الارنب البلدي يهدون عليه لتعليم السلقه ولا لا

[خشف.]

السلام عليكم ورحمة الله وبركاته
عندي سلقه عمره سنه ابشركم علمتها الجرابيع وصادت بس ودي اعلمها على الارنب
هل افك لها ارنب بلدي لونه مثل البري ولا لا

والسلام عليكم

[qatar707]

يشرفني اني اول من اعقب على الموضع ياخوي فكها لها وخلها تصيدها بس اي لون ابيض ولا احمر وتقبل مروري.

[الشيرازي]

وسع صدرك ومايهم اللون العلم على حرارة سلقتك

[عاشق البسيتين]

الشباب ماقصرو

[راعي الهدبا99]

خلاص دام السلقه تعلمت الطرد ..ان شاء الله تهدها على طيور تطير..تهد عليها....ماهو شرط انك تهدها على ارنب..

[ابو تمام]

فيه ناس يبيعون ارانب برية يجيبونها من الجنوب تصلح تهد عليها الظاهر ان الجوز على 200 او اقل
احسن من البلدية البلدية ماتبعد وماتراوغ تركض شوي وتوقف

بحاول اشوف احد يبيع وارسل لك على الخاص

تقبل مروري يالغالي

[خشف.]

ابو تمام
راعي الهدبا 99
qatar707
قصيمي لق



يعطيكم العافيه وما قصرتوا وبيض الله وجهكم
وهديتها على ارنب بلدي وطرته ولقطته (كسرت ظهره وفكته ) وتجيه وهو متعور ونفس الحركه ذاله منه اذا طرته ولقطته وتعور تذل منه
هل الحل افك لها اكثر من ارنب اثنين ثلاثه ولا افكلها واحد بس مع وحده ما تذل منه اذا صادته وارتاح


وشاكرتعاونكم

[روحي شماليه]

هلا خشف

اخبارك ؟؟ علومك؟؟


اولا مايهم اللون بس فكها بالمزرعه خلها تسج يعني حوالي اسبوع

وبعدها هد لأن اذا جبتها من الشبك وعلى طول هديتها ماتركض كثير اذا ماوقفت تبي تركض شوي

وتاقف وواحد من العيال سو الطريقه هذي جرب بعد اسبوع هد عليها والله ياهي طيااااره

تقول انها بريه اتمنى اني افدتك والله يوفقك بسلقتك

[@قرناص@]

,,

الاخوان ماقصرو

,,

[راعي جدعان]

شف اقرب مزرعه على ماقالوا الشباب

واذا تبي بريه بالقصيم ولا الرياض القصيم سوق الخميس بالرس وببريده

واذا الرياض سوق ام الحمام حتى اللي ماتتوقعه تلقه

واتمنى اني افدتك

[طلو]

قد ما تقدر تفك لها فك لها خلها تحدم وتنفتن على الصيد

[اح ب2267]

فكله الارانب البلدي الحذر ولاعليك بتعلم

[الحرالنداوي]

كثر مهداتها يارجال فك لها الارانب قد ماتقدر ولو تهد معها سلقه طيبه افضل علشان تتعلم

[(القناص)]

كثر مهداتها يارجال فك لها الارانب قد ماتقدر ولو تهد معها سلقه طيبه افضل علشان تتعلم


كلام سليم ولا

[صقرالشعلان]

فكها خلها تتعلم وتحدم على الارنب وبعدها جيب ارنب بريه عشان تشوف وشلون صملتها مع التحيه

[صيدوبس]

فكها خله تتعلم عشان أتعرف شكل أرنب

[خياله الجدعا]

اخي العزيز السلوقي على الفطره اكلف ما عليك تعلمه يركب ويحول ويطرد الجر بوع كان السلوقي او السلقه راسه حار ابشر بل خير وكانه العكس شف السلاله اذا كانت سلاله اصل فخذ من عياله والله يطرح البركه تقبل مروري

[خشف.]

صقر الشعلان شاكر مرورك على الموضوع وما قصرت
القناص يعطيك العافيه
الحر النداوي شاكر مرورك
ا ح ب 2267 يعطيك العافيه على المرور
طلو شاكر مرورك وماقصرت

[خشف.]

راعي جدعان شاكر مرورك
قرناص يعطيك العافيه على المرور
روحي شماليه بخير والحمد لله وشاكر مرورك على الموضوع

[خشف.]

خيالة الجدعا شاكر مرورك
صيد وبس يعطيك العافيه وما قصرت

[نفاج]

فك له وخلها تتعلم وتكسب حراره

[المهاهر]

اخوي فك عادي

ومن ناحيه اللون لا مافيه اشكاليه

[راعي فجر]

ياهلا اخوي خشف والله يقويك

بالنسبه للبلدي اول كان يعلني اشري وافك لسلق ويركض كم ركضه ويخمر وتلقطه السلق ولا استفيد شي لا انا جرد السلق ولا انا علمتها الصيد والطرد

لكن لقيت طريقه وحلوه وتريحك اذا ماحصلت ارنب بري جب ارنب بلدي وحطة بمزرعه ولا استراحه وخله طلق اسبوع وبعدها خذه وفكه لسلق وانشاء الله يبي يبسطك وتعلم السلق

والاخوان ماقصرو وانشاء الله افدناك بارك الله فيك