فرخ إيراني طرح أخر الوقت !

[المزروعي]

السلام عليكم ورحمة الله وبركاته ...

هذا فرخ تم طرحه في إيران شهر 2 أخر الوقت و الطير ريشته عاديه جدا لكن وسرته طيبه الطير قياسه تقريبا 17 أو أقل شوي .


هذي الصوره أثناء مقناصنا في إيران و من حبي للطير كان دائما على إيدي أرببه مع العلم كنا في عز المقناص !
http://www.mekshat.com/pix/upload02/images76/mk57508_1.jpg




تدهيل الطير عندي فيه وناسه أكثر من المقناص نفسه . يلوموني في الوحش والله أنه يوم يناظرك تقول يطالبك بدم الله وكيلك تحس أنه رجال شراني !! يعني خصب عنك تحترمه و تحبه
http://www.mekshat.com/pix/upload02/images76/mk57508_3.jpg

[بومعطش]

عز الله أنك طيب ماتجيب الا الطيب شرواك
ماشالله تبارك الرحمن طير مسكت
الله لايظره
والله يلوم من لامك في حب الوحش

[أبوإبراهيم1]

http://www.mekshat.com/pix/upload02/images76/mk57508_1.jpg
(يلوموني في الوحش والله أنه يوم يناظرك تقول يطالبك بدم الله وكيلك تحس أنه رجال شراني !! يعني خصب عنك تحترمه و تحبه )
هــــــــــــــو عين الحقيقة

وجه الغظيب اللي غدى دربه دنافيس** ملبسيـــــــنه تهمـــــة العــــــار بالباس

الخير جاي ان شاء الله
والله يبارك لك

[مطامر]

السلام عليكم

اشهد بالله العظيم انك صادق
والله لي 20 سنه نفس الطريقه ونفس الطيور تقريبا
واللي مجرب فاهم قصدك {صقارة الحر االصافي غيررررررررررررررر}
اشكرك على هذا العرض الطيب
تقبل تحياتي

اخوك :j مطامر

[جارح العين]

مشاء الله طيبر طيب
والله يطرح به البركه

[صحراوي uae]

الله يعطيك العافيه
ويبارك فيك وفي الطير

[سلطان 1]

بيض الله وجهك يابو محمد على الصوره 0
بس وش سوا معك 0

[صقار البحرين]

الله يطول عمرك على الصوره ومشكورررررر

[كشات قطر]

السلام عليكم
أسميك أنك جبت الصحيح
عليك بالأصيل لو طال الزمان يجود
أنا صار لي فوق العشر سنوات وانا أقول السنه ذي باشتر ي فرخ حر ولكن من أشوف قرانيس الهوا الطيبه نسيت الفروخ
تسلم يالمزروعي دائما متميز

[خلوي]

المزروعي الله يمسيك بالخير, الي يلومك في حب الوحش ماعنده سالفه, لاكن شكل الوحوش شيبوبك, صورتك في التوقيع مبينه غزو الشيب لك, لاكن المعركه كر وفر وانا أخوك, والله يطول أب عمر الشيبه الي في توقيعك

[المزروعي]

بومعطش . ما عليك زود الله لا يهينك
أبوإبراهيم 1 . صدقت و صح لسان من قالها
مطامر . تسلم و الشكر لمرورك
جارح العين . تسلم
صحراوي uae . الله يعافيك ويسلمك
راع فاروق . وجهك أبيض . الطير قنص عندي أرنب و بعدها أرسلته يفكونه في باكستان في برنامج الشيخ زايد الله يرحمه لإعادة إطلاق الصقور . كان عندي أكثر من طير و حبيت أساهم في ذاك البرنامج .
صقار البحرين . و يطول في عمرك ويسلمك
كشات قطر . وعليك السلام ورحمة الله وبركاته . إن حصل لك قرناس الهوا ذاك غاية المتمني !! تسلم على المرور

[قاصدجداكم]

حي ذي العين يابومحمد

والله يخليلك الشايب

بس الرجال الي انت خابره يوم شاف الصوره شافني وقالي كلمه وخلاني اصكت

بس بعدني عند كلامي وصابر

[المزروعي]

خلوي . مساك الله بالنور . خلها على الله الشيب جاني من غير ميعاد حسبي الله عليه !!! أما بالنسبه للمعركه مع الجيره تراهم في المخلاه من الضحا !!!!!!! و الله يطول في عمرك وعمر والديك .

[المزروعي]

قاصدجداكم . يا مرحبا يا بومحمد و الله يخلي لك والديك . لكن أنا حاس أنك تلعب على الحبلين مع الرجال ذاك !!!!!! تراك بهدلته و رفعت ضغطه .

[ناصر الحمد]

بيض الله وجهك يابومحمد الله وأكبر على الوحش

الله يخليلك الوالد أنشاء الله ويطول بعمره

[وَسَام!]

لاهنت يالمزروعي !

[نايف الخالدي]

مشكوووووووووووووووووووووووور يالمزروعي على الصوره
طير طيب ماشاء الله

[ابوعبدالله 3504]

لاهنت يالمزرعي مواضيعك توسع الصدر الله يوسع صدرك بالعافية
تقبل مروري

[منظور]

يعطيك الف عافيه يالمزروعي

الخير بقبال ان شالله

[نيار]

ماشاء الله طير وافي الله يطعمك من صيده...

