ماذا تفعل اذا اذا شبطك الطير

[صقار شياهين]

اخواني السلام عليكم ورحمة الله وبركاتة وبعد:
حبيت اشارك بموضوع بسيط يمكن افيد بعض الاخوان خصوصاً الصقارين الجدد اما المحترفين فهم ابخص مني .
اذا شبطك الطير بمخالبه لازم تفكه باسرع مايمكن لان مسكته مؤلمة جدا ومخالبه ممكن تسبب لك التهاب لاسمح الله ولذلك اتبع الآتي:
عليك بخنق الطير باليد الأخرى واذا كان ماسك الثنتين (خل واحد يفزعلك) من عند حلق الطير بقوة غير مفرطة عشان ماتضره وخلال خمس ثواني فقط سوف تجد الطير فاك يدك ويحاول يفك الخنق ولازم تكون منتبه مايمسك يدك اللي تستعملها في الخنق .والشي هذا ينطبق على الطيور المتماسكة ايضاً.
وآآسفين على الاطالة

[أبو أمين]

مشكوووور بس انا عندي طريقة اخرى اخذ نفس عميق وافك المخالب واحد واحد بشويش حتى الطير يتعلم ان هذا ماهو مكان للشبط وهذي طريقة مجربة وشكرا

[@قرناص@]

,,

اول مرهـ اسمع ها المعلومه

لاكن وش فايدة الدس..!!

,,

[أبو أمين]

,,



اول مرهـ اسمع ها المعلومه


لاكن وش فايدة الدس..!!



,,

الدس ماله شغل ياقرناص مثلا انت بتربط سبوق الطير بتكون لابس دس؟

[أبو طلال-نقوه]

السلام عليكم,
مشكووور عالمعلومه الهامه هذه و الله لا يجيب لها حاجه....:D

[نبع الدموع]

معلومة جيدة لاكن المصيبة هي المسح على وجة الطير الوحش اذا بتعودة
على المسح الوجة و المنحر :(

لا هنت

[وَسَام!]

اذا شبطك الطير افضل حل بدل ماتخنق طيرك وتروعه ارخ نفسك معه لين يرخي من نفسه لانك اذا حاولت تفك يدك بقوه يمسك بقوه اكثر وبالتالي انت تنرفز وتمحطبه اقرب جدار او قشعه!

[العيسمود]

مشكوووووووور

[أبوإبراهيم1]

اشكرك على هـــ الموضوع الجميل

اذا شبطك الطير افضل حل بدل ماتخنق طيرك وتروعه ارخ نفسك معه لين يرخي من نفسه لانك اذا حاولت تفك يدك بقوه يمسك بقوه اكثر وبالتالي انت تنرفز وتمحطبه اقرب جدار او قشعه!
هههههههههههههههههه
اضحكتني اصحك الله سنك ياوسام.

[فرخ الزاجل]

اخواني السلام عليكم ورحمة الله وبركاتة وبعد:
حبيت اشارك بموضوع بسيط يمكن افيد بعض الاخوان خصوصاً الصقارين الجدد اما المحترفين فهم ابخص مني .
اذا شبطك الطير بمخالبه لازم تفكه باسرع مايمكن لان مسكته مؤلمة جدا ومخالبه ممكن تسبب لك التهاب لاسمح الله ولذلك اتبع الآتي:
عليك بخنق الطير باليد الأخرى واذا كان ماسك الثنتين (خل واحد يفزعلك) من عند حلق الطير بقوة غير مفرطة عشان ماتضره وخلال خمس ثواني فقط سوف تجد الطير فاك يدك ويحاول يفك الخنق ولازم تكون منتبه مايمسك يدك اللي تستعملها في الخنق .والشي هذا ينطبق على الطيور المتماسكة ايضاً.
وآآسفين على الاطالة

السلام عليكم ورحمة الله وبركاته
أخي الفاضل احرص على أن يكون حولك علف للطير ويكون مخفي عن الطير
سواء كنت في السياره أو خارجها
وهذه تفكك من أمور كثيره منها مشابط الطيور ، تكليبة الطير بيدك أو بيد واحد من الربع ، برقعة الطير على عجل ، تركيد الطير بالموتر لإنتظار الربع ، التخفيف من الربشه اللي تحصل أثناء ايه ( يعني عود نفسك يكون كلش والم ) ولا تنسي خل معك زود برقع أو أثنين
حاول تجنب كل ما من شأنه ايذاء الطير من خنق أو ضرب أو الإقبال على الطير بسرعه خصوصاً عند إمساكه بصيدته لكونها سبب في ظهور الطبوع السيئه في الطير من صياح ونقل للعلف وكوشه
تقبل مروري واتمنى التوفيق للجميع

