إللي يعرف هذا الطير يساعدنا ! [الأرشيف]

المزروعي

15/08/2008, 05:37 PM

السلام عليكم ورحمة الله وبركاته ..

أرسل لي شخص من روسيا البارحه صورة طير جرناس هوا بكر و حلف أن هذا الطير موجود عنده في روسيا . و الطير للبيع 35,000 درهم . لكن أنا شاك أن هذا الطير هو ملك لشيخ من الثاني و هو طرح أفغانستان . لكن ما أريد أظلم الرجال . إي شخص عنده صورة ثانيه لهذا الطير يرسلها و جزاه الله خير .

http://www.mekshat.com/pix/upload02/images75/mk57508_6969.jpg

أنا أشوف في شبه كبير بين هذا الطير و بين الطير إللي تم طرحه في أفغانستان . لكن الرجال قسم بالله و حلف أن هذا الطير عنده !!!

@قرناص@

15/08/2008, 05:39 PM

,,

هلا والله..

آخوي والله ودي آفيدك ..

وان شاء الله اول ما احصل طير شبيه له او صوره اخرى ابشر بسعدك,,

بآلتوفيق

,,

رامى السيد

15/08/2008, 05:39 PM

انشاء الله بيفيدونك ............. وحرص ولا تخون الصورة شكلها قديم

المزروعي

15/08/2008, 05:42 PM

@قرناص@ . تسلم
رامي السيد . و أنا أيضا أقول نفس الكلام . لكن الرجال حلف و قسم بالله أنه غير عن ذاك الطير ! و الصراحه الطير عاجبني .

طارق الحربي

15/08/2008, 05:44 PM

والله يابو محمد الصوره قديمه ما اتوقع انها مصوره قريبه

لكن الله اعلم

وماشالله الطير طيب عساه يكون من نصيبك

الطبشي

15/08/2008, 07:07 PM

والله العالم ان الصوره قديمه......والقرار لك يا ابو محمد...

قلب شاهين

15/08/2008, 07:11 PM

يابو محمد الطير ما اعتقد آنه مطروح قريب ،، لكن كل شي جايز ،،

لآن آصلا الصورة شكلها قديمه ،،

بس آذا تبي تتآكد كلم الرجال وقل له ابيك تصور الطير بالوضعية الفلانية وآرسل صورته وآنت شوف << شرااايك بالفكرة :)

تحياتي / قلب شاهين ،،

شيخ الشرقية

15/08/2008, 07:12 PM

وعليكم السلام ورحمة الله وبركاته

علشان ترتاح يالمزروعي قل لراعي الطير أنك تبغا صور زيادة لظهر الطير و و و وأذا قال ما

عنده يمكن أنه ما عنده ولا يمكن أنه نصاب وأنا ما أتهم الرجال ولا شي بس هذي طريقة يمكن

تفيدك

شيخ الشرقية

15/08/2008, 07:13 PM

قلب شاهين سبقني بالفكرة

شواااش

15/08/2008, 07:22 PM

السلام عليكم .. الطير هذا انكتب عنه موضوع قبل ايام
بعنوان ( طير اعجبني )
واظن انه نفس الطير
وشكرا

صقار البحرين

15/08/2008, 07:28 PM

بومحمد هذي صور الطير اللي بيع بمليون ريال طير بدر المنصوري واللي شراه امير قطر ...

http://www5.0zz0.com/2008/08/15/16/792597917.jpg

http://www5.0zz0.com/2008/08/15/16/956414039.jpg

http://www5.0zz0.com/2008/08/15/16/306805382.jpg

بومحمد شوف منسر الطير اللي عندك الضربه او شلخ والصور هذي نفس الشي فيها في الصوره فيه مثل

شيخ الشرقية

15/08/2008, 07:34 PM

سبقني بالصور صقار البحرين أنا توني كنت بحط الصور والله يوفقك يابو محمد بالطير الطيب

المزروعي

15/08/2008, 07:51 PM

طارق الحربي . تسلم
الطبشي . تسلم
قلب شاهين . صدقت . لكن أعتقد أن الرجال كذاب .
شيخ الشرقية . أعتقد أن الطير إللي حط صورته الأخ صقار البحرين هو نفس الطير ! الظاهر ان الرجال يريد ينصب علي !!
شواااش . كلامك صحيح
صقار البحرين . بيض الله وجهك و أشهد أنه نفس الطير . حسبي الله عليه ونعم الوكيل . يحلف و يقسم بالله كذب ! الله المستعان

قاصدجداكم

15/08/2008, 07:52 PM

مرحبا يابومحمد

الله يرزك الطير الي مثله او الاحسن

وهذا يابومحمد مطابق الطير الي نزلك صوره صقار البحرين

ويسلمك عليك م ويقولك ظهرك من الطير الانه قام بتحليل الصور وستكشف انه الموضوع فيه انااا

لعّاب المنايا

15/08/2008, 07:56 PM

إن شاء الله بيرزقك الله أطيب منه إن شاء الله ,,

والله يعيينا على النصااابين وماحصل إلا طير معروف ونازله صوره بكل مكان ,,

وَسَام!

15/08/2008, 10:35 PM

ابو محمد مااصدق انها تمشي عليك!!!!!
هذا هو نفسه طير الشيخ القطري وان كان مهوب هو ترالك قعود عندي!

