المساعد الشخصي الرقمي

مشاهدة النسخة كاملة : جديــــ( NEW )ــــد [ عزبة الشاي والقهوة ] خفافيه - تصوير:/أبو صالح*الجوني


الجوني
07/01/2004, 01:02 PM
بسم الله الرحمن الرحيم
هذي عزبة خفافية ميزتها للي بكشت قريب لمدة يوم او يومين او اكثر بشوي وعددهم مايزيد عن 3-6 العزبة ذي قديمة لاكن بعد ان وجدة عزبة مجهزة مثل اللي عندي اول شريتها وحبيت اوريكم اياها لاكن سعرها غويلي
سعرها من 190 وجاي بس توقعاتي انك لو تجمعها انت ماتكلف حول الــ130 واتررككم مع الصور

http://www.mekshat.com/pix/upload/images3/auzbah1.jpg


http://www.mekshat.com/pix/upload/images3/auzbah2.jpg

http://www.mekshat.com/pix/upload/images3/43324432324.jpg
الجوني
07/01/2004, 01:48 PM
http://www.mekshat.com/pix/upload/images3/765657675.jpg
عروان
07/01/2004, 03:52 PM
رد مكرر.
عروان
07/01/2004, 03:57 PM
السلام عليكم ورحمة الله وبركاته



مرحبا أبو صالح

صراحة عزبة ممتازة للي يسافر بعيد بالطيارة.

تعرف أوقات اذا صرت مسافر وسكنت بالفنادق اللي مايعرفون ريحة الهيل

لو يعرض علي أيمن :D هالمعاميل في اللوبي حق الفندق بالف ريال دفعتها وحبيت

راسه بعد.:heart:


بس ترا المواد المختارة من النوعية الجيدة مثل العلب والابريق من النوع الجيد

والشنطة بعد تصميمها حلو.


بعدين قلي وش سالفتك مع الاستفتائات اللي كاثرة هاليومين, :D لا يكون ناوي تفتح محل أدوات رحلات

تراني شريك لك :D :D


تحياتي لك
abos3d
07/01/2004, 05:20 PM
رائعه من روائعك يا ابو صالح بس من وين شاريها ووشي الشنطه الخضراء الي في الصوره الثانيه
الجوني
07/01/2004, 05:26 PM
اخوي عروان والله ماهي بعيدة انا عندي افكار اني افتح محل لاكن شكل غير بحيث كل شي من تصميمي وناوي عليه قريب بإن الله أبخلية ورشة ومحل يعني اللي براسك من اختراع ننفذه لك وش رايك بتصير شريك لا تصدق انا شريك نفسي
راعي الرغبه
07/01/2004, 06:08 PM
ابو صالح السلام عليكم ورحمة الله وبركاته السلام عليكم ورحمة الله وبركاته,,,,,,,,
العزبة :good: :good: :good: والدليل تصويت الشباب
راعي عنيزة
08/01/2004, 05:30 AM
يعطيك العافيه ابو صالح
عزبه خفيفه ومنتازه ولكن رايي ان الواحد يشتريها فاضيه ويشكلها على مزاجه احسن

لاني شريت مثلها بالظبط عدا ان الشراع ياباني موب تنزاني وكانت كامله ب 130 ريال

ولكني قعدت اغير واعدل فيها لحد ما طلعت تكلفتها اللهم صل على محمد :rolleyes:
مثل غيرت الدافور الصيني بدافور بريمس سنه لانه امن واسهل من الكبس وكلف مع دبته 95 ريال
وغيرت البريق والدله وزودت علب

لذلك الفاضيه احسن واوفر
الـ ع ـارض
08/01/2004, 08:17 AM
راااااااااااااااااااايقه من جد العزبه يا ابو صالح

ويلا افتح المحل بسرررررررعه والحق سوق البر وتراني اول زباينك
الشوكيss
08/01/2004, 10:43 AM
بسم الله الرحمن الرحيم

السلام عليكم ورحمة الله وبركاته

شكراً لك اخي الكريم ابو صالح على هذا المقال وعلى ها الاهتمام بالشباب وتجهيزات البر

وإذا فتحت المحل علمنا وين مكانه حتى اما نفزع بالشغل معك او نشتري منك ونبث لك دعايه عند الاحباب
الجوني
08/01/2004, 11:31 AM
العزبة موجودة عند المقناص اللي بمخرج 15 اما الشنطة الخضراء هذا مخبات الشنطة من فوق وهذي الذراية
فـ(الجـوف)ـتى
08/01/2004, 11:58 AM
مشكوووووووووور

