وش أفضل محل بالقصيم يعمل الأرضيات للسيارة

[راعي الفورت]

كما في العنوان

ودي أحط أرضيات بلاستيك حماية للأرضيات في السيارة وش الأفضل أنا موجود مؤقتا في القصيم

[يوسف 206]

فيه ياخوي محلين اعرفهن شغلهم ضبوط ومشهورين النافوره والشلال
وكلهم موجودين بعنيزه على طريق الساعه

[أبوإبراهيم1]

الشلال بجوار محكمة بريدة الكبرى

[راعي الفورت]

يوسف 206رد: وش أفضل محل بالقصيم يعمل الأرضيات للسيارة
فيه ياخوي محلين اعرفهن شغلهم ضبوط ومشهورين النافوره والشلال
وكلهم موجودين بعنيزه على طريق الساعه





أبوإبراهيم1رد: وش أفضل محل بالقصيم يعمل الأرضيات للسيارة


الشلال بجوار محكمة بريدة الكبرى





الأخوان الكريمان يوسف وأبو إبراهيم


والله مجملين وما قصرتوا


ولكن ما سمعتوا عن محل اسمه المغسلة الدولية وهي ببريدة ودلن عليها شخص وقال شغلهم مضبوط


وحقيقة أنا أبي الشغل العدل لأن سيارتي تاهو 2008 وأبي الشغل ما يختلف والا يحوس علي السيارة


وكذلك ودي أعرف مدى تأثير هذه الأشياء على الضمان وخاصة ( الأير باق )

[سوسة حطب]

والله يا أخوي ودي أنك ما تركبها لإن ما فيها فايده وستبدلها بالربل الأرضي يغني عن تركيبها والربل حامي جيد وإذا بغيت تنظفه فهو أسهل

[محب الكرك]

الشلا ل بجوار المحكمه الكبرى والمغسله الدوليه شارع الاربعين جنوب الجوازات

[مدمن فتك]

نصيحة لاتعدى النافورة ولا الشلال بعنيزة فقط

[راعي الفورت]

والله يا أخوي ودي أنك ما تركبها لإن ما فيها فايده وستبدلها بالربل الأرضي يغني عن تركيبها والربل حامي جيد وإذا بغيت تنظفه فهو أسهل

أولا : مشكور على الرد

ثانيا : عاشت الأسامي ههههههههههه

ثالثا : وش المقصود بالربل الأرضي

وسامحن على الخشونه والتكسير

[راعي الفورت]

الشلا ل بجوار المحكمه الكبرى والمغسله الدوليه شارع الاربعين جنوب الجوازات

أشكرك على المشاركه في الرأي

وأنا أعتقد بأن الغالبية يؤيدون الشلال

[راعي الفورت]

نصيحة لاتعدى النافورة ولا الشلال بعنيزة فقط

هلا بالمدمن كفانا الله وإياك شر الإدمان

ياليت توصف لي الشلال أو النافورة لكي أزورهن وأقارن بالاسعار

وشكرا لك

[مسافر2000]

يوصف لك محب الكرك :good:

[مسافر2000]

يالله محب الكرك كل هذا كتب اخلص علينا الرجال ينتظر الرد

[محب الكرك]

اخوى راعى الفورت الشلال اللى ببريده هوفرع ثانى للى بعنيزه
واذ تريد الفرع اللى بعنيزه اذا دخلت عنيزه وانت جاى من بريده تجيك وكاله تويوتا ومخابز الهطلانى على اليمين اطلع يمين امش مسافه 500متر تجيك محطه الشلال وفيه فرع ثانى لهم جنوب فندق الواحه لك رساله على الخاص

[مدمن فتك]

بالنسبة للنافورة فهي اول ماتجي من بريدة وتعدي اسواق المبارك اللي تجيك يسارك تجي هي يسارك على نفس الشارع
اما الشلال فهو في نفس الشارع لكن بعد المحكمة العامة يجيك يمناك

[راعي الفورت]

مشكورين ومجملين وماقصرتوا ياشباب


أخي محب الكرك
سيتم معالجة الرسالة اللي على الخاص عاجلا

[راعي الفورت]

أشكر الجميع على الاهتمام

وأخص الأخ الكريم محب الكرك على التوصيف والمكالمة الهاتفية التي أجراها معي وتوصيفه الأكثر من رائع

وهذا إن دل فإنما يدل على مايمتاز به شباب هذا المنتدى من همة وتفاني في الخدمة


والملاحظ ياشباب إني رحت للشلال ووجدت عندهم زحمة عجيبه حتى إن المسؤول الهندي قال الأسبوع الجاي تتصل علينا تحجز لك موعد يالثلاثاء أو الاربعاء يعني زحمة والسبب والله أعلم من زين الشغل ما تركهم أحد والسعر معقول حيث يتم عمل الأرضيات بـ 350 للتاهو

وأما النافورة فالأسعار نار ولا أشوف عندهم زحمة تسوى وشغلهم ما شفته والسبب إن السيارات اللي مشتغلين به مفاتيحة عند أهله يعني مايمديك تحكم على الشغل ولكن السعر هبال 450 فرق ماهو سهل


عموما تقر إن شاء الله أن يكون العمل لدى الشلال بإذن الله

والسلام عليكم ورحمة الله وبركاته

[عاشق نجد ،]

الشلال بعنيزة

[محب الكرك]

اخي الغالي راعي الفورت ماسويت الا الواجب ومهب غريب على اعضاء وكل منهو منتسب لهالمنتدى الفزعه لااخوانهم ومعرفه الرجال امثالك وشرواك تنشرى وعذرنا على القصور واي خدمه الرقم عندك بالخدمه والسلام عليكم