المساعد الشخصي الرقمي

مشاهدة النسخة كاملة : الخيمة التركيب (( 4×4 /3×5/...)) الشرح بالصور ـ تصوير أبوصالح ))الجوني((


الجوني
06/01/2004, 11:07 PM
بسم الله الرحمن الرحيم
السلام عليكم اول شي أعتذر عن التقصير في الوصف..
اما عن الخيمة مقاساتها :/
3×5
4×4(( أفضلهن))
2×3
القماش باكستاني ماتحس ان فيه عجاج اما عن البرد توقعاتي انها تخفف من البرودة بنسبة 50 %


http://www.mekshat.com/pix/upload/images3/11-025.jpg

http://www.mekshat.com/pix/upload/images3/11-078.jpg

http://www.mekshat.com/pix/upload/images3/34590.jpg

http://www.mekshat.com/pix/upload/images3/323290900.jpg
معمرها
06/01/2004, 11:27 PM
......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( الجوني ))))


على هذا الشرح


شـــكـــراُ
Bo Rashed
06/01/2004, 11:38 PM
الله يعطيك العافيه اخوي الجوني

خوش خيمة تصلح للطلعات الخفيفه والسريعه وايضا تصلح للبحر خصوصا وقت الصيف

بس شكلها باردة وما تدفي مضبوط

بارك الله فيك
abos3d
07/01/2004, 12:03 AM
بصراحة ما شاء الله لا يعلى عليها بس ممكن تعلمنا من وين شريتها ولك جزيل الشكر



أخوكم أبو سعد
جميل جمال
07/01/2004, 01:08 AM
السلام عليكم ..

اسالوا مجرب يالربع ..

انا معي له ثلاث سنيني بالظبط وكل ربيع اطلع به من ست الى سبع طلعات ..

والله انها ما مثله ابد ما شالله ..

خصوصا للشباب اللي ما معهم جيوب شاص او ما معهم حوض عموما .. لانه صغيره ولا تاخذ مكان .

لان العواميد حقاته يركبن بالعرض بشنطة الجيب ورا .. والخيمة اذا صفطتها مظبوط تطلع بدون مبالغه كبر مفارش النوم الوطنيه ..

وبالنسبه للعجاج .. اذكر العام كنا بالدبدبه وجانا عجاج اللهم يا كافي وماشالله ماتحركت من مكانه ..

وبالنسبه للمطر بعطلة العيد الماضيه جانا سيل استمر ثلاث ساعات وحنا بنفود حائل وما خرت الا من زاويه وحده كانت منشقه معه من قبل ..

وبالنسبه للبرد هي بالتاكيد ميب مثل الخيام ام رواق العاديه لكنه بنفس الوقت ما تقارن لو انك نمت برا او اونك حاط الرواق بالحاله .

انا اللي معي ثلاثه في اربعه تشيل خمسه بالنوم وهي مرتاحه ..

على فكره هي تجي مبطنه بطربال ازرق على اساس انه يكون عازل للمطر .. يعني تجي ثلاث طبقات شراع خارجي بعدين الطربال الازرق بعدين قماش داخلي ..

انا اشتريتها من واحد من الشباب بـ 280 ريال شاريها وبلش بها لانه موب راعي كشتات (( يعني بالعربي شاريها بزعه وبلش به )) :D

على العموم ميزتها انها تركب بسهوله وسرعه وانها ما تاخذ مكان مع العفش ..

انا انصح اي واحد يكون قادر على شرائها انه يشريها لانها وذفه وتأدي الغرض ولاهيب ثقيلة نفس مثل الخيمة العادية ..

واي سؤال حول الخيمه انا حاظر .
نقا هشال
07/01/2004, 02:02 AM
الجوني
يعطيك العافيه ولاهنت
عروان
07/01/2004, 07:24 AM
زينة بس لو أن لها بابين بيكون أفضل.

ولكن الافضلية تحكمها عدة عوامل منها السعر "ماذكرته لنا يابوصالح" و المقاس وهي مطوية وسماكة القماس الخارجي و سماكة الجميع سوا.


ياليت توضح لنا أكثر يا بوصالح
نفل
07/01/2004, 08:21 AM
السلام عليكم ورحمة الله وبركاته

اخوي ابو صالح

مشكور على الموضوع وحبيت اسأل عن الوقت الي يستغرقة نصب الخيمة وهل بمقدور شخص واحد
فعل ذلك وجزاك الله الف خير والله يعطيك العافية

وتقبل تحيات اخوك نفل
الجوني
07/01/2004, 10:53 AM
السلام عليكم ورحمة الله وبركاته

عروان :/ ياليت ترجع وتقرأ الموضوع زين التعليق على الصور ...؟؟

===
نفل:/
انا اقول واحد صعبه ان كانت 4×4 اما 2×3 أتوقع تقدر ولو تروح للمحل وتشوف تركيبها يمكن افضل
===
اما عن سماكاتها وهي مطويه قطرها يمكن 40 سم وطوله مترين توقعاتي لاكن ابشرو بالطلعه الجايه ان شاء اصورها لكم قبل ما اطقها ....الى..... نهايتها

أي سؤال

أما عن موقع المحل هذا سر ، اذا رضى المشرف ابكتب لكم اسم المحل ووصفه
تالي الاولين*
07/01/2004, 11:33 AM
.


