لك الفخر يامكشات,,, بمثل هالرجال!!

[أبو فهد العيد]

السلام عليكم ورحمة الله وبركاته,,,



هذي سالفه حصلت لي,,طاااازجه,,,
وقبل ماابدا بسردها,,
اقول ,,,فل تفخر ياموقع مكشات بمثل هالصقاقير



حصلت لي سالفة يالربع وحبيت اني اقصها لكم,,,
الا وهي,,
واحد من ربعي شرا له شيهانة صغيره,,وجلست معه تقريبا,,اسبوع,,,
ومن ثم ماتت,,,
لكن يوم كانت مريظه,,, وديناها للدكتور ,,,خالد العويدي,,ويوم اني دخلت لقيت عنده واحد ,,
المهم ,,ان الشخص اللي عند خالد العويدي ,,, وقف وسلم علي ,, وقال كيف الحال يابوفهد,,
استغربت!!؟؟
وشلون عرفني الرجال,,
سالته ؟؟,,,,فقالي انك بمنتدى مكشات,,وحاط صورتك ,,,, ماتبي احد يعرفك!
قلت له ماتعرفت عليك من معي,؟؟,,,,,قالي بعدين تعرفني,,,,,


رجعت للبيت,,,فتحت الانترنت,,,وتجيني رساله على الخاص ,,,, يسألني عن الشيهانه اللي كانت معنا,,,
فعرفت منهو الشخص اللي كان عند خالد العويدي,,,,
سالني عن الشيهانه ,,فقلت له انها تعبانه مرررره ومااظنها تعيش,,,ورفيقي ضايق صدره عليها,,,
قالي..: لايضيق صدر رفيقك ويبشر بالعوض,,وترا شيهانته عندي,,
قلت له ماتقصر وتهدي البل ,,, ولا تزين شي ولاتشتري شي,,,



مادريت الا الرجال شاري شيهانه,,, وقالي خذها من المحل الفلاني,,,,,
طلعت الدعوى >>جد<<
طبعا كل محادثتنا على الخاص لانه ماعطاني رقمه,,,,,
....
دقيت على رفيقي ,,قلت له ترا فيه واحد اهداك شيهانه,,,ويقول رح خذها,,,
قال رفيقي..مانيب رايح والله يجزاه خير.. وشوله يكلف على نفسه
,,,,احرجني ,,,
وماادري وش اقول لرفيقنا,,,,,,
قلت ابسكت...اغدي الرجال ينسى الموضوع,,,
فجاة اليوم الصبح يدق علي واحد ,, وقال: انا فلان ,,من سوق الطيور,, تعال خذ الشيهانه,,..
رحت على اساس اشوف خوينا ومالقيته...
اقل شي اشكره,واتجمل معه شوي ,,,ولكن مشى,قبل مااجي,
اخذت الشيهانه ووديتها لرفيقي ,,ويالله اخذها,,,



الشخص هذا موجود,, في المنتدى ,,, وصراحه اللي مثله وشرواه,,شويين,,
ولاادري كيف ارد الجميل لكن هالموضوع اقل شي اسويه,,,,,
وهذي ابيات كتبتها قبل شوي,,,
وابيه يعذرني على رداء القصيده,,,,,لانها ماترد شي ,,,من اللي سواه,,,


نيابة ,,,عن زميلي ورفيقي,,,
ابو عبد الرحمن (اللي ماتت شيهانته)
اقول
ممنون ياراعي الفعول الجميله *** ياللي بدرب الطيب صايل وجايل
هديتك والله تسوى الكحيله *** حق(ن) علينا نعترف بالجمايل
فعل الجمايل والمراجل ثقيله *** وانا اشهد ان لك بالمراجل فعايل
تصقر صقر وانت الصقر في فعيله *** تذبح سمين ويسلمن الهزايل
شرواك نادر والنوادر قليله *** وفضيلتك من خيار الفضايل
يالله ياللي كل خلقه تجيله ***ياواحد(ن) قسم شعوب وقبايل
ارجيك توفيقك لرجل الجميله *** رجل (ن) تجمل بالفعول الخصايل

[بعيد الشوح]

هو يعطي وانت تستاهل ومن كريم لمستحق واجيزك للمرحله مقبل الثمانيه والاربعين صح لسانك

[@قرناص@]

ماشاء الله..

هاذي هي الرجوله والعلوم الزينه..

هاذي علوم الصقاقير الصح..

شآكرلك.. ع الموضوع يآلغالي..

وصح لسانك.