[راعي الشهامه]

ماشاء الله تبارك الرحمن يالمزروعي حي ذا الشوف

طيب ولا تجيب الا طيب ماشاء الله عليك .. والله يطول بعمر شايبك ويرزقك بره ورضاه

سلمت يابعدي على هالصور الطيبه

[الخرب الازرق]

السلام عليكم شحالك يالمزوعي عساك بخير إنشاء الله

مالوم اللي يلومك ماشاء الله عليه

[عادل الجابر]

السلام عليكم ورحمة الله


يالمزروعي أنت طيب ولا تجيب ألا الطيب

زانت علووومك


وأرد واقول الله يبلغني بمقناص أيران


المزروعي أذا اللي في التوقيع هذا شايبك طالبك طلبه حب لي خشمه

[سيف الظفير]

السلام عليكم ورحمة الله وبركاته ...

هذا فرخ تم طرحه في إيران شهر 2 أخر الوقت و الطير ريشته عاديه جدا لكن وسرته طيبه الطير قياسه تقريبا 17 أو أقل شوي .


هذي الصوره أثناء مقناصنا في إيران و من حبي للطير كان دائما على إيدي أرببه مع العلم كنا في عز المقناص !
http://www.mekshat.com/pix/upload02/images76/mk57508_1.jpg




تدهيل الطير عندي فيه وناسه أكثر من المقناص نفسه . يلوموني في الوحش والله أنه يوم يناظرك تقول يطالبك بدم الله وكيلك تحس أنه رجال شراني !! يعني خصب عنك تحترمه و تحبه
http://www.mekshat.com/pix/upload02/images76/mk57508_3.jpg




يستاهل يمناك يا المزروعي

ومافيكم حيلة يا المزاريع ولاهيب غريبة عليكم هالندر

[@قرناص@]

,,

مآشاء الله طير طيب ورآعيه آطيب

والله يطرح فيه البركه

بالتوفيق

,,

[mohammad 182]

الحمد لله رب العالمین

[نبع الدموع]

واللي مجرب فاهم قصدك {صقارة الحر االصافي غيررررررررررررررر}

و انا اشهد انك صدقت

ما شاء الله تبارك الله يابو محمد عز الله انة طير الله يباركلك فية
ابا انشدك الطير موجود؟

[خيال الصبحا]

وعليكم السلام ورحمة الله وبركاته
الأخ ابو محمد
مااقول الا الله يوفقك دنيا واخرة
ماشاء الله على مواضيعك ، حقيفة أنا
من الحريصين على مواضيعك ومواضيع
بعض الاخوان المميزين الي شقوا طريقهم بمكشات
(حتى اني البارحة مراجع اغلب مواضيعك ههههههههههه)
موفق خير ، وننتظر جديدك ، وشكرًا

[المزروعي]

أبومحمد راعي عماش . و جهك أبيض الله لا يهينك
وسام!. الله لا يهينك
نايف الخالدي . الشكر لك
مقانيص . الله لا يهينك
منظور . الله يعافيك
نيار . تسلم الله يبارك فيك
راعي الشهامه . ما عليك زود الله يبارك فيك و الله يخلي لك والديك
الخرب الازرق . وعليك السلام ورحمة الله وبركاته . تسلم الله يبارك فيك
عادل الجابر . ما عليك زود و الله يرفع قدرك و لا يصغرك
سيف الظفير . ما عليك زود الله يبارك فيك
@قرناص@. تسلم الله لا يهينك
نبع الدموع . الله يبارك فيك ويسلمك .الطير أطلقناه في باكستان في برنامج الشيخ زايد الله يرحمه لإعادة إطلاق الطيور في البريه

[قشاع الرمث]

السلام عليكم ورحمة الله وبركاته

الله يبارك به
وما شاء الله عليه

الطير قطوعه مسكته

والله يخللي لكم العود .

[المزروعي]

خيال الصبحا . أميين ويوفقك دنيا و أخره و ما عليك زود الله يبارك فيك
قشاع الرمث . وعليك السلام ورحمة الله وبركاته . تسلم الله يبارك فيك وفي والديك

[لعّاب المنايا]

ما شاء الله تبارك الله ,,
تستاااهل يابومحمد والطيب ماينقل إلا الطيب ,,


بس ماقلتلي يابو محمد كيف الطير اللي مع الأمير السامر .. أكيد شفت الصورهـ ,,

[نبع الدموع]

نبع الدموع . الله يبارك فيك ويسلمك .الطير أطلقناه في باكستان في برنامج الشيخ زايد الله يرحمه لإعادة إطلاق الطيور في البريه
ما شاء الله تبارك الله و الله يجزاكم خير لو انك قايل غير هالاجابة كان لقيتني انا و جاهتي عندك في البيت على
ذا الطير :j
انا اشهد ان موارية ما شدتني بس الا اخذت عقلي

[المزروعي]

ما شاء الله تبارك الله و الله يجزاكم خير لو انك قايل غير هالاجابة كان لقيتني انا و جاهتي عندك في البيت على
ذا الطير :j
انا اشهد ان موارية ما شدتني بس الا اخذت عقلي

لو دريت كان قلت لك أن الطير موجود حتى تزورنا و نتشرف بك ;) لو أنها بتكون كذبه صغيره !!!!!!

[elsayad]

بسم الله ما شاء الله
مشكور أخي المزروعي على الصور الجميلة