يعطيك العافيه يابو صالح


.
عروان
07/01/2004, 12:47 PM
أسف يا بو صالح ما انتبهت للسعر في الصورة الاولي.

بس كأنها غالية شوي.
الضيغمي
07/01/2004, 06:18 PM
بسم الله الرحمن الرحيم

السلام عليكم ورحمة الله وبركاته


الله يجزاك الجنة

بارك الله فيك ياخوي

بالنسبة لأسم للمحل شف لك اي طريقة
بس لازم تعلمنا



بعدين وش سالفة الجربوع شكلة انتيكة:p :D :good:
فـ(الجـوف)ـتى
07/01/2004, 07:30 PM
يعطيك العافيه


تسلم يالغالي0
ابورشيد
07/01/2004, 10:29 PM
لكن فيه سؤال اخوي الجوني
ليش لون الجربوع عليه مثل الدم
الجوني
07/01/2004, 10:38 PM
هذا الله يسلمك حنا صدنا ثلاثة جرابيع وجمعناهن مع بعض واتوقع كانن كلهن ذكور مادرينا بهن الا يوم وصلن المخيم لقيناهن دم ولو تشوف الباقيات وشلون بس اللي بالصورة هو احسنهن وهو انجسهن
الـ ع ـارض
08/01/2004, 08:22 AM
نحتري وصف المحل يا ابوصالح كنت ابشري وحده ويوم شفت الصور هونت عن الاوله لا تكشت فينا وعلمنا عن المحل ........


مشكووووووور على المجهود
الجوني
08/01/2004, 10:04 AM
من مخرج 15 اذا كنت واقف عند المخرج بتتجة لمقبرة النسيم((شرق)) بتجيك اول اشارة ((غير اشارة المخرج)) موجود عندها مطاعم من ظمن المطاعم ماكدونالدز وبرجر كنج تطول سيدة تجيك الاشارة الثانية شف المحل قدام على اليمين اسمه الفراسة ...
الشوكيss
08/01/2004, 10:28 AM
السلام عليكم يا احباب
اشكر كل من شارك في هذا الموضوع وابدلي بدلوي فيه
اناعندي خيمه مقاس 3x4 خفيفه وحلوه الاعمده المنيوم واذا كانت مصفطه تحط بشنطة السياره الصغيره وتتحمل المطر والهواء وتوقي عن البرد ومابه عواميد بالوسط ولها عندي اكثر من 6 سنوات وسعرها كان 800 ريال اخذتها من محل لتصليح الخيام في اسواق الحمدان المجاوره لمركز المعارض بطريق الملك فهد اللي هدوه الان و يعمرون فيه بنده العزيزيه .
الـ ع ـارض
09/01/2004, 05:12 PM
مشكووووووووووووور يا ابو صالح على الوصف وما قصرت يا بعدي
الضيغمي
10/01/2004, 11:03 PM
بسم الله الرحمن الرحيم

السلام عليكم ورحمة الله وبركاته

مشكور يا ابو صالح على الوصف الدقيق

وعلى سعة صدرك معنا


الجوني اللى لا نخيته اسعدك=فزاع مايبخل على عيال الاجواد
الجوني
11/01/2004, 10:23 AM
هلا بك اخوي الضغيمي وشكرا على البيت الشعر
مجنونها@@
11/01/2004, 11:15 AM
يالليت يااخوان تدعمون الموضوع بصور وخاصة والخيمة مسفطة لان الكثير يهمه حجمها
الملحق
12/01/2004, 11:34 AM
يا اخون انا امس عند محل نسيت اسمه بس صاحبة اسمة خالد اليوسف . شاب صغير واجودي واخلاقه عالية صراحة :)


المهم محلة بشارع المية اول اشارة تجيك اشارة ارجع للدائري وادخل خط الخدمة اول محل رحلات يبي يجيك هو هذا محلة .


عنده خيام حلوه الحقيقة وعلى كلامة مستعد يضمنها لك . الرجال واثق من خامته ومن شغل الي عنده :) .


لقيت عنده خيمة 3.5 في 3.5 بسعر 650 ريال . طبعا غاطين والرواق باكستاني . يقول مستعد اضمن لك الباكستاني والا اضمن لك التنزاني ...


وش رايكم يالربع ؟
كايين
29/01/2004, 05:13 AM
يعطيك العافيه اخوي بس ياليت تجيبلنا صوره وهي مصفوطه عشان نعرف حجمها بالضبط ..