بآلتوفيق

[وقاااااد]

ياليت تعلمنا منهو الشخص اللي عطاك الشيهانه نعرفه ونشكره
وهو يفع وانت تستاهلون وبيض الله وجهه
وخالد مايجيه الإ اللحوات الغانمه
وصح لسانك على القصيده

[shaman]

الله يكثر من امثاله وامثالك
تقبل مروري

[قلب ذيب]

صح لسانك على هذه الابيات الجزله .
لك الشكر وله الثناء والرجال الطيبه موجوده
لك وله تقديري وتحياتي .

[راعي الشهامه]

ماشاء الله تبارك الرحمن . الرجال ماتبين الا في الصعايب وهو كفو وانت ورفيقك تستاهلون

والله يبارك لرفيقك بالمزيونه . والله يجزاه خير من اهداها له

ولا انسى اقول صح لسانك يابعدي

[ابو الوسمي]

بيض الله وجهه على الهديه وهذا يدل علي طيب اصله وفعله الطيب وهو كريم وانت وخويك تستهلون كل خير
وبيض الله وجهك على ذكرالهديه والقصيده الطيبه
والله هذى العلوم الي تسر الخاطروتشرحه لان الايام هذي كل يقول حقي حقي وهذى العلوم الطيبه هي الدايمه بين الرجال
واناشاء الله نشوف مثله ومثلك كثير والله يجزاك خير علي الموضوع الطيب

[بر الوالدين]

أنا أشهد إن مكشات يفخر بهذا الرجل و نحن الأعضاء أيضاً


أخي في الله ( راعي الهدية )

عز الله إنك كفو و شهم و أبيض و جه

أسأل الله عز و جل أن يغفر لك و لوالديك

و أن يرزقك من حيث لا تحتسب

و أن يصب عليك السعادة صبا

وان يبارك لك في عمرك و في مالك و في أهلك

إنه ولي ذلك و القادر عليه

[سرهيد]

السلام عليكم

هلا ابو فهد العيد

هذا المنتدى ما يجيه الا الرجال شرواك والدليل رفيقك اللي اعطاكم الشيهانة

بس ياليت تخبرنا من يكون ندعي له جعله يسلم

حصل لي موقف مشابه ومن حقين مكشات كنت ادور على برايمس وابشرك حصلنا عن طريق الشراء كم واحد ولله الحمد وتم اهدائه للأعزاء اللي يبونها وحصلت عن طريق الخاص من احد قروم مكشات لكن والله اني حالف على نفسي ان ارد طيبه باطيب منه وقاعد افكر شو اهديه من نفس اليوم اللي عطاني فيه البرايمس وانا محتار شو اشتري له يكون هدية له .

انصحك اخوي بأن ترد الجميل باطيب منه وهو راعي الاولة ويقولون راعي الاولة ما ينلحق والله صدق لو تعطيه وش تعطيه انه ما ينلحق

تقبل احترامي وسلمني على مثل هالرجال ، عز الله ان شيبانهم خلفوا رجال والله

تقبل احترامي

ابو عبدالله

[كشات قطر]

السلام عليكم
الله يجعلها في ميزان حسناته وأنت وخويك تستاهلون
وماهي غريبه على بلاد الحرمين وأهلها
والشيبان الأولين قالوا (ماأصعب من الجميل الأ رد الجميل )
يالله لاتقطع هالعادات الطيبه منا ومن عيالنا

[ابوعبدالله 3504]

بيض الله وجه وعلمه غانم انا اشهد ان فعوله جميله
وانت يابوفهد صح لسانك وتستاهل كل خير

[أبو فروة]

عزالله انه رجال ولد رجال وكفو والله يكثر من امثاله
وامثاله قلة في هذا الزمن
الله يجزاه خير ويغفر له ولوالديه
والله يبارك لخويك بالمزيونه
ومثل هالرجال لازم تذكر لنا اسمه

[نظرتي تذلهم]

صح الله لسانك مقصرت

وبيض الله وجهه صراحه مثل الرجل هذا نادر تلقه مع الرجال

[الطبشي]

عز الله انك تستاهل يا ابو فهد الطيب كله ....والرجال عسى الله يسدد خطاه وهذي من عوايد العرب .. وصح لسانك على القصيده وهو يستاهلها .

[أبو فهد العيد]

بيض الله وجيهكم,,,والله الله بالدعاء له بالتوفيق,,والله انه يستاهل,,
والله الله بالردود..لااحد يبخل,,خلوني اجملها شوي لو بهالموضوع,,

[بيضا القاع]

الزين ما يجي منه الى الزين مكشات مرجع رجاجيل وشهامه ما سقصرون بحق المستجير الله يوفقه ونفس هل الاشخاص قليل تلاقيهم هل الايام الله يوفقه ويوفق اهله ومن معه من العالمين صح لسانك اخوي

[صقار البحرين]

سح السانك على القصيده الجزله وهو يستاهل هذي الابيات وانا اخوك علم الطيب مايضيع بين الرجال وانت تستاهل والله يجزاه كل الخير ....

