اوله لو مع الوف يسبقه.وآخره من سبع دايم ينسبق...<اللغز محلول>..(صاحب الحل:nomas2002)*

[ابو ماجد 2]

السلام عليكم ورحمة الله وبركاته

الاخوة الزملاء

اليكم لغز قديم من نظمي

آمل ان ينال رضاكم


عندي لغز والفطن ماعّوقه=وشو مركوب سريع لانطلق
اجنبي الاسم وحنا ننطقـه=والعجب من بينهم ماينطق
اوله لو مع الوف يسبقـه=وآخره من سبع دايم ينسبق





مع التحية والتقدير لكافة الزملاء

[جبل راف]

صح لسانك
وش رايك بكلمة (الو) او (قوه)

[ابو ماجد 2]

نشو الشمال
مرحبا بك يالغالي
وصح بدنك
والرمعتين مالك لوى
تحيتي لك

[سلطان العوني]

عندي رمعتين والله اني مستحي اقولها لكن لعل وعسا

وش رايك في الدباب البانشي
لو السيكل

[ابو ماجد 2]

سلطان العوني
هلا بك يالغلا
والرمعتين مالك لوى
تحيتي لك وتقديري

[المرقب العالي]

صح لسانك عندي رمعتين

الهاف أو ست سلندر

[ابو ماجد 2]

المرقب لعالي
صح بدنك يالغالي
والرمعتين مالك لوى
ولا تنسى
اوله لو مع الوف يسبقه ....وآخره من سبع دايم ينسبق
تحيتي لك وتقديري

[nomas2002]

صح لسانك يالغالي
وش رايك بـ ونيت أوله ون أي 1 وآخرة ايت أي 8
وتقبل مني كل ود واحترام

[ابو ماجد 2]

اخوي نوماس يازينك ويازين مراميعك
صح لسانك مليون
وعاداتك ماشاء الله عليك ذبح الالغز
الحل ونيت
وللاسم قصه يقولون اول مااتت لارامكو وكانت تحمل رقمين 1و8 وكان الموظفين ينطقونها ون ايت ومع الاستخدام اختصرت لتصبح ونيت والاسم معروف عندنا بالخليج
ون( 1 )تسبق جميع الارقام وايت( 8 )ودائماً تسبقها 7
وصح لسانك مرة اخرى

[nomas2002]

اخوي نوماس يازينك ويازين مراميعك

صح لسانك مليون
وعاداتك ماشاء الله عليك ذبح الالغز
الحل ونيت
وللاسم قصه يقولون اول مااتت لارامكو وكانت تحمل رقمين 1و8 وكان الموظفين ينطقونها ون ايت ومع الاستخدام اختصرت لتصبح ونيت والاسم معروف عندنا بالخليج
ون( 1 )تسبق جميع الارقام وايت( 8 )ودائماً تسبقها 7
وصح لسانك مرة اخرى



صح بدنك يالغالي وماعليك زود من غير قصور في باقي الاخوان
وبارك الله فيك على هالمعلومة القيمة

[الخيال2006]

صح لسانك ابو ماجد على الالغاز الطيبه

وصح لسانك نوماس على الحل

وبارك الله فيكم جميعا,,,