[قنيص غبر]

بحكم تجاربي الاليمه في هذا المواقف :( افضل حل هو انك تحجب الرؤيه عنه بغتره او شي .. خاصه اذا الطيور متشابكه ... اما سالفة الخنق ماتوصل لهالسالفه لنيه ان مسكته وخنقته مابفكه لين مايفك وبهالحاله الطير بيصبح صياح او بترد فيه الوحاشه .. وشكرا ..

[فرخ القرانيس]

مشكور ولله ماقصرت.

مشكوووور بس انا عندي طريقة اخرى اخذ نفس عميق وافك المخالب واحد واحد بشويش حتى الطير يتعلم ان هذا ماهو مكان للشبط وهذي طريقة مجربة وشكرا

هذي طريقة(ابو امين) حلوه بس من غيرحركه الطير مع الحركه يزود المسكه والطريقه الاولى تخرب طبع الطير والله اعلم
تقبل مروري

[صقار شياهين]

اشكر كل من شارك بالموضوع كلاً باسمه وبالنسبة لفك المخالب واحد واحد هذي الطريقة بطيئة واذا كان الممسوك طفل ماراح يتحمل بيتقطع قلب المسكين ماخلصتوه واذا الطيور متشابكة صعب جدا تفك مخالبها لانها قوية جدا ويمكن تكون متلوية على بعض ويمكن تكسر شي من اصابع الطير والارخاء يمكن يفيد في بعض الطيور والبعض ماعليه منك ترخي ولا ماترخي اما ان الخنق يروع الطير هذي ضرورة مره في العمر مهوب كل يوم يعني حالة استثنائية والطير يبي ينسى بعد ماتوريه العلف

[جارح العين]

ومن يجيه قلب يخنق طيره

[سلطان 1]

يالربع اليا شبطك الطير لها كذا حل بس على حسب الوضع اللي فيه الطير 0
يعني مثلا شبطك وانت تمسح على وجهه ونحره وانت في المجلس مالك الا انك تخنقه لين يفكك0
اما اذا شبطك وانت تعلفه حاول تسحب العلفه وارمها له بيفكك وبينزل للعلفه0
اما اذا تشابطن الطيور مالك الا الخنق 0
اما مسأله اني بفك مخلب مخلب ياخوي مخلاب الطير سم اول ما تونسه في كبدك خل عاد بحتري افك مخلب مخلب 0

[ذراع الذيب]

الله يعطيك العافيه..على الموضوع المفيد..والشكر لله ثم للجميع..

[صقار شياهين]

الاخوان الاعزاء اشكر مروركم ومشاركاتكم وبالنسبة للي يقول من يجيله قلب يخنق طيره اقوله المثل يقول مادون الحلق الا اليدين أيهما اهم انت او الطير اخوي راعي فاروق صح لسانك وكلامك درر وينم عن خبره عريضة بالصقور

[عزام070]

تراه يالربع مخلب طير مو ناب بعير للجوء للعنف ثبت يدك لاتحرك وبيفكك

[خلوي]

ألعرف السائد أنه اذا صادف وحقل عليك الطير, ولا تشابكة الطيور انك تخنقه حتى يفك الحقل, وهاذي الطريقه نستخدمها دايم, وخوي عزام لو أنك مجرب انه حاقل عليك شاهين كان عرفت أنه نفس ناب بعير :)

[abu.bandr]

والله لامنه مسك يدك تطلع روحك بس ارخ معه لين يجيك احد

[شنوان]

صراحه اذا الطير عزيز علي ما اقدر اخنقه
ابصبر لين يفكني لحاله والشكوى لله

[القطاوي 2008]

مشكورررررررررر على الموضوع

[لعّاب المنايا]

خله على راحته ولاتجيب يدك الثانيه وتفكه قم طالع فيه بس وهو شوي وبيرخي ,,

ولا قله فك وافك طبعا هو بيفك بس أنت انتبه تفك ,, هههه