الله لا يهينكم وين ااحصل كشاف شور فاير

[قناص1975]

السلام عليكم ورحمة اللة وبركاتة
اخوانى كلى رجاء بمساعدتكم ابى الكشاف اليدوى الامريكى شور فاير وين احصلة فى الكويت
ولكم منى جزيل الشكر والاحترام

[جمعان 22]

غير موجود في الكويت

لكني ناصحك

كشاف شور فاير ....قمة الجودة في الصناعة ...... اضاءة قوية

سعر مرتفع ..... يحتاج بطارية CR123

وسعر هذه البطارية دينار وربع للواحدة ..رايتها في مركز سلطان اللي يبيع كل شيئ


.... ثم اذا زهقت من البطارية وسعرها الغالي وكل فترة تشتري بطاريتين ب 2 ونصف ....وتجلس معك يوم واحد استعمال شاق او اقل

وقررت تشتري بطاريات CR123 قابلة للشحن علشان تشحنها كل فترة في بيتكم وتخلص

اللي راح يواجهك هو ...ان البطاريات القابلة للشحن راح تفجر لمبة الشورفاير لانها 8 فولت ...ولمبة الشورفاير حدها 6 فولت

وتضطر تشتري قطعة جديدة ....اما لمبات عادية من شركة اخرى ..او led وهذا ايضا بيكلف


والان

هناك كشاف ...... ليس بجودة الشورفاير ولكن جودته عاااالية لا تقارن بما هو في السوق ..... واضاءته اقوى ....الكلام هذا عن تجربة وانا املكه واملك شور فاير

لمبته led .....ذات لون اصفر مثل اللمبة العادية ( وهذا يهمني انا جدا لان اللون الاصفر العادي افضل من اللون الابيض في البر والرحلات واريح للعين )

ولمبة led لا تحتاج الى تبديل وتتحمل من 4 فولت الى 9 فولت


وصناعته صينية ...( صناعة صينية من النوع الممتاز )

وسعره جيد مقارنة بالشورفاير


انظر هنا
http://www.dereelight.com/

وهذا الكشاف جميل وصغير ..تقريبا من طرف اصبعك الوسط الى نصف كفك ...طبعا اذا كنت تبحث عن الحجم

ما اذا تبي اكبر قليلا عندك هذا

http://www.dereelight.com/dbsv2.htm





..عموما قبل لا تشتري علمني علشان اعلمك كيف تختار ال led الاصفر ...اذا كنت تبيه


شكرا

[قناص1975]

والديك للجنة مشكور وبيض اللة وجهك اخوى جمعان
شرحك طيب ونت اطيب
بس احصلة اعطيك خبر
يقولون يطلبونة من النت
تحيااااااااااااااااااااااااااااااااااااااااااااااا اااااااااااتى لك

[عاشق الرفاليو]

مشكور اخوي جمعان علي تجاوبك لكن هل الكشاف الصيني موجود في السعوديه هل هو قابل للشحن هل عليه ضمان واذا كان موجود في اي المحلاات يباع لك جزيل الشكر

[ابوالعز4800]

اخوي قناص من باب النصح انت كاتب (اللة) وهي كتابته (الله)لاحظتها فب كتابتك للموضوع والرد ويعطيك العافية وتقبل مروري
مع تحيات اخوك ابوالعز....

[جمعان 22]

لا غير موجود ..... اطلبه من موقعهم ويجيك :)

ماهو قابل للشحن .... يستخدم بطاريات Cr123 مثل الشورفاير

وهذه البطاريات غالية ..... تستطيع ان تجدها بالانترنت قابلة للشحن .... اذا لك مزاج ..اطلبها من النت مع شاحنها و الحمد لله رب العالمين :)

( كما ذكرت البطاريات القابلة للشحن ستفجر لمبة الشورفاير )

ماله داعي الضمان ...... جسم الكشاف قوي جدا وصناعة قوية جدا

اللمبة Led ( متوفر اصفر وابيض ) ممتازة وتعيش معك سنين دون اعطال وهي من صناعة Cree افضل الشركات في صناعة لمبات ال Led

[ابو عنقا]

اخوي جمعان

وين تجد هذه اللمبة Led

هل في ساكو او وين


شكرا لك

[جمعان 22]

يا هلا ابو عنقا :)

لا ليس في ساكو ..... هي متوفرة في الانترنت ...