[فهد الميموني]

هو كريم وانتم تستاهلون ................ ولاهي غريبه على منتدانا الشهم

[alajmi110]

تستاهل انت وخويكـ يا ابو فهد كل علمً طيب
والرجال فعله غانم ويشكر عليه يقول المثل ( علم الحيا والطيبين يبين )
هذي عوايد العرب وصح السانك وعزالله انك شاعر مكشات

[نبع الدموع]

رحم الله والدينك و بيض الله وجهك يابو فهد و الصدق انك قدرت توصل الي ما قدرنا نوصلة
من المواقف الي صارت و تصير في هالمنتدى من رجال انشهد انهم خير ما سوى مكشات
هوا معرفتهم و صدقني لو ما تستاهل انت و خويك ما لقيت هالذيب ولا سوا هالسواة معكم

و صح لسانك على هالبيات

[راعي انيسان]

مايبيله شي تستاهل




ويستاهل رفيقك

[طمران]

هو طيب وانت وخويك رجال تستاهلون وكلامك هو اللي يخلي الرجال تطيب مع بعضها ، الرجل اللي يذكر فعل الطيب ولاينساه ومكشات محل يجمع الرجال اللي شرواكم واللي الواحد لو انه ما يعرفكم شخصيا الا انه يعتز بكم ومثلك عارف المقانيص كلها تكاليف سواء بالمادة والا بالوقت ولا يحرص عليها الا الرجال السنعين واللي يتغارون بفعل الطيب .

[الزعـبي]

يستاهل خويك الطير والرجال يستاهل القصيده ..

[تالي الاولين*]

الله واكبر
يازين هالسالفه يابوفهد والله انها تشرح الخاطر
وهو كريم وانتم تستاهلون
وحنا مادورنا مكشات عبث إلى خابرين مجمع الجود فيها

الله يوفقنا وياكم لما يحبه ويرضاه

[البرق 99]

بيض الله وجيهكم,,,والله الله بالدعاء له بالتوفيق,,والله انه يستاهل,,

والله الله بالردود..لااحد يبخل,,خلوني اجملها شوي لو بهالموضوع,,


يا هلا باخوي ابو فهد الله يحييك انت وراعي الجميله
هذي الفعول ما يسويها الا شيخ ولد شيخ لا يرجي مصلحه ولا ماده واكبر دليل انك ما تعرف حتى اسمه الله يبيض وجهه
نسال الله انه يجازيه على فعل الخفا بالجنه واعلى منازلها
ان قلت كريم يا راعي الجميل ما هي جميله /// لا صار انت ابو الجمايل مجمل ومشكور
تستاهل يا راعي الشيهانه ويساهل خويك والشكر لله ثم لراعي الطيب والجميله

[صقار قطر]

قعلا الطيب مازال موجود .

والله لا يفعل هذه الفعلة ، الا رجل معدنه طيب ، وعرقه طيب.

والله ان معرفة هذا الرجل وشرواه هي الكنز الذي لايفنى .

بيض الله وجهك في الدنيا والاخرة.

همسة :
سبحان الله مهما تغير الوقت ، ومهما دارت عجلة الزمان .
مازال هناك رجال يتعبون على كلمة............ ونعم
وصدق المثل القائل ( علم الحيا ، والطيبين يبين )

[قناص شمير]

عز الله أنه كفوا وولد أجاويد ومن نسل أحرار وأنت يا بوفهد رجال تستاهل والخير في وجهك
وللأمانة أن في أشخاض واجد في هذا المنتدى الشامخ الواحد يفتخر فيهم وفي فعاليهم
والقبيلي هذي علومه وعاداته ولاهي غريبة عليكم هذي الفعايل اللي تبيض الوجه ، وما أقول
إلا الله يعين على رد الجمايل .