يعطيك العافيه .. :)
الجوني
15/02/2004, 06:29 PM
السلام عليكم ورحمة الله وبركاته
حيا الله الرجاجيل حبذا لو أخبرتونموني هل أحد منك شراها ... ويبدي لنا رأية لأن عندي وحدة ثانيه تفصيل بس :rolleyes: أفضل منها لااااااااكن :confused: سعرها (((( 2000)) ريال ومقاسها 4×5 اذا تبوني أعطيكم نبذه عنها وصورها لامانع.. :)
abos3d
15/02/2004, 08:14 PM
انا شاريها يا ابو صالح قبل 4 اسابيع و بصراحة روووووووووعة لا وازيدك من اشعر بيت نفس لون حقتك اصفر والنقشات حمر و ياليت تحط الثانيه مع صورها الله لا يهينك
الجوني
15/02/2004, 09:37 PM
تسلم يا ابو سعد وابشر بس اصبر اجهز الصور
الجوني
15/02/2004, 10:36 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين أما بعد

بعد طرح موضوعي السابق (( الخيمة التركيب (( 4×4 /3×5/...)) الشرح بالصور ـ تصوير أبوصالح ))الجوني(( (http://www.mekshat.com/vb/showthread.php?s=&threadid=14872&perpage=20&pagenumber=1) ))
ووجدت القبول المناسب من الاعضاء سلمهم الله أحببت ان اضع بين ايديكم الجزء الثاني من انواع الخيام التركيب
طبعا بالبدايه احب ان اوضح ان الخيمه صناعه بلدية يعني مو مثل الاولة من باكستان واليكم الصور

http://www.mekshat.com/pix/upload/images4/kemah-1.jpg

^
^
الخيمة وهي مسفطة:/
1= المفاصل للخيمه مع الاطناب والمطرقة.
2= العمدان.
3= الخيمة نفسها.
ملاحظة:/ 1( و ) 2 هما اللهيكل للخيمه


http://www.mekshat.com/pix/upload/images4/kemah-2.jpg


^
^
الخيمة بالعرض ويظهر مقاس عرضها اربعه متر
فاصل جزئي:/ الخيمة تتكون من بابين اثنين هذا سحابه بالوسط اما من الجهة المقابله فهو على شكل باب ويتكون من الاطراف على شكل أجنحه ..,

http://www.mekshat.com/pix/upload/images4/kemah-3.jpg

^
^
يلاحظ بالصورة جناح الخيمة المفتوح لجهة اليسار وكذلك يلاحظ الباب اللي يتكون من سحابين
ملاحظة:/ الأجنحة لها سحابات من الجوانب بحيث اذا تبي الاجنحه تفتحها تفل السحابhttp://www.mekshat.com/pix/upload/images4/kemah-4.jpg

^
^
بتوقعاتي ان هالجلسة مايبي لها كلام الخيمة غدة بيت شعر ..؟؟ , طبعا بالليل تغلق الخيمة من جميع الجهات وتسدل الاجنحه كي تدفء.


http://www.mekshat.com/pix/upload/images4/kemah-5.jpg

^
^
الخيمة تسع لعشرة فرش تنزاني ومن لم يفهم نقول له هذه المسأله :/
اذا ضربنا العدد 4×5= 20 ولنفرظ ان طول كل فراش 2 م/ وعرضه 1 م/ يساوي الحل..؟؟


http://www.mekshat.com/pix/upload/images4/kemah-6.jpg

^
^
الخيمة ويلاحظ داخله
ملاحظة:/ تحتوي الخيمة على مخباتين ونافذتين.

http://www.mekshat.com/pix/upload/images4/kemah-7.jpg

^
^ الخيمة من بعد
ملاحظة:/ يستطيع تركيب هذه الخيمة 2 بشرط انهم ما تتحرك من مكانها يعني اذا بدو يوصلون القطع مكانها واحد وتستغرق العملية حوال مابين 20 - 25 دقيقة اما اذا كانوا اربعه يستطيعوا تغير الخيمة مكانها بحيث يشيلونها من الزوايا ويتحكمون فيها بسهولة وتستغرق عملية تركيبها مابين 10 - 15 دقيقة

أي سؤال انا بالخدمه

لأ أنسى سعرها بـــ 2000 ريال لأنها صناعه محلية وقماشها تنزاني رتبة 2 على ما اتوقع..؟
عبرود
06/03/2004, 05:46 PM
مشكور اخوي ابو صالح علي هذا المجود الرايع
عبرود
06/03/2004, 05:52 PM
مشكور اخوي الجوني علي هذا المجود الرايع واسف علي غلط لاسماء
أبو جاسر؟
04/11/2009, 04:46 AM
س1 / وين أحصلهـا ؟
س2 / قمـاشهـا كم غاط ؟
س3 / هل تنصحنا فيها ؟
حياتي البحر
30/03/2010, 02:23 PM
تم التصويت هي رائعة بس غالية
ABO AKASH
30/03/2010, 03:24 PM
يالله حسن الخاتمة

وينك يالجوني الله يردك سالم