تكفون ياالنشامى واللي يرحم والديكم .

[الأبرق]

كلها كم يوم وأبعطل وودي أروح أتمشى في الشمال فياليت لو تعلمونا بأخبار الشمال وربيعه .

لينه - البسيتينات - رفحاء ......وغيرها من مناطق الشمال .

[الأشهـــــب]

بالنسبة للينة يالغالي أنا واصلها يوم الخميس الماضي 9/11/1424هـ، وبيني وبينك مافيهاوالله شي يسوى أبد . الربيع مافيه ربيع الله يجيب الخير يالله ياكريم .

فيه بداية للربيع خفيفة جداً جداً في روضةأعيوج لينه .

هذا الي أعرفه والي واصله أنا بنفسي .

تحياتي لك يالغالي ..................................

[عروان]

ناس واجد يمدحون الصمان

يقولون فياضها مربعا وبعضها الى اليوم مليانة ماء.

[الأبرق]

مشكور أخوي الأشهب

يذكرون ربيع ورى رفحا ما أدري فيه أحد منكم مر عليه .

والله سمعنا عن الصمان بس أنت خابر اللي بيروح يتمشى لمدة أسبوع مهوب قاعدها كلها في الصمان .

[الأشهـــــب]

الأخ الفاضل : الأبرق

حياك الله يالغالي ، وهذي والله الساعة المباركة .

أخي الكريم بالنسبة لرفحاء الحقيقة سمعت مجموعة من الزملاء يمدحونها ويقولون إنها حليلة .

يعني الربيع الي فيها جيد نسبياً .

تحياتي لك .....................

[عنبري تمير]

توكل على الله وجهز القش والعزبة والاجهزة

[ضاري بن طوالة]

السلام عليكم ورحمة الله وبركاته

إذا كنت تقصد " العويقيلة " اللي ورى رفحاء , فحتى أنا واحد مدحها لي من أهل رفحاء .

فمان الله .. :)