[أبو أمين]

بيض الله وجهه وجعل والديه الجنه

[لعّاب المنايا]

صح لسانك يابوفهد

وهو كريم وانتم تستااااهلون ولا هي غريبه على فحول مثل شرواهـ ومثله من البشر نادر أنا أشهد ,,

ما اقول إلا عسى الله يكثر من امثاله ,,

[شنكارuae]

صح لسانك يالشاعر وبيض الله وجهك

[الوافي 9]

صح الله لسانك بيض الله وجهك..... كفو ونعم الشهامه ......ويستاهل ابو عبد الرحمن

[راعي بيشة]

قررت ومن هنا من هذه الصفحة أحاول أدخل مع هل الصقور والصقاقير
ليس لشيء إلا لعلي أتعلم من علومهم الغانمة شي

فتشبهوا إلم تكونوا مثلهم 0000 إن التشبه بالرجال فلاح

أشهد انه كفو يمكن الصقارة يحبون بعضهم ويعرفون أن هل الصقور هم هل المرجلة والعلوم الغانمه

يا خوي حتى الصقارة اللي ما همب عرب فيهم من علوم الرجال كثير

صح لسانك بو فهد

[عبدالرحمن الخالدي]

عزالله إنه راعي الجميلة , صح لسانك يا أبوفهد .

[الخرب الازرق]

تستاهل انت ورفيقك كل خير وصح لسانك على ماقلت

[محمد الفهيد]

صح لسانك يا بوفهد
وكفو تستاهل انت وخويك وراعية العطيه بيض الله وجهه

[وكر 111]

بيض الله وجهك ووجهه
وسالفه تستاهل التثبت يامشرفينا

[قنيص غبر]

حي والله بهالعلوم الطيبه .. انت يابوفهد تستاهل ومافعل الريال هل فعله اللا ويدري بانك تستاهل كل خير .. وهذي يا اخوان من اكبر حسنات هالمنتدى اللي اتعرف الناس على بعضها .. في ناس مخوتهم تشنرئ بالملايين .. انتم تستاهلون كل خير والله

[أبو فهد العيد]

بيض الله وجيهكم يالربع على هالردور,اللي تبيض الوجه,
,,وكلكم فيكم الخير والبركه,الله يرفع قدركم,,

[سنافي نجد]

..




صح لسانك يا ابو فهد

وتستاهل اكثر والله .. والرجال طيب وبيض الله وجهه وماقصر .. وهذي عوايد اهل الطيور والمقناص


ويستاهل ابو عبدالرحمن كل خير



الله يعطيك العافيه


..

[صحراوي uae]

الله يعطيك ويعطيه العافيه .........
عليك بالدعاء له

[مغــادر]

بيض الله وجهك على القصيده ويستاهل من قيلت فيه,,,

[جارح العين]

كفو والله
عز الله انه ماقصر وهذي علوم الرجال الطيبين

[خلوي]

كلمة ونعم عسره ويبيلها مثل فعل خويك, وانا اقول ونعم فيه وفيك

[نايف الخالدي]

بيض الله وجهك ووجهه
ومكشات يفتخر بامثالكم

[مطامر]

ابو:good: فهد العيد الله يكثر من امثالك في رأيي انت :
متواضع ومن تواضع لله رفعه
صادق وهاذي من صفات المؤمنين
واثق من نفسك في اسلوبك وطرحك للموضوع
لو كل الناس مثلك كان الطيب زاد وانتشر والطيبين زاد حماسهم لفعل الطيب والله يابو فهد الزمن هاذا
كثر اللي ياخذ ويجحد واللي يخطط ليأخذ وينسحب {خوة مصالح} الله يكفينا الشر واعذرني على مصداقيتي
معاك لكن الدنيا بخير ولايهون امثالك انت وخويك ولا يهون المكشاتيين المتميزين
الشكر لك ولراعي العلم الغانم خويك الله يرزقه ويعوض عليه قادر ياكريم انشاء الله
واقول كما قال الشاعر :
الطيب لا تستغربه من هل الطيب * اللي لهم بالطيب باعن وخبره
اوسع على الاجواد من فيضة شعيب*واضيق على الانذال من خرم الابره

اخوك :j مطامر

[تلسكوب 1]

موقف لا يستغرب من اعضاء مكشات المنتدى الذي يفخر به كل من انتسب اليه

[محمد الصرير]

تستاهل باابو فهد أنت وخويك وصح لسانك على القصيدة ، والله يجزي راعي العلم الغانم ويفرج همه وكل كربة يمر بها ، والله اني افتخر بهالمنتدي وأني من اعضائه ولو كنت مقصراً فيه فيكفي أني من المستفيدين منه ، والله يحفظ الجميع ويجعل كل علومنا غانمه وفي طاعته . ودمتم سالمين

[أبو فهد العيد]

ياليت تعلمنا منهو الشخص اللي عطاك الشيهانه نعرفه ونشكره
وهو يفع وانت تستاهلون وبيض الله وجهه
وخالد مايجيه الإ اللحوات الغانمه
وصح لسانك على القصيده

والله ودي اقول اسمه,,بس الرجال محلفني مااقول شي,,,,
وهذ والله تنحسب له

[أبو فهد العيد]

