جاك الفرج يا منتظر طلة سهيل.........

[ابو جبل]

بمناسبة قرب نجم سهيل وموسم البراد والمطر بإذن الله أهدي لكم هذه الأبيات التي أعجبتني:

جاك الفرج يا منتظر طلة سهيل.........أبيات حلوة..

جاك الفرج يامنــــتظر طلة سهيل..........أيام وتذعذع نــــــــسيمالبرادي
برز زهابك وانتــــبه للمعامـــــيل......... واختار من صفر الدلالالجدادي
خذ ما تبيه وزود البـــن والهـــيل......... يكفيك لين تعود صوبالبـــلادي
أوصيك أنا في العزبة أم الفناجيلل..........زود عددها لاتصيراقتصــــادي
واختار خوة طيبيــــــن الرجاجيل .........الي لهم رغبة بقطعالفـــيـــافــي
اهداها لي الصديق العزيز أبو عزام في رسالة جوال

أخوكم أبوجبل .,,,

http://www.×××××××××.com/vb/rehlatnew/misc/progress.gif

[أبو فهد العيد]

صح لسانك ولسان ابو عزام,, وبيض الله وجهك,,,,
سهيل يبشر اهل الطيور بنقلة الطير,, عسى الله يجيب الخير

[جلمود الجبيرى]

صح السانك والسان ابو عزام الله يعطيكم العافيه قصيده طيبه والله يجيب الخير

[عساس سهيل]

تســـــلم يمينك ياسليل الفطاحيل ++ بـــــداع قاف و ما عليكم نقادي
انــا اشهد انك يوم غنيت بسهيل ++ هيضـتني يـاليته الـيوم بـــــادي
من زود شوق له وكني مهيبـيل ++ مــا غير اطالع فالنجوم البعادي
دوبـه ظهر تزدان فيه الـــتعاليل ++ وجوَه مميز حيث ماهوب عادي
هذي مجاراة مني لقصيدة ابوعزام بنجم سهيل ، وسلمت يابوجبل على هالاختيار .

[جرير]

تسلم




جاك الفرج يامنتظر طلة سهيل= أيام وتذعذع نسيم البرادي
برز زهابك وانتبه للمعاميل= واختار من صفر الدلال الجدادي
خذ ماتبيه وزود البن والهيل = يكفيك لين تعود صوب البلادي
واوصيك انا في العزبه ام الفناجيل= زود عددها لاتصير اقتصادي
واختار خوة طيبين الرياجيل= اللي لهم رغبه بقطع البيادي
اهل العلوم الطيبه والتماثيل = اللي سوالفهم لجرحك ضمادي
من طيبهم تقول ذولا مهابيل= اهبال طيب ولاعليه انتقادي
انصوا ديار عمها وابل السيل= جانا خبرها والعلوم بوكادي
حيا وفيا للحباري مداهيل= شي قديم وشي لفو جدادي
تغانموها بدهم كنه الليل = غريب لون ومايل(ن) للسوادي
العام فعله واضح بالتفاصيل=عليه شرط انه الاهد صادي
ولا اشقر سوات لون الغناديل= لاشفت وصفه قلت ماهوب عادي
من قال فيه تقول خل الاقاويل= هذا هوى بالي وغاية امرادي
من فعله الهارب تشوف الغرابيل= يموت في طرد المقفي اعادي
وبعد الغروب ايزين وقت التعاليل= كل يقول افلان بالفعل زادي
سوالف ماهيب كذب ودهاويل= ماهي اعلوم مجمعين الدوادي
رجّالهم يفيد هرجه الا قيل= ولّا سمع لهروجهم واستفادي
ماهوب لاصكت عليه الحلاحيل = يجيبها لاضاق من كل وادي
والصبح تلقى جمعهم بالتكاميل= ساعة ينادي للفلاح المنادي
أيام نقضيها بحل وتراحيل = وهل الولع قالوا ربيع الفوادي
توارثوها الناس جيل بعد جيل = واجب عوايدنا القديمه تعادي
والعذر مني في ختام المراسيل = ختامها يعبى بمسك وزبادي
وصلاة ربي عد وبل المخاييل= على نبي للمخاليق هادي


الشاعر راشد بن سالم المنصور ي

[جزاء الشمري]

يعطيك العاااااااافية وصح لسان الشاعر

[شيخ القرينه]

مشكووووور جزاك الله خير

[عبدالرحمن الخالدي]

أبوجبل تسلم يمناك على هذا النقل الرائع , والشكرموصول لمشرفنا جرير على إكمال القصيدة .

[دغيم1]

السلام عليكم ورحمة الله وبركاته
يعطيك العافية أخوي
وسلمت يمينك
وصح لسان الشاعر
ويسلم مشرفنا الغالي
وشاعرنا الكريم
أبو أحمد ( جرير )
على إكمال القصيدة
لاشك أن إنتظار سهيل قد طال بنا ونسأل الله أن يعجل به على خير وعافيه
فقد أخذ منا لهيب الحر نصيبه
تقبل تحياتي

[ابوجعفر]

صح لساااااانك