تواقعت جميع له وصاد وحده وعزلناه من الاولى وهديناه على الثانيه وهي مخمر قريب من مصيد الاولى وصدناها وبعدها امسينا ممسى يحبه قلبك وبعدها اصبحنا منكفين لنه كان مقناصنا خميس وجمعه مقناص مرواح الى نقرب الغار ونروح الديره....
وبعدها قال ولد عمي خلنا نمر على خالي ونسلم عليه مبطي منه ودامه قريب لا تحرمنا السلام عليه قلت ابرك الساعات وبعدها مرينا على خاله وعينا ولده وقال الشايب عند الابل مع الخلفات وبجي المغرب تقهوو الى يجي الشايب ؟
وبعدها كان الوقت علينا اعصير يعني الساعه 4 ونص وقلت حق ولد عمي خلنا ندعي و نعشي الطيور على ما يجي خالك قال توكل على الله وبعدها ابعدنا عن البيت حوالي كيلو واحد ودعينا الطير وعشينها حمامه كامله وبعدها وصل واحد من عيال الشايب وساعة شافنا اعتزى وقال انتو اللي كنتو قريب من الابل قلنا نعم قال والله العظيم عندي حباره تدرج قدام موتري ولا شفتكم الا الحين وانت الحين لا تروحن امسو عندي والصباح نصبحها وتهدون عليها وبعدها تروحون على ابلادكم قلنا وقال اخوه يالربع هذا رجال مغرود لا تروحون معه تراه اول امس امضيع طيره على حمامة دحل وامس ضيع طير خويه وهم كانو يدورون طيره الضايع وعينو حباره وهدوه عليها طير خويه وغدا على ثرها وبكره ترى طيركم هو التالي ....
تماليت ان مع ولد عمي وقررنا انه حن نمسي مافيه مشكله ابرك الساعات وامسينا والطير كان عشاه واجد ولكن سهرت معه الين صرف عشاه وبعدها اصبحنا وروحنا صوب محل الحباره وندورها ولا هذي جرتها البارحه وبعدها عينا جرتها جديده من يومنا ودورناها اشوي وطارت قدام الموتر وهدينا عليهاوترفعت تبقي السماء ضاقت عليها الارض والطير على ثرها وبعدها مشينا على ثر الطير...
والسواق كان ولد عمي والغشامه لها دورررررر وضربنا جرف صغير وتطفى السياره والسياره كانت تماتيك وبعدها كان ولد عمي يدق سلف والسياره ماتشتغل بالمره انا هنا وقف قلبي و على طول حولت اركض وراى وجهة الطير الين جاو الربع بالسياره ودورنا الطير وكان الجهاز مايشتغل لنه الريشه حق الجهاز في الدرج ماركبها ولد عمي في الطير هو اعتمد على وانا اعتمدت عليه بعد وبعدها دورنا الطير الى جاء وقت المغرب ولا عيناه قعدت يومين ادور في حروته ولا الله اقسمه وبعدها رجعت البحرين وانا خاطري شين وانتو عارفين ضعيت الطير وبعد 15 يوم الله اعقله عينوه اقنوص من هل قطر وبيض الله وجيهم .....
وسلامتكم واسمحولي على طول القصه
ياخوان حبيت اني اشاركم بعض مقانيصي بس هالمره غير بالسوالف في مره من المرات كنت قانص انا معي واحد من اعيال عمي طبعن كنا قناصين الوادي (وادي العجمان ) والمعروف انه تكثر فيه الحباري العبور وفيه قيعان طيبه
وما اطول عليكم كان معي من الطيور قرناس بكر بيتي صايد ويطلع من يوم كان فرخ وقرناص هوى وحش مانصقر عاده وحش .....
واول مادخلنا القاع ولا قولت رفيقي ابشر بثرها جديد وعلى طول وقفت الموتر وركبت الجهاز في الطير وفي هذي الاثناء اثر فيه واحد من القنوس قريب منا ما بينا وبينه الا مسافة 100 متر متقي عنا في وسط حزوم وساعة طلعنا على وجهة ثرها والاهي في كف طير الرجال وبعدها تعالمنا حن وياه ومشينا منه حوالي 2 كيلو والا بحباري اطيار ثنتين جميع امعرضه علينا وهدينا عليها القرناس البكر والحمدالله تواقعت جميع له وصاد وحده وعزلناه من الاولى وهديناه على الثانيه وهي مخمر قريب من مصيد الاولى وصدناها وبعدها امسينا ممسى يحبه قلبك وبعدها اصبحنا منكفين لنه كان مقناصنا خميس وجمعه مقناص مرواح الى نقرب الغار ونروح الديره....
وبعدها قال ولد عمي خلنا نمر على خالي ونسلم عليه مبطي منه ودامه قريب لا تحرمنا السلام عليه قلت ابرك الساعات وبعدها مرينا على خاله وعينا ولده وقال الشايب عند الابل مع الخلفات وبجي المغرب تقهوو الى يجي الشايب ؟
وبعدها كان الوقت علينا اعصير يعني الساعه 4 ونص وقلت حق ولد عمي خلنا ندعي و نعشي الطيور على ما يجي خالك قال توكل على الله وبعدها ابعدنا عن البيت حوالي كيلو واحد ودعينا الطير وعشينها حمامه كامله وبعدها وصل واحد من عيال الشايب وساعة شافنا اعتزى وقال انتو اللي كنتو قريب من الابل قلنا نعم قال والله العظيم عندي حباره تدرج قدام موتري ولا شفتكم الا الحين وانت الحين لا تروحن امسو عندي والصباح نصبحها وتهدون عليها وبعدها تروحون على ابلادكم قلنا وقال اخوه يالربع هذا رجال مغرود لا تروحون معه تراه اول امس امضيع طيره على حمامة دحل وامس ضيع طير خويه وهم كانو يدورون طيره الضايع وعينو حباره وهدوه عليها طير خويه وغدا على ثرها وبكره ترى طيركم هو التالي ....
تماليت ان مع ولد عمي وقررنا انه حن نمسي مافيه مشكله ابرك الساعات وامسينا والطير كان عشاه واجد ولكن سهرت معه الين صرف عشاه وبعدها اصبحنا وروحنا صوب محل الحباره وندورها ولا هذي جرتها البارحه وبعدها عينا جرتها جديده من يومنا ودورناها اشوي وطارت قدام الموتر وهدينا عليهاوترفعت تبقي السماء ضاقت عليها الارض والطير على ثرها وبعدها مشينا على ثر الطير...
والسواق كان ولد عمي والغشامه لها دورررررر وضربنا جرف صغير وتطفى السياره والسياره كانت تماتيك وبعدها كان ولد عمي يدق سلف والسياره ماتشتغل بالمره انا هنا وقف قلبي و على طول حولت اركض وراى وجهة الطير الين جاو الربع بالسياره ودورنا الطير وكان الجهاز مايشتغل لنه الريشه حق الجهاز في الدرج ماركبها ولد عمي في الطير هو اعتمد على وانا اعتمدت عليه بعد وبعدها دورنا الطير الى جاء وقت المغرب ولا عيناه قعدت يومين ادور في حروته ولا الله اقسمه وبعدها رجعت البحرين وانا خاطري شين وانتو عارفين ضعيت الطير وبعد 15 يوم الله اعقله عينوه اقنوص من هل قطر وبيض الله وجيهم .....
وسلامتكم واسمحولي على طول القصه