أنا أشهد إن مكشات يفخر بهذا الرجل و نحن الأعضاء أيضاً




أخي في الله ( راعي الهدية )


عز الله إنك كفو و شهم و أبيض و جه


أسأل الله عز و جل أن يغفر لك و لوالديك


و أن يرزقك من حيث لا تحتسب


و أن يصب عليك السعادة صبا


وان يبارك لك في عمرك و في مالك و في أهلك


إنه ولي ذلك و القادر عليه








بيض الله وجهك ماقصرت,,والله يسمع دعائك

[أبو فهد العيد]

هو يعطي وانت تستاهل ومن كريم لمستحق واجيزك للمرحله مقبل الثمانيه والاربعين صح لسانك

بعيد الشوح,,,ماقصرت,,واتشرف بترشيحك لي

[أبو فهد العيد]

ماشاء الله..

هاذي هي الرجوله والعلوم الزينه..

هاذي علوم الصقاقير الصح..

شآكرلك.. ع الموضوع يآلغالي..

وصح لسانك.

بآلتوفيق

صح بدنك,, وبيض الله وجهك

[أبو فهد العيد]

الله يكثر من امثاله وامثالك
تقبل مروري

شرفني ,,مرورك يالغالي

[أبو فهد العيد]

صح لسانك على هذه الابيات الجزله .
لك الشكر وله الثناء والرجال الطيبه موجوده
لك وله تقديري وتحياتي .

صح بدنك,,, والعفو ياقلب ذيب,,شرفني مرورك

[أبو فهد العيد]

ماشاء الله تبارك الرحمن . الرجال ماتبين الا في الصعايب وهو كفو وانت ورفيقك تستاهلون



والله يبارك لرفيقك بالمزيونه . والله يجزاه خير من اهداها له



ولا انسى اقول صح لسانك يابعدي


تستاهل الخير..وصح بدنك.

[بو غازي]

السلام عليكم ورحمه الله وبركاته
صح السانك يابو فهد ويستاهل الشخص المعني وانت وخويك انشالله تستاهلون والله يديم المحبة والألفة بين الجميع.:)

[عـــرادي]

أبو فهد العيد ، بيض الله وجهك على هالموضوع

وفعلا" الطييب لازم يشادبه لأنه يستاهل الطيب

والله يعوضه بماله وعياله ويكثر خيره وحلاله

والله إن الواحد يشوش بوجود هالشخص بيننا ( مو قصور بالجميع )

والطييب يرفع راس ربعه وحنا ربع هنا بمكشات ونرفع روسنا بوجوده

أبو فهد أرجو توصيل خالص تقديري له

بدر العرادي

[أبو فهد العيد]

بيض الله وجهه على الهديه وهذا يدل علي طيب اصله وفعله الطيب وهو كريم وانت وخويك تستهلون كل خير
وبيض الله وجهك على ذكرالهديه والقصيده الطيبه
والله هذى العلوم الي تسر الخاطروتشرحه لان الايام هذي كل يقول حقي حقي وهذى العلوم الطيبه هي الدايمه بين الرجال
واناشاء الله نشوف مثله ومثلك كثير والله يجزاك خير علي الموضوع الطيب

الله يعافيك,, واللي مثله وشرواه,,يحق لنا نشيد بعمايلهم اللي فقدناها بوقتنا الحالي,,

[أبو فهد العيد]

السلام عليكم

هلا ابو فهد العيد

هذا المنتدى ما يجيه الا الرجال شرواك والدليل رفيقك اللي اعطاكم الشيهانة

بس ياليت تخبرنا من يكون ندعي له جعله يسلم

حصل لي موقف مشابه ومن حقين مكشات كنت ادور على برايمس وابشرك حصلنا عن طريق الشراء كم واحد ولله الحمد وتم اهدائه للأعزاء اللي يبونها وحصلت عن طريق الخاص من احد قروم مكشات لكن والله اني حالف على نفسي ان ارد طيبه باطيب منه وقاعد افكر شو اهديه من نفس اليوم اللي عطاني فيه البرايمس وانا محتار شو اشتري له يكون هدية له .

