تكفون ياأهل العلم ردو

[badwi]

اخواني اعضاء المنتدى الأعزاء ارجو منكم وكماعودتمونا على مساعدتكم لنا ان تجيبون لي على هذا السؤال وهو..... هل استطيع ان اعرف اذا كان قير سيارتي شد بلده او مغير ؟ وكيف ؟
لأني وضبته عند ترايستار الله لايوفقهم وخربو الدبل واشك انهم مغيرين القير
السيارة سوبرGMC الجميح
مع شكري وامتناني للجميع.

[عاشق السيل]

ترايستار ،،،،،،،،،،؟؟؟

أكبر حرامية ولايهونون شلنجر ،، واسأل مجرب عسى الله لايوفقهم !!

ومن ناحية القير والله ماعندي علم وصعب إنك تعرف لأنهم لو غيروه يبي يركبون واحد زيه مجدد من عندهم وطبعا قطع غيار تجارية ،، وإذا تبي نصيحتي انشب بحلوقهم وخلهم يصلحون الدبل ،، وانتبه تعتب عليهم ثاني مرة !!

والله يخلف عليك بخير وتقبل مروري يالغالي ......

[ناوي نيه]

وش خراااااب الدبل ....؟
لان انا مره فكيت القير وطبعا لازم الدبل ينفك ومنبعدها صار يطلع صوت شي يحكحك من الكفرات
القدام واذا لفيت وانا مشغل الدبل وفكيت الدعسه على طول توقف كني ضاغط بريك وانوااع التهريب في الدبل
لقيت جرم الدبل فيه كسر وينزل منه الزيت والصوفه الي بين الدبل والقير معفطه ومقطعه من تركيب الزيود وصلحته
على حسابي!!

[Magellan]

أخوي الكريم مثل ماقال عاشق السيل ترايستار شغل غالي على غير سنع ، فقط إنهم يعطون ضمان 6 أشهر
كلتشات جي ام أصليه بـ700 ريال وفك وتركيب بـ1400 ريال وكل الشغلى 2100 ريال
وعادة السيارات الأمريكية التوضيب بين 1800 إلى 2500 ريال ، بس ترايستار يصفق 4500 ريال علشان الدعاية
ومثله شالنجر وجيركو ،،،
بالنسبة للسيارات الأمريكية وبالذات الجي ام تجد رقم الهيكل محفور في كثير من أجزاء السيارة
على الشاسي ، حزام الأمان ، المراتب، القير، المكينة ووو
لكن تسألني وين محله أقولك الله أعلم ،هذا أقصى علمي فيه إنك تقدر تميز القير لسيارتك عن غيره

[الكظيمة]

الله لا يوفقهم ترايستار..
وظبت عندهم قير اكسبلورر .. ومن طلعته و الموتر مب طبيعي..
لا و ضمانهم صوره.. أنا رجعت أكثر من مرة بعد التوظيب بخصوص القير ما يريح بالنمره الأولى إلى بعد ما ياصل الضغط 2.5.. و نفس النتيجة.. لا ويقولون لي ذا طبيعي..
و في النهاية سنة و خبط القير..
نصيحة لك.. فترة الضمان الست شهور.. أشغلهم فيها.. راجع بسيارتك على أدنى سبب..
موفق ان شاء الله..

[badwi]

الأخوة الأعزاء عاشق السيل و ناوي نيه وماجلان والكظيمة اشكركم على ردودكم وارجو من الله ان لايحدكم على مثل هؤلاء النصابين.

[لن أمل من العطاء]

اعتقد واكاد اجزم

ان كل سيارة تصنع يكون من الشروط في صناعتها
وجود رقم يميز المحرك ويميز الجيربوكس

وهو لا يشبه رقم الشاص وانما يكون يختلف وخاناته اقل لا تتعدى اعتقد 10 خانات

لا بد يتطابق رقم المحرك مع رقم الجيربوكس اذا اختلفت يعني تغير

امر اخر هو
السيارة انت مطلعها وكالة لانه يمكن اللي قبلك كان مغير الجير

امر اخير الارقام هذي لا بد ان تكون واضحة ولا تستدعي فك اي قطعه منم المحرك او الجيربوكس

نسيت اقولك
بامكانك تطلب المساعدة من الجميح في تحديد المكام بالظبط وايضا ارقم الخاص بسيارتك عن طريق رقم الشاص


اخوك


لن امل من العطاء

[سوبر VTC]

على طاري النصب و الاحتيال هذا واحد من الربع

خرب عليه القير طبعا جمس و دخله ورشه حراميه

و غيروله كلتشات من الى مع شغل اليد ب3500 ريال

المراد دري بهالسالفة رجال اجودي متخصص بالامريكي

و قال و الله ان هالموتر ما يكلف الا 300 ريال يقصد

الخراب من الهلال اللي يعشق النمر و يقول قيمته

300 ريال فقط

[talsel]

بالضبط مثل ماقال الاخ (لن امل من العطاء) الرقم منقوش محفور حفر بالحديد على القير والمكينة ومكانه بالضبط بالجهة اليسرى من ناحية فلتر الزيت لما تلتقي المكينة والقير مع بعض على حافة القير والمكينة تلقى اخر ارقام الهيكل من اليمين مكررة يعني اربع طعش خانة خلهم خذ منهم السيعة او الستة من اليمين ارقام فقط بس لازم تكون القير والمكينة شد بلد ماغيرت ابد وهذة ميزة للGM تلقىالارقام الاخيرة من الشاص مكررة على المكينة والقير
Standardized 17 digit VIN ExplinationPosition DescriptionCode1Country the car was manufactured in1 = USA2Corporation that built the carG = GM3Make of the car1 = Chevrolet4Car line or seriesY = Y-body series5Additional information about the VetteUsually a Y but a Z = ZR16Body style1 = two door coupe
3 = convertible7Restraint system3 = late model seat belts warning and air bags8Engine type8 = L98, P = LT1, J = ZR1, 5 = LT49Randomly generated check digit0 - 910Model year GM decided to give the carB = 1981, C = 1982, D = 1983, E = 1984, F = 1985, G = 1986
H = 1987, J = 1988, K = 1989, L = 1990, M = 1991, N = 1992
P = 1993, R = 1994, S = 1995, T = 1996, V = 1997, W = 1998
X = 1999, Y = 2000, 1 = 2001, 2 = 2002, 3 = 2003, 4 = 2004
5 = 2005, 6 = 2006, 7 = 2007, 8 = 200811Assembly plant or location5 = Bowling Green12 to 17Production sequence numberExample: 800001 = ZR1

[BADER506]

الله يعينك

الوكاد الله يسلمك القير له رقم

شف لك اقرب محل كمبيوتر ويظهر لك الرقم
وعقب رح للوكاله واسحب رقم القير حق وكالته (القديم)طبعا يكون مسجل عندهم بناءا على رقم الشاصي

[talsel]

http://shbox.com/1/block_vin.jpg

هذا اللي اتكلم عنه طبعا في الكابرس 96 والكمارو والجمس طبعا لكل خانة معنى

[badwi]

اخواني الأعزاء الذين تكرموا بالرد والتجاوب اشكركم شكرا" جزيلا على ما اتحفتموني به جعله الله في موازين حسناتكم