هل الجارمن يصنع في اكثر من بلد وايهم افضل ضمان

[حيمود]

السلام عليكم

قررت اشتري قارمن ثري بلس :eek:

ووجدته عند دارمـ... (1250) وعند الرمــ...(بنفس السعر وعن البوصـــ.. (1050 ) :confused:
وقال لي راعي المحل الاخير ان جميع الاجهزة تايوانية ..والضمان سنة وغالياً هالاجهزة قوية وما للضمان دور فيها

اللحين ابي اسألكم

هل التفاوت في السعر له ما يبرره ..؟؟
وايهم افضل ضمان ..؟؟ واذا كانت شروط المنتدى تمنع التصريح ولو بالتلميح :D

[راعي عنيزة]

وعليكم السلام ورحمة الله وبركاته

الاجهزه طال عمرك كلها واحد وكلها تصنيع تايوان لكن الشركه امريكيه
وفرق السعر هذا مثل لا قالو لك نوكيا ضمان مشاعل الخليج ونوكيا ضمان محل :p
المحل يسده المكسب الشوي والوكيل لقمته كبيره ;)

وعلى ذمه راعي محل اخبر يقولي ان الوكيل صيانتة زينه اما المحل الاخير فماهنا صيانة على سنع والكلام ذا مبطي مدري كانهم تغيرو

عموما انا جربت جهازين وكلهن الحمدلله انتهت فترة الضمان وما احتاجن للصيانه
وترا السنه ماهنا اسرع منه تخلص وانت ابخص ;)



واقترح عليك اخوي ما تجزم على الثري بلص لانه جهاز قديم وذاكرته صغيره ما تتحمل الخرائط الكبيره وبطيء في الزوم

انا اقول شاور الربع هنيا بالاتركس او البلص 5

تراهن حول السعر وازين اجهزه ويخدمنك افضل

[السعلو]

ما قصر اخونا الرائع ( راعي عنيزة ) اللي من زمان مقاطعنا فقد افاد وجاد
فالشركة امريكية و المصنع في تايوان واضم صوتي لصوت الاخ راعي عنيزة في عدم شراء جهاز ثري بلس لأنه قديم وعليك بشراء الاجهزة الحديثة مثل الفايف ( النسخة المطورة للثري بلس ) او احد الاجهزة الحديثة .

اخي راعي عنيزة نور المنتدى بمشاركتك و الحمدلله على السلامة ومن طول الغيبات جاب الغنايم وعساك غانم .

اخوكم
السعلو

[راعي عنيزة]

تسلم وتدوم يا مشرفنا الغالي
وكان غاب اسمي عن المنتدى فانت ما غبت عن بالي ودايم اسئل عنك واحمل لك سلام مع ابو حماد :)
وتراي كل ما صرت وسط البر واستعملت خرايط الصحراء دعيت لك على ما خدمتنا به باغلى ما يتمناه المسلم ان يدخلك ربي الجنه
اللهم امين

[السعلو]

الله يجزاك خير على دعائك لي و اسأل الله العلي القدير ان يدخلك الجنة و يغفر لك ولوالديك و المسلمين اجمعين .

اخي الكريم / لقد افتقدناك كثيرا في المنتدى وهذا من باب الاشتياق لقلمك المميز و روحك المرحة فقد كانت تضفي على المنتدى الكثير من البهجة فلا تحرمنا لا حرمك الله من الجنة .

اخوك
السعلو

[حيمود]

السلام عليكم

اخوي راعي عنيزة

يا مال العافية , تسلم كفيت ووفيت..والله لا يحرمك اجر اخوك حيمود

:) والمحل الثاني .. شطب ;) على طول
و ابشرك النصيحة وصلت وردينا عليها بحبة خشم وكثير من الامتنان لكم

اخوي السعلو

لا حرمنا الله جهودك , مشكور وعلمك غانم والنصيحة وصلت وما قصرت

=======

زين اللي موضوعي جمعكم الاثنين ..اي والله ..كلي بركه :D :D

الله يجمعنا واياكم في محبته

سلاااااام