موضوع مهم في الطلع لاهل التجربه الفعليه...

[فزااع]

السلام عليكم ورحمه الله وبركاته


احييكم جميعا اعضاء خيمة الصيد بالصقور


فيه سؤال لأهل الخبرة والتجربة الفعليه عشان الجميع يستفيد


(واللي ماعنده تجربه يشرفنا مروره ومشاركته بدون اعطاء اي معلومه ماعنده خلفيه عنها)

(هل طلع الطير على الحباري اوثق لما تكون ملبد او لما تكون تتدرج الطيار عاد وضعه غير انا ابي ملبد او تتدرج)


ملاحظة : انا قلت كذا ليستفيد الجميع...



وشكرا

[خلوي]

فزاع الحبارى لقدها ملبد أتشوف الطير يتحقق منها اذا تحرك فيها شي وتشوفه مشخص بنظره, لاكن لقدها تسير بتشوفه يودع شوي وبعدها بنطلق بحفظ الله ورعايته نحو الهدف المنشود:D

الي تسير أثبت لطلع من الي ملبده وهذا شي بديهي

[فزااع]

خلوي لاهنت ونشوف باقي الاعضاء

[وَسَام!]

فزاع الحبارى لقدها ملبد أتشوف الطير يتحقق منها اذا تحرك فيها شي وتشوفه مشخص بنظره, لاكن لقدها تسير بتشوفه يودع شوي وبعدها بنطلق بحفظ الله ورعايته نحو الهدف المنشود:D

الي تسير أثبت لطلع من الي ملبده وهذا شي بديهي
احسنت!!
نفس الراي حتى نفس الابتسامه اللي بالمشاركه!

[رقاب الضرابين]

الاخ العزيز فزاع اعتقد يجيز لنا قانونك الذي وضعته في المشاركه لاننا من اهل الصنف
اخي العزيز الطير على تدريبه وسرعة انتباهه والطيور تختلف حتى الطيور الطلاعه تختلف عن بعضها
طبعا الحباره عند ما تكون لابده ولاتتحرك تكون اصعب من كل شيء على الطير الطلاع ولاكن اذا الطير شافها
تتحرك وبعد هدده تخمر يمكن يركز بعض الطيور ويوكدها ويصيدها وما تروح عليه ولاكن بعض الطيور تروح عليه لو هو يطرده بس تخمر يضيعها
ولاكن الحباره الي تدرج اسهل على الطير وتلفت انتباهه حتى لو هي على غير اتجاه السياره وبعض الطيور
ما يركز الا بعد ان تقف السيار وبعض الطيور وهي ما شيه يلقطها على حركتها
وعلى طول الخبره ومثل ما قلت قبل شوي على تركيز الطير واما الي طايره ما تحتاج يشوفها كل طير الطلاع
وغيره لانها مرتفعه وما يموهها شيء
والله يااخي عندي طير طلع ويوم ارتفع ضيعها وضل يحوم وما نزل ورى شوي نزل ويوم نزل على رمثه
لمار هي بعرج الرمثه شلون شافها ولاكن هو مشهودله بالطلع

[فزااع]

وسام لاهنت وشاكر لك وفيه ناس تخش في عينك بعلومات خطأ x خطأ

ننتظر الردود الاخري

[فزااع]

رقاب لاهنت اخوي...

وتعجبني الطمره اللي في التوقيع هههههههههههههههههه

[سلطان 1]

فزاع 0 الدرج اسهل للطير وبيطلع عليها اي طير 0
لكن الملبد صعبه الا على الطير اللي متمرس على الطلع 0
لا هنت على الموضوع 0

[فزااع]

ولا انت راعي فاروق وبيض الله وجهك على الرد

[طارق الحربي]

ماني اخبر من الرجال اللي قبلي

لكن اشوف الملبده اصعب على الطير

[شنوان]

طبعا اذا صارت الحبا رى تدرج الطير يبي يشوفها اذا كان طلع
وهذا يعتمد على المسافه للطير حيث طلع الطيور يختاف من طير الى طير
احد يشوف 200 متر واحد يشوف 500 واحد كيلو ومافوق
الطيور انواع
اما المخمر اذا ما احتركت تعتبر ميته وشلون ايشوفها

[لعّاب المنايا]

المخمره توّحش يالربع نادر ما يشوفها طير إلا إن تحركت أو حركها الهواء
يشوفها الطير ويطلع عليها ,,
وبالنسبه للدرج أسهل للطير وأسرع طلع ,,

[صقار شياهين]

اخوي فزاع الملبد مايشوفها الطير ابداااا اما الدرج يشوفها وان كانها بعيد شوي والبدت يضيعها مره طلع طير معنا وضيع يوم جيناه موقع كانت الحبارى ملبده وتبعد عنه عشرة امتار ولا شافها الين حركناها له

[صقار البحرين]

مرحبا اخوي اعجبني طرحك وحبيت ادلي بدلوي من جيز الربع اللي قبلي ولا اقصور في اخواني اللي شاركو قبلي ..

اخوي بخصوص الحباره المخمر صعبه على الطير اشوفها الا في حاله واحد وهي كانك قريب منها والطير بيشوفها وهي تزحف اوتتقي منك

ولكن بخصوص الحبار اذا هي تدرج اسهل على الطير يشوفها وهي تدرج واسهل اكثر واكثر اذا كانت اطيار والطيور ماهي سوى في طير لما يطلع يتزين وفيه طير يختبط على طول على حسب الطير بيكون راعيه عارف طلعه
ومشكوررررررررررررر على كل حال ياخوي

[الحر01]

اذا صارت تدرج تصير واضحه لطير

[حر المراقيب]

فزاع الحبارى لقدها ملبد أتشوف الطير يتحقق منها اذا تحرك فيها شي وتشوفه مشخص بنظره, لاكن لقدها تسير بتشوفه يودع شوي وبعدها بنطلق بحفظ الله ورعايته نحو الهدف المنشود:D

الي تسير أثبت لطلع من الي ملبده وهذا شي بديهي
كلام سليم 100*100