عموما لمبة الليد ما تركبها مثل اللمبة العادية .. ولكنها تجي بشكل كامل مع قطعها وتوصيلها للكشاف

شوفها ... هذا البروسيسر مع لمبة الليد .... وهذه القطعة يشترونها اللي يصنعون الكشافات او اللي يحتاجونها
وبعدين يركبونها على عاكس ويركبونها للكشاف


http://farm3.static.flickr.com/2366/2532894336_b776da6e0b.jpg?v=0


اما انت كمستخدم ...تشتري لمبة الليد مع العاكس ..قطعة كاملة .. بالشكل هذا

http://www.dereelight.com/imgs/cree-module1.jpg


الصورة هذي فيها القطع علشان التوضيح فقط

http://www.kaidomain.com/UploadFiles/633067499276725000.jpg



ثم انك لا تحتاج لشراء لمبة ليد اخرى او احتياط ..... لان هذه اللمبة تخدمك لسنين دون ان تتعطل وليست كاللمبات العادية

[عاشق الرفاليو]

لا غير موجود ..... اطلبه من موقعهم ويجيك :)

ماهو قابل للشحن .... يستخدم بطاريات Cr123 مثل الشورفاير

وهذه البطاريات غالية ..... تستطيع ان تجدها بالانترنت قابلة للشحن .... اذا لك مزاج ..اطلبها من النت مع شاحنها و الحمد لله رب العالمين :)

( كما ذكرت البطاريات القابلة للشحن ستفجر لمبة الشورفاير )

ماله داعي الضمان ...... جسم الكشاف قوي جدا وصناعة قوية جدا

اللمبة Led ( متوفر اصفر وابيض ) ممتازة وتعيش معك سنين دون اعطال وهي من صناعة Cree افضل الشركات في صناعة لمبات ال Ledبارك الله فيك اخوي جمعان لك جزيل الشكر

[واحد مغرز]

اقول

مالك الا ماق لايت قابل للشحن مع استاند للسياره و شاحن سياره و بيت و امريكي ويطول عن النصف اذكره ب 34.250 اذا ماني غلطان

ولون اصفر شوي بس عن تجربه ممتاز

وشكرا

[جمعان 22]

بالنسبة للماق لايت اللي تتكلم عنه ....ساقارنه بالكشاف الصيني اللي ذكرناه


مواصفات ماق لايت :

1- وزنه 1 كيلو تقريبا ... 908 جرام

2- طوله 32 سم

3- يستخدم لمبة عادية ..... تتعطل وتحتاج تبديلها من فترة الى اخرى

4- يعمل فترة ساعتين تقريبا بعد شحنه كاملا

5- اضاءة قوية جدا



مواصفات الديري لايت - اقوى واكبر واحد -

1- وزنه 185 جرام

2- طوله 16 سم

3-يستخدم لمبة led ( متوفر لون اصفر ) .... تعمل لسنين طويلة دون ان تتعطل

4- يستخدم بطاريات CR123 و بطاريات CR123 قابلة للشحن

5- يحوي 3 اختيارات .... اضاءة قوية ... متوسطة .... ضعيفة

6- يعمل لمدة ساعتين او اكثر بالاضاءة القوية

7- يعمل لمدة طويلة جدا بالاضاءات الاخرى

8- اضاءته اضعف من الماق لايت بقليل

9- شكل الاضاءة افضل وتوزيع النور افضل من الماقلايت .... لاستخدامه عاكس متعرج ...مع توفر العاكس العادي في العلبة للتبديل





هذا والحمد لله رب العالمين

[ابومعاذ3]

السلام عليكم
و صبحكم الله بالخير جميعاً
اخوي جمعان
أنا عندي كشاف ( برايت ليت ) قوي جدا ولمبته led لكن لون إضاءته زرقاء
هل اقدر ابدلها ومن اللي يبيعها في الرياض
تحياتي للجميع

[جمعان 22]

يا هلا استاذ ابو معاذ :)

جرب تفتح راس الكشاف وتطلع القطعة ... اذا طلعت معك ( بسهولة لا تحتاج لشيئ ابدا ) صورها لنا ...يمكن تقدر تركب عليه باعث led اقوى او لون اخر

[اح ب2267]

عند الرمايه في الرياض

[ابو عادل1]

عند الرمايه في الرياض
ولاعليك امر:
كم سعره
وهل هو الكشاف اللي يذكره الاخ جمعان

[جمعان 22]

www.surefire.com (http://www.surefire.com)

هذا موقع شوفوا منتجاتهم

ومع ذلك انصح بالصيني ..... led عمر اطول .... اضاءة اقوى .... اضاءة مدة اطول ... ارخص

[قناص1975]

اكرر الشكر لخوى جمعان على الشرح الطيب
ما قصرت شرحك وافى ونت وافى

[قناص1975]

اكرر الشكر لخوى جمعان شرحك وافى ونت وافى