انصحك اخوي بأن ترد الجميل باطيب منه وهو راعي الاولة ويقولون راعي الاولة ما ينلحق والله صدق لو تعطيه وش تعطيه انه ما ينلحق

تقبل احترامي وسلمني على مثل هالرجال ، عز الله ان شيبانهم خلفوا رجال والله

تقبل احترامي

ابو عبدالله

حياك الله يابو عبد الله’’’ وماقصرت على مرورك العطر’’وبيض الله وجهك,,,
وانا ودي اقول اسمه,,,بس والله الرجال محلفني اني مااقول اسمه,,ولا لقبه,,لكن الله يرزقه من حيث لايحتسب,

[أبو فهد العيد]

السلام عليكم
الله يجعلها في ميزان حسناته وأنت وخويك تستاهلون
وماهي غريبه على بلاد الحرمين وأهلها
والشيبان الأولين قالوا (ماأصعب من الجميل الأ رد الجميل )
يالله لاتقطع هالعادات الطيبه منا ومن عيالنا

,,,عز الله انك صادق,,الله يعينا على رد الجميل,, وهو طول الله عمرك راع الاوله

[أبو فهد العيد]

بيض الله وجه وعلمه غانم انا اشهد ان فعوله جميله
وانت يابوفهد صح لسانك وتستاهل كل خير

ووجهك ابيض يالغالي,,,وصح بدنك,, وهذا اقل شي اسويه في حق الرجال

[أبو فهد العيد]

عزالله انه رجال ولد رجال وكفو والله يكثر من امثاله
وامثاله قلة في هذا الزمن
الله يجزاه خير ويغفر له ولوالديه
والله يبارك لخويك بالمزيونه
ومثل هالرجال لازم تذكر لنا اسمه

الله يسمع دعائك,,, وشرواك الطيب وانا اخوك

[أبو فهد العيد]

صح الله لسانك مقصرت

وبيض الله وجهه صراحه مثل الرجل هذا نادر تلقه مع الرجال

صح بدنك وشاكر لك مرورك,,

[أبو فهد العيد]

عز الله انك تستاهل يا ابو فهد الطيب كله ....والرجال عسى الله يسدد خطاه وهذي من عوايد العرب .. وصح لسانك على القصيده وهو يستاهلها .

تستاهل الطيب وانا اخوك,, وصح بدنك,,والله يسمع منك

[ابوفارس 5350]

صح السانك على القصيده الجزله وهو يستاهل هذي الابيات وانا اخوك علم الطيب مايضيع بين الرجال وانت تستاهل والله يجزاه كل الخير

[راعى زويان]

السلام عليكم
حى والله هالراس كحيلان خويكم عسى والله
تفداه الرخوم
وانت تستاهل يابوفهد وخويك

[المان العرب]

مرحبابك يابوفهد
ولاهنت على ذكر طيب وفعول رجال والله يستر عليه ويعطي الابل
ومن كريم لا مسحتق مافيه شك

[ناصر الحمد]

http://up5.m5zn.com/photos/00195/ccts129khnn6.jpg (http://up5.m5zn.com/photos/00195/ccts129khnn6.jpg)



صبحكم / مساكم الله بالخير جميعا



الشكر موصل لك أنت أخي أبو فهد لتبيين هذا الأمر ولك جزيل الشكر ولاهي غريبه من رجال وذيابة مكشات


الكرم هم ساسه بيض الله وجيهم كلهم على المواضيع المميزه والعقلانيه والذيب الي أهداك الهديه يكفي منه أنه


قالك لا تظهر أسمي هذي تكفي ولاكن ماله الى الدعاء عن ظهر غيب

[طارق الحربي]

صح لسانك

ونعم فيك وفيه

هو كريم وانت تستاهل

[أبو فهد العيد]

الزين ما يجي منه الى الزين مكشات مرجع رجاجيل وشهامه ما سقصرون بحق المستجير الله يوفقه ونفس هل الاشخاص قليل تلاقيهم هل الايام الله يوفقه ويوفق اهله ومن معه من العالمين صح لسانك اخوي

امين ,,, وصح بدنك,, وماقصرت,, وشرواك الطيب وانا اخوك

[أبو فهد العيد]

سح السانك على القصيده الجزله وهو يستاهل هذي الابيات وانا اخوك علم الطيب مايضيع بين الرجال وانت تستاهل والله يجزاه كل الخير ....

صح بدنك,,, وها القصيده ماهي الا اعتراف بجميل الشخص علينا ,,بيض الله وجهه وجهك ياصقار البحرين,, والله يخليلك ولدك ,,

[أبو فهد العيد]

هو كريم وانتم تستاهلون ................ ولاهي غريبه على منتدانا الشهم

تستاهل الخير ,, وانا اخوك,,

[أبو فهد العيد]

تستاهل انت وخويكـ يا ابو فهد كل علمً طيب
والرجال فعله غانم ويشكر عليه يقول المثل ( علم الحيا والطيبين يبين )
هذي عوايد العرب وصح السانك وعزالله انك شاعر مكشات

