الفغم
16/08/2008, 08:31 PM
مما قال هندوس بن لوذان في محمد بن زيد الفغم
وش علم ابن زيد عنّا وقفت أخباره = ومن أولٍ صاحبي ما تمرح إسبوره
من أولٍ يزعج الغاره ورى الغاره = وليا طلبناه هدنه يعلن الثوره
واليوم مدري وش اللي صار بفكاره = بيني وبينه ظروف الغيب مستوره
هو مادرى إني على شرواه مختاره = أعتز في سمعته وأعتز في شوره
ثاره لنا ثار ونّا ثارنا ثاره = أضيق من ضيقته وأستر بسروره
كانه بخل بالرسايل جيته إزياره = شريف قومٍ شرفهم ساطعن نوره
زيزومها سعود تاج الراس واشعاره = تفخر به أجيال ما لحقت على دوره
ارفع لأبو هايف الموضوع لي شاره = نسخه من الأصل مع نسخه من الصوره
الحر مثلك يعرف العلم بالشاره = والسالفه بيننا ما هيب مقصوره
فرد محمد بن زيد الفغم على هندوس بن لوذان
يا مرحبا عد ما بالكون وأسراره = عدة ليال السنه و أيام وشهوره
باللي جوابه يشوق القلب وأذكاره = رفيقي اللي علومه مالها جوره
أبو دغش بيّنٍ بيته كما القاره = مدهال ربعٍ من اهل الخير مذكوره
ليته مثل ما ذكر لي قام بزياره = وإلا دعاني وأنا با قوم و أزوره
مافيه من بيننا ما يوجب إنكاره = الحال من بعضها بالخير وشروره
باسوق لزيارته لو زارنا بشاره = لو هي ميادين مصر وكافة اقصوره
والعذر ماحدٍ ملا بطنه من أعذاره = الناس كلٍ برايه يبدي اشعوره
والرجل ما يدخل إلا يعرف مظهاره = وكلٍ على قد مقدرته ومقدوره
ما فيه من بيننا ما نخفي أسراره = كلٍ على قد معرفته وميسوره
ما أبخل على مثلك وشرواك بأشعاره = ولاهوب حقران ولاهي عنك مذخوره
أنته وأنا فزعةٍ وإن طال مشواره = اليوم واللي يجي واللي مضى عصوره
في ضف شيخٍ ليا من ثوّر اغباره = هو ظلنا كان جاء به برد وحروره
سعود بيتٍ رفيع إيظلل اجداره = مواقفه في نهار الضيق مشهوره
يدقم بنا شوكة اللي موقدٍ ناره = لَلاذ هرج السعه والنفس مقهوره
حنا ذوي عون باللقوات صبّاره = كم شيخ قومٍ دقمنا راس دنقوره
نرعا الخطر مانداري عنه وأخطاره = الناس تشهد لنا حيّه ومقبوره
عوجان بحقوقنا ما نطاوع أشواره = والناس بحقوقهم ماهيب محقوره
صلاة ربي عد ما هلت أمطاره = على شفيع أمته نهار محشوره
وش علم ابن زيد عنّا وقفت أخباره = ومن أولٍ صاحبي ما تمرح إسبوره
من أولٍ يزعج الغاره ورى الغاره = وليا طلبناه هدنه يعلن الثوره
واليوم مدري وش اللي صار بفكاره = بيني وبينه ظروف الغيب مستوره
هو مادرى إني على شرواه مختاره = أعتز في سمعته وأعتز في شوره
ثاره لنا ثار ونّا ثارنا ثاره = أضيق من ضيقته وأستر بسروره
كانه بخل بالرسايل جيته إزياره = شريف قومٍ شرفهم ساطعن نوره
زيزومها سعود تاج الراس واشعاره = تفخر به أجيال ما لحقت على دوره
ارفع لأبو هايف الموضوع لي شاره = نسخه من الأصل مع نسخه من الصوره
الحر مثلك يعرف العلم بالشاره = والسالفه بيننا ما هيب مقصوره
فرد محمد بن زيد الفغم على هندوس بن لوذان
يا مرحبا عد ما بالكون وأسراره = عدة ليال السنه و أيام وشهوره
باللي جوابه يشوق القلب وأذكاره = رفيقي اللي علومه مالها جوره
أبو دغش بيّنٍ بيته كما القاره = مدهال ربعٍ من اهل الخير مذكوره
ليته مثل ما ذكر لي قام بزياره = وإلا دعاني وأنا با قوم و أزوره
مافيه من بيننا ما يوجب إنكاره = الحال من بعضها بالخير وشروره
باسوق لزيارته لو زارنا بشاره = لو هي ميادين مصر وكافة اقصوره
والعذر ماحدٍ ملا بطنه من أعذاره = الناس كلٍ برايه يبدي اشعوره
والرجل ما يدخل إلا يعرف مظهاره = وكلٍ على قد مقدرته ومقدوره
ما فيه من بيننا ما نخفي أسراره = كلٍ على قد معرفته وميسوره
ما أبخل على مثلك وشرواك بأشعاره = ولاهوب حقران ولاهي عنك مذخوره
أنته وأنا فزعةٍ وإن طال مشواره = اليوم واللي يجي واللي مضى عصوره
في ضف شيخٍ ليا من ثوّر اغباره = هو ظلنا كان جاء به برد وحروره
سعود بيتٍ رفيع إيظلل اجداره = مواقفه في نهار الضيق مشهوره
يدقم بنا شوكة اللي موقدٍ ناره = لَلاذ هرج السعه والنفس مقهوره
حنا ذوي عون باللقوات صبّاره = كم شيخ قومٍ دقمنا راس دنقوره
نرعا الخطر مانداري عنه وأخطاره = الناس تشهد لنا حيّه ومقبوره
عوجان بحقوقنا ما نطاوع أشواره = والناس بحقوقهم ماهيب محقوره
صلاة ربي عد ما هلت أمطاره = على شفيع أمته نهار محشوره