كبده ماحصلتش

[مناحي511]

السلام عليكم ورحمة الله وبركاته
هذي كيفية إعداد وجبة الكبده الي عليها العلم
بسم الله
1- مقلاة ويفضل صاج
2- قليل من الملح
3- قليل من الزيت
4- بصل مقطع حسب الطلب (انا افضله بكميات كبيرة )
5- فلفل اخضر مقطع صغير خفيف الحرارة حسب الطلب
6- كبدة حاشي طارجة ( يعني اول مايذبحونه خل عينك على الكبده ) قطعها الى شرائح مثل البطاطس

اول شي تحط المقلاة او الصاج على النار (الله يكفيكم شرها) وتضيف الزيت وتخليه شوي بعدين تحط البصل عليه وتخليه حتى يتغير لونه بعدين تضيف الفلفل والملح وتخليه شوي بعدين تحط الكبدة وتحركها حتى يتغير لونها بعدين تطفي النار على طول
تحذير ( لاتحط بهارات ابدا)
وبالهناء والعافية

[ابوحمد 10]

الله يعطيك ألف عافية
بس لو فيه بعض الصور

وتسلم على هالطبخه

[الطش و الرش]

ورى ماصورتها لنا
المرة الاخرى نبي صور

[عاشق السيل]

عليكم السلام ورحمة الله وبركاته ،،

وصفة سهلة وجميلة واكيد نتايج أكثر من رائعة !!

بس ترى أزعل عليك لو حطيت أي وصفة بدون صور ،، لأن الصور هي اللي توضح الشرح وتكمل الموضوع وتظهر إبداعات صاحب الطبخة وعلشان كذا نبي نشوف إبداعاتك يالشيف !!!

سؤال : ليش مانحط بهارات رغم إنها معروفة مع الكبدة ؟؟

وتقبل مروري يالغالي .....

[مناحي511]

اجي معاك إن البهارات تعطي نكهه للأكل بس هالمرة جرب الكبده بدونها وشكرا
(ومسألة الصور أنا في مقهى على طريق حفر الباطن وماعندي فلاش يعني عابر سبيل) والجايات احسن إن شاء الله

[لعّاب المنايا]

بيض الله وجهك ما قصرت اخوي ,,

[البارق11]

الله يعطيك العافيه
بس بحط شوي بهار للنكهه

[المغرز]

ياخوي ماجبت جديد مشكووووووووووور

[الكهف1]

مشكور اخي العزيز
تعرف الصور يمكن ابلغ من الف شرح

[ah666med]

بارك الله فيك يالغالي

[قشاع الرمث]

السلام عليكم ورحمة الله وبركاته

ياليت صور

مع الشكر

[باث فندر 2005]

وش الجديد في الموضووووع ؟؟

والله جد ذذ

[الخادم]

ماقصرت
بعد الكشنة بس بصل و زيت
و نص استوى تصير مسكتة بوجهة نظري