صح بدنك ,, وتستاخل الخير والله يامحمد’’وشهادتك لي اكبر شرف,,الله يسلمك,,
وهذواجب علي ان اذكر جميل الرجال,,

[أبو فهد العيد]

رحم الله والدينك و بيض الله وجهك يابو فهد و الصدق انك قدرت توصل الي ما قدرنا نوصلة

من المواقف الي صارت و تصير في هالمنتدى من رجال انشهد انهم خير ما سوى مكشات
هوا معرفتهم و صدقني لو ما تستاهل انت و خويك ما لقيت هالذيب ولا سوا هالسواة معكم



و صح لسانك على هالبيات


اللهم امين’’وهو راع الاوله ,,لاعدمناه,,
ومشكور يانبع الدموع,,على هالمرور الطيب بيض الله وجهك,,وشرواك الطيب,,وانت واحد من اللي اذا انعدو الرجال ,,اول من ينعد معهم انت,,

[أبو فهد العيد]

مايبيله شي تستاهل




ويستاهل رفيقك

تستاهل الطيب,,,
وهي مايبيله شي ,,على الكريم’’’وراع الولع,,,

[أبو فهد العيد]

هو طيب وانت وخويك رجال تستاهلون وكلامك هو اللي يخلي الرجال تطيب مع بعضها ، الرجل اللي يذكر فعل الطيب ولاينساه ومكشات محل يجمع الرجال اللي شرواكم واللي الواحد لو انه ما يعرفكم شخصيا الا انه يعتز بكم ومثلك عارف المقانيص كلها تكاليف سواء بالمادة والا بالوقت ولا يحرص عليها الا الرجال السنعين واللي يتغارون بفعل الطيب .

هذا من طيبك طول الله عمرك,,وتستاهل الخير ’’

[أبو فهد العيد]

يستاهل خويك الطير والرجال يستاهل القصيده ..

تستاهل الخير,, والله,,والقصيده اقل شي نسويه,,وهي بعد مهيب قصيده,,هي ابيات

[أبو فهد العيد]

الله واكبر
يازين هالسالفه يابوفهد والله انها تشرح الخاطر
وهو كريم وانتم تستاهلون
وحنا مادورنا مكشات عبث إلى خابرين مجمع الجود فيها

الله يوفقنا وياكم لما يحبه ويرضاه

الله يطول عمرك,,وعسى خاطرك دوم منشرح,,وشرواك الطيب يالغالي

[أبو فهد العيد]

يا هلا باخوي ابو فهد الله يحييك انت وراعي الجميله
هذي الفعول ما يسويها الا شيخ ولد شيخ لا يرجي مصلحه ولا ماده واكبر دليل انك ما تعرف حتى اسمه الله يبيض وجهه
نسال الله انه يجازيه على فعل الخفا بالجنه واعلى منازلها
ان قلت كريم يا راعي الجميل ما هي جميله /// لا صار انت ابو الجمايل مجمل ومشكور
تستاهل يا راعي الشيهانه ويساهل خويك والشكر لله ثم لراعي الطيب والجميله

بيض الله وجهك وماقصرت,,على هالمرور اللي يبهج الخاطر,,

[أبو فهد العيد]

قعلا الطيب مازال موجود .

والله لا يفعل هذه الفعلة ، الا رجل معدنه طيب ، وعرقه طيب.

والله ان معرفة هذا الرجل وشرواه هي الكنز الذي لايفنى .

بيض الله وجهك في الدنيا والاخرة.

همسة :
سبحان الله مهما تغير الوقت ، ومهما دارت عجلة الزمان .
مازال هناك رجال يتعبون على كلمة............ ونعم
وصدق المثل القائل ( علم الحيا ، والطيبين يبين )

الله يبيض وجهك ,, وماقصرت ,, ولا يحرمك اجر هالكلمات,,اللي توسع الصدر,,لاعدمناك واللي مثلك وشرواك

[أبو فهد العيد]

عز الله أنه كفوا وولد أجاويد ومن نسل أحرار وأنت يا بوفهد رجال تستاهل والخير في وجهك
وللأمانة أن في أشخاض واجد في هذا المنتدى الشامخ الواحد يفتخر فيهم وفي فعاليهم
والقبيلي هذي علومه وعاداته ولاهي غريبة عليكم هذي الفعايل اللي تبيض الوجه ، وما أقول
إلا الله يعين على رد الجمايل .

