يوسف الخليفة1
08/08/2008, 11:43 PM
مريت طعسن ما وطا فيه شاوي=ما فيه الاثره غير ضرب برديه
في نقرته ربله كما ضلوع ثاوي=وانواعن اخرى من زهورن حليه
فيه الخضار اللي من الفن حاوي=تساوت اعشابه مع المحوريه
مرباع يطرد وهستن بالخفاوي=سرن توارا عن عيون البريه
كثن فرشبه مثل زلن زهاوي=يا ما حلا نبت السهول العذيه
وين الرفيق اللي سنيدن سخاوي=اللي يجهز نقوة الشاذليه
والمزنة السودا خشومه ملاوي=بعالي الاكوان تسمع دويه
تومر على عرقن خصيبن علاوي=يسيح وبله لين سقط اللويه
وانا برماله سامرين خلاوي=ولقيت بالوحده تكيه هنيه
مع شبتي للنار والفكر ضاوي=وابديت قافن حايرن بالخفيه
والخاطر يسابق لغيمن سداوي=خفيف ظله ما تساود غطيه
لنه متاعن به كفاح وعناوي=متاع دنيا تمضي مر ضحويه
عسام هالدنيا عسامن فضاوي=ما تالع نجومه عليها غطيه
واراقب شهابن بالاكوان هاوي=حزة ظلام الليل عقب العشيه
واقول يا نيزك عليك الدعاوي=انا ادري انه بامر ربه وضيه
تشعق سريع وتنطفي ما تخاوي=تمشي فضا وانا سبوتي وطيه
وابصرت للسبع بعاد الخطاوي=ما يا صله طيرن ولا مروحيه
وابخاطرات الليل ما كنت ناوي=مير انه الوحده وضون دفيه
والطعس الاخضر والغصون الحناوي=مع سكنت الذعذاع وارضن خليه
والليل يسري بين قعن وعاوي=والنفس بين الناس تتنى المنيه
ومكافي العطشان عدن سماوي=الحوض حوض الخير مارد نبيه
بطياس عزن ما بشربه ضماوي=مثل النجوم الساطعات العليه
وحبل الفرج حبلن متينن رهاوي=ما يقصر الا عن نفوسن ضميه
اللي جزعها بان وقت البلاوي=وان راح صبره ما بها من تقيه
وتمثنا ليله وانعسن السلاوي=وتليت انا فراشي مع البطنيه
وانفث وامسح هامتي والقفاوي=وارخيت جسمي ليلتن خرمسيه
والليل يقفي واطرف الرمش ذاوي=يغط في نومن صغير المنيه
وافز من نومي واحذف الغطاوي=الفجر قرب والمنايا خفيه
وشبيت نارن من غضاه ضرماوي=يلعج حماره بين طعس وشغيه
وقربت انا الدله وتمرن حساوي=وامضيت صبحي بين قاف وسميه
وجنبت درب الشر دربن رداوي=اخاف انا الجبار يغضب عليه
اخاف انا كالوبن امعط عداوي=يتل جسمي يم قاع اللضيه
ومع كل جنبن نلتعي بالمكاوي=من حرها تصرخ عصاة بشكيه
واشكي زمان الضيم عصر البلاوي=يالله عفوك يا مجيب الدعي
( يوسف الخليفة )
في نقرته ربله كما ضلوع ثاوي=وانواعن اخرى من زهورن حليه
فيه الخضار اللي من الفن حاوي=تساوت اعشابه مع المحوريه
مرباع يطرد وهستن بالخفاوي=سرن توارا عن عيون البريه
كثن فرشبه مثل زلن زهاوي=يا ما حلا نبت السهول العذيه
وين الرفيق اللي سنيدن سخاوي=اللي يجهز نقوة الشاذليه
والمزنة السودا خشومه ملاوي=بعالي الاكوان تسمع دويه
تومر على عرقن خصيبن علاوي=يسيح وبله لين سقط اللويه
وانا برماله سامرين خلاوي=ولقيت بالوحده تكيه هنيه
مع شبتي للنار والفكر ضاوي=وابديت قافن حايرن بالخفيه
والخاطر يسابق لغيمن سداوي=خفيف ظله ما تساود غطيه
لنه متاعن به كفاح وعناوي=متاع دنيا تمضي مر ضحويه
عسام هالدنيا عسامن فضاوي=ما تالع نجومه عليها غطيه
واراقب شهابن بالاكوان هاوي=حزة ظلام الليل عقب العشيه
واقول يا نيزك عليك الدعاوي=انا ادري انه بامر ربه وضيه
تشعق سريع وتنطفي ما تخاوي=تمشي فضا وانا سبوتي وطيه
وابصرت للسبع بعاد الخطاوي=ما يا صله طيرن ولا مروحيه
وابخاطرات الليل ما كنت ناوي=مير انه الوحده وضون دفيه
والطعس الاخضر والغصون الحناوي=مع سكنت الذعذاع وارضن خليه
والليل يسري بين قعن وعاوي=والنفس بين الناس تتنى المنيه
ومكافي العطشان عدن سماوي=الحوض حوض الخير مارد نبيه
بطياس عزن ما بشربه ضماوي=مثل النجوم الساطعات العليه
وحبل الفرج حبلن متينن رهاوي=ما يقصر الا عن نفوسن ضميه
اللي جزعها بان وقت البلاوي=وان راح صبره ما بها من تقيه
وتمثنا ليله وانعسن السلاوي=وتليت انا فراشي مع البطنيه
وانفث وامسح هامتي والقفاوي=وارخيت جسمي ليلتن خرمسيه
والليل يقفي واطرف الرمش ذاوي=يغط في نومن صغير المنيه
وافز من نومي واحذف الغطاوي=الفجر قرب والمنايا خفيه
وشبيت نارن من غضاه ضرماوي=يلعج حماره بين طعس وشغيه
وقربت انا الدله وتمرن حساوي=وامضيت صبحي بين قاف وسميه
وجنبت درب الشر دربن رداوي=اخاف انا الجبار يغضب عليه
اخاف انا كالوبن امعط عداوي=يتل جسمي يم قاع اللضيه
ومع كل جنبن نلتعي بالمكاوي=من حرها تصرخ عصاة بشكيه
واشكي زمان الضيم عصر البلاوي=يالله عفوك يا مجيب الدعي
( يوسف الخليفة )