خاص لاهل الرياض

[ثورة الشك]

ياشباب الرياض لدي اسبوع انتداب بمركز المعلومات الوطني بعد عيد رمضان المبارك ان شاء الله

وابغى فزعتكم تدلوني على مكتب تاجير سيارات يكون سياراته جديده واسعاره معقوله

كذلك شققق مفروشه عوائل طبعا

ولكم تحياتي

[روافد]

اخوي اما السيارت كروه من افضل الشركات

والشقق الرياض مليان وحي الشهداء فيه عماير كثيره وكلها فخمة

مع التحية

[خلفهم]

فيه إذا انت جاي عن طريق الطياره فيه شركات تأجير بالمطار .. وحاول ما تاخذ إلا من شركه معروفه ..

أما الشقق فياليت تعطينا باي حي مركز المعلومات الوطني ..


وحياك بينا :)

[ثورة الشك]

شكر اخي روافد على مررك العطر

عزيزي خلفهم مندري عن اسم الحي وانا جاي بالطياره ولكن مكاتب التاجير احسن اخذ من سيارات المطار ولا بالبلد احسن والسيارات تكون جداد طبعا سياره يارس وطقتها

[طارق الحربي]

مركز المعلومات الوطني بوزاره الداخليه صح ؟

اذا كان هو فعلى طريق الملك فهد شقق مفروشه وانت متجه جنوب مقابله للوزاره تقريبا او خل الوزاره وراك ووجهك غرب فيه شارع سيدين تلقى فيه

او عند المستشفى العسكري فيه شقق واجد

محلات التأجير ياعزيزي على خريص قبل دوار الاحساء وانت متجه غرب محلات بالكوم

تبي تلقى طلبك وزود

انا نصيحتي تاخذ سيارة من المطار فيه بن هادي ممتاز ورخيص

والسكن لو تكلم الاستعلامات وتاخذ ارقام شقق مفروشه حول وزاره الداخليه

[عاشق السيل]

او عند المستشفى العسكري فيه شقق واجد

محلات التأجير ياعزيزي على خريص قبل دوار الاحساء وانت متجه غرب محلات بالكوم

تبي تلقى طلبك وزود

انا نصيحتي تاخذ سيارة من المطار فيه بن هادي ممتاز ورخيص




تأييد مية بالمية :good:

لكني أخالفك من ناحية تأجير المطار !!

لأن اللي على طريق خريص واللي عند دوار المطار القديم أرخص بكثير من مكاتب مطار الملك خالد !!!!

[القلب المحروم]

بس اللي عند المطار ازين انك تستاجر منهم

عشان وش يوديك ويركب عفشك من الطار الى السيارات وما تدري انت متى تلقى
ومثلها بالرجعة نزل عفشك وركبه بالتاكس
والله مشواااااااااااااااااااااااااار
المطار ما يفرق واجد حسب علمي

[هداج الرياض]

اولا المطار احسن
ولوتحسب اللي بتدفعه بالليموزين بالروحه والجيه
بيطلع لك ايجار يومين
وبعدين السيارات اللي بالمطار انظف من السيارات اللي داخل البلد
فلذلك انصح انك تاخذ سياره من المطار

بالنسبه للشقق المفروشه والنظيفه فلا يعلى على بودل للشقق المفروشه
ويوجد لها عدت فروع
وانصحك بفرع شارع الاحساء
او فرع الدائري الشمالي
عموما افضل شقق مفروشه بالرياض هي بودل باتفاق الجميع
تحياتي لك ورحله موفقه

[ابو الشباب3]

فيه شقق الخليوي قريبه من وزارة الداخليه الي في طريق الملك فهد
تروح على رجليك لعملك اما من ناحية السيارة اتوقع من المطار يكون اريح لك بعدين ماتفرق واجد ا لو اخذت سياره من براء التكسي رايح وجاي للمطار كم بكلفك اتوقع من100 او120 :D (الظاهر من المطار اريح لك ):D

[جارح العين]

ماقصرو الاخوان

[ثورة الشك]

بيض الله وجيهكم يالنشاما بس انا ابغى اجلس خمسه ايام ماهو يوم واحد علشان كذاء اسال عن مكاتب التاجير والشقق الطيبه