الله يعطيك العافيه,, وماقصرت,,,
وانت واحد من اللي ذكرتهم

[أبو فهد العيد]

بيض الله وجهه وجعل والديه الجنه

اللهم امين,,

[أبو فهد العيد]

صح لسانك يابوفهد

وهو كريم وانتم تستااااهلون ولا هي غريبه على فحول مثل شرواهـ ومثله من البشر نادر أنا أشهد ,,

ما اقول إلا عسى الله يكثر من امثاله ,,

صح بدنك,, والله وتستاهل الخير,,وشرواك الطيب يالنشمي

[اعصار الجنوب]

بيض الله وجه راعي الهدية أن اشهد أنه راعي الأوله وراعي الأوله ما يلحق الله يكثر من أمثاله وتستاهلون كل خير.

[مناضل]

اكرم وانعم

[رامى السيد]

والله ونعم الاخوة الله يبارك له ويحمى المنتدى الرائع الذى كان وسيله تربطنا ببعضنا والذى ساعد على تنميه روح الاخوة بيننا
وجعل من بيننا رجال مثل صديقك اشخاص نتشرف بوجودهم بيننا

[أبوناصر_1]

بيض الله وجهه

[ملاعب الطير]

هو كريم وانت تستاهل
وصح لسانك على القصيده
(مداخله :كيف الحال يا بعيد الشوح عساك بخير
وكيف حالك ياوقاد بشرنا عنك)

[سعود الراشد]

الرجال مثل هالنوع قليلين في هذا الوقت
سبحان الله ناس يعطون الشياهين اوناس يسرقونهن
اشكرك اخي
تقبل تحياتي

[شنوان]

الله يرحم والديه المهدي والمهدا عليه
وعس الله لايفرقهم من شر ويبارك فيهم
ويرزقهم بالذريه الصالحه ومن في هلمنتدى
وجميع المسلمين
والله لايقطع هلعاده الطيبه بين المسلمين

[عقل وكري]

هاذي هي الرجوله الصح ماشاء الله على هذي الفزعه الله يعطيه العافيه
ياشباب اناكانت عندي نفس المشكله واحد ساعدني نفس هاذا الرجل

[سرهيد]

حياك الله يابو عبد الله’’’ وماقصرت على مرورك العطر’’وبيض الله وجهك,,,


وانا ودي اقول اسمه,,,بس والله الرجال محلفني اني مااقول اسمه,,ولا لقبه,,لكن الله يرزقه من حيث لايحتسب,


على العموم وصله سلامي وهذي بوسة على خشمة وخشم اللي خلفه

مثل هؤلاء يفتخر الواحد بمعرفتهم

محبك

ابو عبدالله

[أبو فهد العيد]

صح لسانك يالشاعر وبيض الله وجهك

شنكار,,,, بيض الله وجهك وماقصرت

[أبو فهد العيد]

صح الله لسانك بيض الله وجهك..... كفو ونعم الشهامه ......ويستاهل ابو عبد الرحمن

صح بدنك,, ووجهك ابيض ,, ووافي يالوافي, وتستاهل الخير

[أبو فهد العيد]

قررت ومن هنا من هذه الصفحة أحاول أدخل مع هل الصقور والصقاقير
ليس لشيء إلا لعلي أتعلم من علومهم الغانمة شي

فتشبهوا إلم تكونوا مثلهم 0000 إن التشبه بالرجال فلاح

أشهد انه كفو يمكن الصقارة يحبون بعضهم ويعرفون أن هل الصقور هم هل المرجلة والعلوم الغانمه

يا خوي حتى الصقارة اللي ما همب عرب فيهم من علوم الرجال كثير

صح لسانك بو فهد

صح بدنك,,,, وانت فيك الخير والبركه,, وتفيد وتستفيد’’
’الله يرفع قدرك ويعلي شانك.. وحياك ربي بين اربعك واخوانك

[أبو فهد العيد]

عزالله إنه راعي الجميلة , صح لسانك يا أبوفهد .

صح بدنك,,, وراعي الجميله مايلحق

[يوسف الخليفة1]

بارك الله فيك أخي العزيز أبو فهد العيد والشكر الجزيل

[شاهي معتق]

الله يجعلها في ميزان حسناته وأنت وخويك تستاهلون
وصح السانك

[مسفر الاكلبي]

الطيب لا تستغربه من هل الطيب .... اللي لهم في منهج الطيب خبره

اوسع على لجواد من فيضة شعيب.... واضيق على الرديان من ثقب لبره

هذا الابيات من قصيده للشاعر محمد بن سياف الاكلبي تستاهلها يابو فهد انت وخويك راعي العلم الغانم . ومكشات ماشاء الله تبارك الرحمن يجمع المطاليق من كل ديره ويفخر الواحد انه بينهم

صح السانك يابو فهد على قصيدتك اللتي مدحت فيها من يستاهل المدح

وعسى الله يخلف على راعي الجميل ويبيض وجهه