المزروعي

15/08/2008, 10:39 PM

قاصد جداكم . تسلم يا بومحمد
لعاب المنايا . صدقت الله حب يفضحه !!
وسام! . والله أني شاك فيه لكنه حلف بالله وقسم أنه مش هو الطير . و تدري القسم مش شي هين ! و ما أتوقع أحد يحلف ويقسم بالله و أولاده و هو كاذب . لكن سبحان الله الظاهر أن الفلوس طمست على قلوبهم . تسلم يا وسام .

محمد الفهيد

15/08/2008, 10:47 PM

مرحبا بومحمد

الطير 99 بالميه طير الشيخ جاسم

بس شوف اذا الشخص ثقه او موب متأكد منه
خله ايصور لك الطير من قفا
لأن مافيه صوره لطير الشخ جاسم من ورى
او انه ايصور الطير وهو ناقله
وأتوقع لو ان كلامه صحيح ماكان هذا سعره
تحياتي

جارح العين

15/08/2008, 10:58 PM

ماقصر صقار البحرين

منظور

15/08/2008, 11:07 PM

زين تبين لك ان الرجال نصاب بمجرد صوره لاجل بعدين تاخذ حذرك منه ومن نصبه

تحياتي لك

شنوان

16/08/2008, 01:22 AM

طيب يابومحمد ليش ماتقوله خلاص شرينا
ارسل الطير وشرط عليه يكون نفس الي بالصوره
من غير ماترسله درهم واحد
اذا كان انت من عملائه الي دايم يشترون منه طيور

الحبيليص

16/08/2008, 01:57 AM

الله اعلم انه الصوره قديمه يابو محمد
وماشالله علي الطير انشهدنه طيب

راعي دهام

16/08/2008, 08:57 AM

.

http://www.mekshat.com/pix/upload/sign/images/mk3245.gif

اخوي المزروعي ..

الطير هذا والطير اللي ارسل لك صورته طير واحد وشوف النقطه

اللي تحت الجناح الأيسر اللي جايه في نص البياض ..

بالنسبه للصوره اللي حطها اخوي صقار البحرين ما طلعت عندي ،

فـ اذا كانت نفس الصوره اللي انا حطيتها ارجو المعذره ..

تقبلو تحيتي وتقديري ..

.

الخرب الازرق

16/08/2008, 10:07 AM

هلا بو محمد حبل الكذب قصير معروف ها الطير مافيه أحد مايعرفه والله يرزقك بواحد مثله

ناصر الحمد

16/08/2008, 10:53 AM

صبحك الله بالخير يابو محمد أنت خلك مع الرجال على أنك تبي تشتريه

وخله يرسلك صور له زياده ولا تحول له شي حتى تشوف الطير بعينك ولك تحياتي يالغالي

جبل راف

16/08/2008, 11:08 AM

ماشاء الله هذا الطير والا بلاش
افجح مستدير وافي الطول وافي العرض عاتق عيون بوز منخر كامل والكامل وجه الله

سنجااار

16/08/2008, 12:09 PM

حسبي الله عليه يحلف ان الطير عنده واخرتها يكذب
ماقصرت يابومحمد وصقار البحرين اعطاك الصور
تحياتي للجميع

المزروعي

16/08/2008, 12:32 PM

محمد الفهيد . كلامك صحيح
جارح العين . و أنت أيضا ما قصرت
منظور . تسلم
شنوان . ما رضى قالي أرسل 9000 درهم مقدما !!! أول مره أسمع أن أحد يرسل مبلغ مقدم لطير وحش !!
الحبيليص . كلامك صحيح
راعي دهام . صدقت
الخرب الازرق . أشهد أن حبل الكذب قصير .
أبومحمد راعي عماش . ما رضى قالي إذا تريد تشتريه أرسل لي عربون !!!! كأني شاري سياره مش طير
نشو الشمال . صدقت طير طيب
سنجاااار . سنجار الرجال قالي إذا عندك صورة طير تريد مثله أرسل الصورة و أنا أجيب لك مثله !! والله أني ضحك عليه . أعتقد أن الرجل معتوه

راعي مزيون

16/08/2008, 02:18 PM

السلام عليكم ورحمة الله وبركاته
أخوي المزروعي
هذا الطير الي بالصورة هو مليون طير الشيخ جاسم بن حمد بن خليفة ال ثاني
ولي العهد السابق في قطر
والطير ضاع في المقناص بالجزائر على ماأذكر
وتقبلوا تحياتي

S.A.S

16/08/2008, 06:27 PM

الطيور تتشابه

احمد سعيد

16/08/2008, 06:57 PM

حبيبي الصورة نفسها عند صقار البحرين لاكن عامليلهة تغيرات في احد البرامج

alajmi110

16/08/2008, 08:01 PM

أرحب يا ابو محمد ....
فا البدايه / الله يكفينا وياكـ والمسلمين اجمعين شر الناس هذي واشكالها
وانت يا المزروعي رجال صقار وتعلم ما احد يعلمكـ ( شف الصالح لكـ وسوه )
لكن يقول المثل حبل الكذب قصير ...
وان ضاع لكـ شي فا الدنيا ما يضيع الي عند الله

ذراع الذيب

16/08/2008, 08:05 PM

مااقول غير الله يرزقك بالطير الطيب..والرياجيل ماقصروا الله يعطيهم العافيه

خشف.

17/08/2008, 03:55 AM

المزروعي
صورة ذا الطير موجده ايضا بجهازي يعني والله العالم انه كذاب

http://s1h1up.com/uploads/dc599fa7ad.jpg (http://s1h1up.com/)

تقبل مروري

اعقاب

17/08/2008, 09:57 AM

اطلب منه يصوره مره ثانيه من زاويه ثانيه وان صدق اشتر ولا تمالي لكن بيوصله لك ولا لا