المساعد الشخصي الرقمي

مشاهدة النسخة كاملة : عطنا الواير ياولد!!!


ابو زيد
06/01/2004, 12:53 PM
أحبابي في منتدى مكشات
السلاموووووو عليييييييكم
نبي فزعة الجميع نبي واير سحب حسب المواصفات التالية:-
1 - قوي ويتحمل
2 - مرن وسهل الإستخدام
3 - خفيف الوزن
4 - دراهمه مهيب واجد

الله لا يحرمنا من شورة الاجاويد,,,,
تالي الاولين*
06/01/2004, 01:57 PM
.


والله يابو زيد كلنا ندور هالمواصفات في واير

بس اعتقد ان سير مكينة الماء الى تستخدم في المزارع

هي انسب شي اذا دبل وتيسرله خياطة زينة يصير مايحتاج:good:

اهم شي انحش عن السلسلة تراها غير

امنة ابد .



والله اعلم ......


.
عروان
06/01/2004, 02:07 PM
أخواني

أنا عندي واير نايلون ممتاز يسحب 2 طن على أقل تقدير

مع ان مكتوب عليه 4 طن. و طوله سته متر وفيه أطول حسب طلبك.

شاريه من محلات أدوات الونوش المعدات الثقيلة. يستخدم مع الرافعات.

وصغير وخفيف. وفيه أكبر طبعاً ويسحب أكثر وزن

أما عن السعر فهو حسب الوزن والطول. حقي قيمته 120 ريال.

و أذا تبي رخيص دور مستعمل من نفس الانواع في الحراج او المحرقة.

أنا شايف منهم كثير في محرقة(السكراب) الدمام.

بحاول أشوف له صورة.


تحياتي لكم
abos3d
06/01/2004, 07:29 PM
فيه واير الي يجي نايلون أبيض و فيه خطين سود في النص وله عروه فضيه قيمته 40 إلى 50 ريال ولا احلى منه تصدق اني احياناً اجر به النخل اذا بغينا نقلعه من البيت ولا فيه أحلى منه بس انتبه لاي وير موب شرط هذا لا تعقده ولا تحطه حول شي وتدخل طرفه في العروه وسلامتكم
جلوبلستار
06/01/2004, 10:38 PM
اشتريت واير طوله 9 كتر ويتحمل 3- طن وخفييف ووسهل التخزين وسعره 65 ريال بس ، ومعي من اكثر من سنه استخدمه في سحب السيارات وفي قلع الأشجار في المزرعه
خشم الحصان
07/01/2004, 02:27 AM
الاخ ابو زيد
السلام عليكم
اخوي الغالي رح لدوار الخرج تلقاء دكاكين خاصه بالوايرات وجميع المقسات و الاوزان من
انوع الصناعات
اخوك
خشم الحصان
عاشق الفـــــــيّ
07/01/2004, 02:46 AM
السلام عليكم ورحمة الله وبركاته

انصحك في اللي يتكلم عنه اخوي عروان انا عندي نفس انوع ممتاز بالحيل

صارله معي اكثر من السنتين ولاتقطع ولا صار فيه شيء
الحاتمي
07/01/2004, 05:02 PM
احسن واير على الاطلاق وماله اي منافس وخفيف
واير اشتريته من حراج المعدات العسكريه اللي بيعت بعد تحرير الكويت بالقصيم عند مفرق عيون الجواء
ب20 ريال !!! يابلاش
ويتحمل جردبابه لدبابه!!!
لونه ابيض ساده
مصنوع باعتقادي من الالياف والنايلون طوله تقريبا 10 متر ومجدول على بعض
صناعه امريكيه عسكريه..
اذكر شريت خمس قلت لي وللزمن بس
خلصن باقل من6شهور؟؟
كل من شاف هالواير انهبل عليه
واضطر اني اعطيه اياه وافك جديد
لمابقى واحد جلس عندي اكثر من سبع سنوات مع حرصي عليه ولحق الاربعه الاولين!!
تكفون يالربع اللي يعرف هالواير او وين يباع يدلني عليه
مع اني متاكد انه حاليا متوفر بالكويت اوبالعراق مع الامريكان بس من يحصله!!
ولكم تحياتي
الحاااااااااااااااااااااتمي
ابو زيد
17/01/2004, 11:07 AM
الحبايب المكشاتيين
السلاموووو عليييييكم
تالي الأولين...
إنشاء الله منتب تاليهم وفينا وفالربع خير وبركه...
جعل من أرثك فالجنه ووالدي ووالديهم ومن يقرأ والمسلمين.
عروان...
عسى عمرك طوي ولو ما عليك كلافه نبي وحيد أو أثنين وترا الدراهم زاههههبه.
ابو سعد,جلوبلستار,خشم الحصان,عاشق الفي
الله لا يحرمنا من أزوالكم يالذيابه,معلومات طيبه وشوركم مبارك,,,,
الحاتمي...
ولا بقا ولا واحد لأخيك الصغير.......
على العموم الله يرزقنا بحراج ثاني!!!
___________________
على العموم وش رأي الربع في الواير الحديد اللي يسحبون به أسياخ حديد التسليح
وهل هناك مخاطر من إستخدامه؟.
مرة ثانيه شكراً للجميع ومع السلامه.
فارسهم
20/01/2004, 10:26 PM
السلام عليكم ورحمة الله وبركاته
أحب أساهم معكم في الموضوع :
أنا مجرب السلسلة الأصلية اللي تباع في شارع الغرابي
تستعمل للتريلات ترها قوية جدا وتقدر تحط لها راس من عندهم أو
تأخذ معك مسامير مقاس 12 تفيدك بحيث تقعد السلسلة وتربط المسامر
وكذا واحد جربها ويمدحها لكن خذ الأصلية واترك التجارية
ولها ميزات عديدة منها :
سهولة نقلها - قوتها - تقدر تربطها في أي موضع من السيارة -
سعرها مناسب - سهولة ربطها وفكها - بإمكانك أن تضعها في حيز صغير
من السيارة أو تفصل لها شراع مناسب.
abos3d
21/01/2004, 10:40 AM
اخوي فارسهم لو ان الموتر الي بتسحبه موب طالع الا بنتق السلسلة ما تنفع لانها ممكن تنطلق وتكسر القزاز وهذا الي صار مع واحد معنا تشقق وجهه وسلامتكم
desprado
21/01/2004, 09:30 PM
شارع الريل في محل متخصص في الوايرات الحديد والنايلون والسلاسل

تلقا عنده كل المقاسات والانواع وقوة التحمل

انصحك بالنايلون 8 طن لك وللزمن