اخوى على هذه العزبه والصور الرائعه


الله يعطيك العافيه ماقصرت 0
جاروود
11/01/2004, 01:55 PM
بسم الله الرحمن الرحيم

انا معي نفس هذي العزبه من اكثر من سنتين وانصحبها كل من يعز علي خياطتها جيده جدا والعلب فيها ستيل ومغلقه بقوه يعني مافيه امل تنفك مع المطبات ةالممشى في االبر
لاكن العيب الوحيد فيه انها صغيره مره ماتخذ ابريق كبير شوي كل العده الي فيه ضغير يعني يالله تكفي ثلاثه من النوع الثقيل واربعة من النوع الخفيف يعني دلتها تاخذ تكفي 9 فناجيل نص امتلا
والبريق مايخذ الا 9 بيلات والمعلوم اننه في البر الواحد يشتهي كلش ويشرب واجد
ويمديك تغير البريق إلى ابريق اكبر ولاكنه يبي يضايق العده وراح تتكسر عليك البيالات مع المطاب لأانه مابينهم حاجز
انا خلاص معد احط فيها البيلات البلات برا لانه دايم تتتكسر إذا مشيت في البر

ولاكن ارجع واقول نوعية ألأأدوات الي في العزبة جيدة من الشنطة التنزانية والسحاب الكبير الي يضمنه المحل من الخراب
وبنسبه انك بتكمل القطع برخص

الي اعرفه عن هذا المحل اشتر منه الشنطه وكمل العزبة من المحل ورااح يعطيك خصم 20%
ولاكن لو بتكسر القطع الي في الشنطه وتعرف اسعاره رح تكلفك الشنطة 220
وعليكم السلام ورحمة الله وبركاته
عبار درب
12/01/2004, 01:56 PM
السلام عليكم ورحمة الله وبركاته
والله يضيق صدري الى شفت اخواني في المنتداى يتحمسون الى شافو شي زين في المحلات يشرون على طوال ليه مأدري والله انا شريت الشنطة لحالها ب45 ريال وكملتها من محلات ابو ريالين بالحوافظ ب10 ريال وابريق ابو شخاله ب15 ريال ودله صغيره ب25 ريال المجموع ماتجاوز 100 ريال الشنطه شوفوها عند محل الرحلات الي امتداد شارع انكاس من جهة الجنوب
والسلام ختام:rolleyes: :confused:
عبار درب
12/01/2004, 01:59 PM
على فكره انا شلت كل الفواصل الي بالداخل علشان اوسع لها وحطيت للبيالات والفناجيل علبة بلاستك احفظ لها :good:
نقا هشال
13/01/2004, 04:47 PM
اخوي الجوني

مشكور ولاهنت
رفيع الشان
15/01/2004, 04:06 AM
ماشاء الله

والله حلوه وتستاهل قيمتها بعد

عندي مثلها بس أصغر شوي هذي ماشاء الله مليانه من كل شي
ابو شكاع
16/01/2004, 05:09 AM
حلووووووووووة

انا للحين عندي الظاهر اقدم نوع من العزب

اللي صندوق بلاستيك وشراع

يوم كان فروعن يكشت هكالحين كان يستخدمها

ومهوب من سنع عندي

الا لاني قليل ما اروح مراويح بعيدة

مشكور يابو صالح وما قصرت
قناص القرائن
16/01/2004, 10:39 AM
السلام عليكم
اخوي الجوني انا لاقي مثلها وحجمها وسعرها 200 وزود لاكن انت من وين لقيتها
فـ(الجـوف)ـتى
16/01/2004, 11:12 AM
مشكووووووووووووووووووووور0
رفيق الذيب
16/01/2004, 03:22 PM
اخي ابو صالح
صراحة شنطة حلوة وشفت شنطة اصغر منها بس عدة شاهي حصلتها عند رحلتي للوازم الرحلات ودخلت معها الدلة بالغصب والله سلكت
على فكرة فرعهم فشفاء ارخص
جنوبي الغاط
31/01/2004, 10:42 PM
ممتازة ومشكورعلى الجهد الواضح:good:
ابو سمر
31/01/2004, 10:50 PM
الله يعافيك وممتازة ومجربة لكن تحتاج تغيير بعض الاشياء فيها لصغر بعضها ودمتم .:good:
حد السيف
01/02/2004, 01:49 AM
السلام عليكم ورحمة الله وبركاته
كل عام وانت بخير
الاخ الغالي ابوصالح*الجنوبي
خفافية صحيح بس معناها انك اذا بغيت البر ومطول يبلك اكثر من شنطة عزبة لشاهي وعزبة للارزاق وعزبة
للمواعين وغير الدافور يبلة مكان وراحة مساحة السيارة لاكثر من عزبة ليت تكون هناك شنطيتن وحدة للمواعين الثانية للارزاق وبة كل ماتحتاج
وفي الختام تقبل وافر التقدير والاحترام


محبك اخيك
حد السيف
mmalmousa
21/07/2004, 03:49 PM
السلام عليكم ورحمة الله
بصراحة عزبة خطيرة..تخوف يعني:D
وسعرها بصراحة جدا مناسب..وعلى فكره تراني انا ابيع من ها العزب واعرف سعرتكلفتها زين واخذها بالجمله بكميات كبيرة
عشان كذا انا اقول لكم اللي يلقى مثلها وبهذا السعر تراهي جدا مناسبة بس ينتبه لعدة شغلات وهي :
أن يكون الدافور ايطالي ..لأنهم يحطون لك صيني

أن يكون ابريق الشاي كوري..وهم يحطون لك صيني

تكون فناجين القهوة ميلامين..وهم يحطون لك بلاستيك..وتعرف البلاستيك من الميلامين بالثقل أي ان فنجان الميلامين أثقل من الفنجان البلاستيك..وفنجان الميلامين ينكسر بصعوبه أما فنجان البلاستيك ينكسر بسهوله

علب الشاي والبن والسكر والهيل تكون من البلاستيك.. صناعة هندية ..لأنها ذات جودة أعلى.. ما عدا علبة الهيل من المفترض انها تكون زجاج أو علبه استانلس ستيل لأنه من المعروف ان الهيل اذا طول داخل علبة البلاستيك يحلل مادة البلاستيك ويحرقها ..وغير كذا ريحة الهيل تقل ويفقد خصائصه بسرعه في علب البلاستيك
ولا تنسى ان يكون حجم علبة البن والسكر من الحجم الكبير وعلبة الشاي من الحجم الوسط وعلبة الهيل من الحجم الصغير

الذراية تكون من النوع السميك وتكون المفاصل اللي فيها من نوع الاستانلس ستيل..لأنهم عادة ما يحطون لك ذرايات سماكة الصاج فيها لا يتعدى0.30ملم ..والمفاصل تكون من النوع الصيني الرديئ
ولكن في ذرايات سماكة الصاج فيها 0.50ملم والمفاصل تكون من الاستانلس استيل صناعة صينيه ولكن صناعة جيده أو يكون بها مفاصل حديد صناعه صينيه جيده
الدلة لازم تكون ماركة رسلان صناعة هندية لأنها أفضل دله توضع في العزب ولا تنسى على الدله ضمان 25سنة

ان شا الله ما يكون نسيت شي ولو تذكرت با أقول لكم
وعلى فكره ترى لو بتجمعها قطعه قطعه حسب المواصفات اللي عطيتك اياها سابقا بتكلفك أكثر من 240 ريال لكن أصحاب المحلات يشترون قطعها بالجمله فيضع الربح بحيث لو انك شريتها تجميع تطلع غاليه عليك ولو شريتها من عنده كامله يكون ربحه جيد..وهذه هي طريقة البيع الناجحه اللي المفروض يتبعها التاجر في بيعه بحيث يستفيد ويفيد
والسلام عليكم ورحمة الله
مارشال
21/07/2004, 04:46 PM
وين تباع فيه هذه العزبه

جزاكم الله خير
طشي وامطري
22/07/2004, 11:03 AM
انا من رايي ومجرب مثل هالعزب حليوه وإن كان فيها عيب كبير ، وهو إنها صغيرة مرة البريق ما يسقي رجال خرمان شاهي هذا غير لو إن معه جماعة وما تاخذ علب كبار مثل السكر والقهوة يـبـيلك كل يوم تحقن به سكر وقهوة والدلة اللي تبي تحطه بهالعزبة يالله فنجاليين ،هذا غير البيالات برى بعد.
لكن فيه وحده ارتفاعها اعلى من هذاي يمكن تاخذ اكبر مواعيين هذا غير لا صرت طبي تطرش طرشة اخفيفة وربعك مهوب واجد تقدر تحطلك بها كويتم صغير .... ألخ.
هاوي نفود
22/07/2004, 11:28 AM
من ناحية حلوة ... مايختلف عليها إثنين

بس السعر أتصور أنه غالي ولا وش رايك !!
الربذي
22/07/2004, 03:39 PM
اخوي الجوني (ابوصالح)

مشكور ولاهنت:good:
أبو فراس
23/07/2004, 11:09 AM
السلام عليكم ورحمة الله وبركاته

معليش .... انا ما جازت لي لاني احب كل شي يكون وافي وكبير لاني بالبر احسب ان كل الطرقية ضيوف علي فما ابي انحرج قدامه وكذلك المعارف بعد كثيرين واذا دروا انك بالبر انكبوا عليك ولذلك اخذ العزبة كاملة وفيها القدر الكاتم بعد عن سبحان الله اذا زانت الجلسة وقالوا نبي انتعشا
Khalid AlGhamdi
23/07/2004, 11:23 AM
الأصل كُتب بواسطة عبار درب
السلام عليكم ورحمة الله وبركاته
والله يضيق صدري الى شفت اخواني في المنتداى يتحمسون الى شافو شي زين في المحلات يشرون على طوال ليه مأدري والله انا شريت الشنطة لحالها ب45 ريال وكملتها من محلات ابو ريالين بالحوافظ ب10 ريال وابريق ابو شخاله ب15 ريال ودله صغيره ب25 ريال المجموع ماتجاوز 100 ريال الشنطه شوفوها عند محل الرحلات الي امتداد شارع انكاس من جهة الجنوب
والسلام ختام:rolleyes: :confused:


وانا مثل ماقال عبار درب

شريت الشنطة لحالها من محلات الخيام اللي بالغرابي بـ 40 ريال

وماوصلت قيمة الاغراض اللي فيها 60 ريال يعني ماوصلت معاي تكلفتها 100 ريال

هذي ممتازة للعجازين واللي فلوسة زايده يروح يشريها لكن اذا تبي تختار اغراضك على مزاجك بتاخذ اللي تبي وبتكلفة اقل يعني بقيمة الشنطة هذي تشتري شنطتين وحده لك والثانية عطنياها هدية انا :D ومقبولة مقدماً


اخوي ابو abu feras خل معك شنطتين ، الا صرت كاشت عصرية مثلا ولا طالع تمشية خذ الشاهي والقهوة والا صرت مطول خذ عزبتك الثانية اريح لك
الضاري
24/07/2004, 04:30 AM
شي هالعزبة ..

لكن أفضل تجميع شنطة العزبة ومكوناتة بنفسي..
بــرق الشمال
26/07/2004, 01:02 PM
الأصل كُتب بواسطة فـ(الجـوف)ـتى
مشكوووووووووور

اخوى على هذه العزبه والصور الرائعه


الله يعطيك العافيه ماقصرت 0
راعي الروضة
21/08/2007, 07:41 AM
السلام عليكم ورحمة الله وبركاته



مرحبا أبو صالح

صراحة عزبة ممتازة للي يسافر بعيد بالطيارة.

تعرف أوقات اذا صرت مسافر وسكنت بالفنادق اللي مايعرفون ريحة الهيل

لو يعرض علي أيمن :D هالمعاميل في اللوبي حق الفندق بالف ريال دفعتها وحبيت

راسه بعد.:heart:


بس ترا المواد المختارة من النوعية الجيدة مثل العلب والابريق من النوع الجيد

والشنطة بعد تصميمها حلو.


بعدين قلي وش سالفتك مع الاستفتائات اللي كاثرة هاليومين, :D لا يكون ناوي تفتح محل أدوات رحلات

تراني شريك لك :D :D


تحياتي لك
اتمنى يالغالي ماتجرب تدخل فندق خارج المملكة بهالمعاميل 000 لو شافوها معك والله ان يسحبونك بكراعينك في اللوبي وخل الهيل ينفعك تبي قهوتك ومعاميلك تشب فيهم ؟
راعي الجيوب 1
21/08/2007, 07:56 AM
تسلم يا ابو صالح علي هذا الموظوع المميز
سنجااار
21/08/2007, 08:05 AM
الله يعطيك العافية يابوصالح
تقبل مروري
مشروك
مهتوي الكشتة
26/08/2007, 06:27 AM
عندي مثلها
هذي النوعية ممتازة لكن سعرها مبالغ فيه مرة
فاضية 75 ريال ومليانه 190
يوجد محل في الرياض عند مخرج الترمذي عنده مثلها بس في رايي افضل منها في أشياء وتنقصها اشياء بسيطة وفاضية 25 ريال يابلاش
د م ق
26/08/2007, 05:25 PM
والله اشوف تشتري الشنطة وانت تملاها

انا شريت شنطه بـ35 ريال واثثتها من البيت بريق طارف دله طارفه والعل الله يخلي علب الجبن والحلاو
باترول 82
27/08/2007, 05:36 AM
والله حليله وتحافظ على معاميلك من الضياع والتكسير

تحياتي
مطفش الجن
27/12/2007, 03:58 AM
مشكووووووووووووووووووووور
camaro
02/02/2008, 09:44 PM
سبحان الله وبحمده
سبحان الله العظيم
برق بن رعد
03/02/2008, 02:29 AM
مشكلتها السعر ويمكن البريق والدلة صيني
عاشق الباترل
10/02/2009, 11:09 AM
بارك الله فيك الله يعطيك العافيه
شعال
10/02/2009, 11:29 AM
هذي حقت كاسه ونت ماشي بس