((أبو أسامة))
19/08/2008, 04:12 AM
بالنسبة لسحابة الأوسط فلعل اخي السمحان أوفى بها في تقريره ولكن قد يحب البعض التفاصيل من أشخاص بعينهم وبطريقة خاصة
خرجت الساعة 2ونصف
واذا بالنشو يتفتل ويتركز
قلت والله لو انك بالمراويح كان قلنا اليوم الطيرة
ولكن القيظ خذ وخل وما على الله بعزيز
قبل صلاة العصر أشاهد خيال مظلم جهة الغرب لايخلو من مطر
قلت خله بعد الصلاة لعله يقوى ويتبين أكثر
المهم السمحان بعد الصلاة يتصل يقول أشوف هملول اخيله على القدية يمشي الشارع وأبوالشارع
قلت يعني غرقة يعني طوفان قال مع السلامة باروح مع ولد حارتنا
قلت له أشوف سدوة من شرق وتحتها قطع ولكن معها نفيل
وكنت بوسط الرياض
قلت أنا واراكم نروح نشوف هملولك العظيم !!! ترا امزح
وصلنا تفتيش القدية وكانت السحابة صغيرة جدا ومطرها الجيد متمركز على كبينة العسكر.......يعني انبسطوا من الفرحة في عز القيظ وهم مستلمين ما يحتاج يسافرون
مش معقول انك تصورهم .......ياثعل البرد .......بكرة تجي تكفلني والا تقول : السجن للرجال ...ههههه
وكنت اتلقى رسائل من اسطورة المراسلين سحابة بردية عن امطار غزيرة طريق الخرج حضرها رعد الحوطة المبدع
قلت ياولد ابدهاش طريق الخرج طريق الخرج لكن ابو زيد معه واحدن
يجرجره ماله في السحاب يقوله الغرق الغرق .....هههه
الرجال راح فيها
المشكلة انه مدير مدرسة
والله الورطة لا ومعه مبزرتن كل شوي بابا نبي الحمام ............. والله حالة
طريق الخرج طايرين
وابو رويس يطرد له سحابة متواصلن معنا يقول يشوف سحابة طيبة جهة الأوسط
ومعها عجة عظيمة
وش الراي ....... ابو العيال خذ عياله وشو عقبه اقبل المغرب يعني افلسنا من طريق الخرج
والعجة اقبلت وغطت الجبال........ سنها سحابة
يعني تلحق سحاب قيظ يابو أسامة وانت رويان من سيل خميس مشيط والله الطمع ............ اركد ارقد
دخلنا وسط الرياض وصلينا المغرب
بعد الصلاة رسالة من راعي المقانيص ابو عبدالعزيز بن ضويان العضو كحيل
الأوسط سيل قبل المغرب
من زمان ما اتصلت عليه وش الدبرة
اثره
هو يبيني ادق مشان استفسر واخاويه
الو ابو عبد العزيز وش العلم؟
قال دقوا عليّ القرينية من الأوسط يقولون سيل
المهم خوي قلت قدام ترا الريوس فاصله من زمان
مشينا وصلينا العشاء بالهجرة
واجهنا ريس المركز وبن ضويان يعرفه وش العلم
قال ابد سحابة اسمع رعدها العصر وانا في البيت ويقولون العيال انها سيل
والله الغبنة احدن يطرد السحاب واحدن يطرده السحاب
نصينا علي القريني الشاب الشقردي
قلنا ندش نعس
قال الله الله بتنبسطون
قلنا ليل وغرابيل
الليل عينه ضيقة
قال هذي ديرتنا ومسمعينها تسميع
حصاة حصاة
قلت اهل مكة ادرى بشعابها يا علي
قلنا يالله ياعلي
شوي عند المخيم ماهنا شي يابسة الارض
ندش المطاليع الزينة بالأوسط نفود ومرخ ورمث وحمض وبطحاء وحزوم وضليعات يازينه زيناه
شوي يتغير الجو فجاة رطوبة عالية وندى يازين ريحة المطر لو تشرى بأغلى الأثمان
آثار الشعيبات واضحة الجبال مصبصبة الطين منقع النفود رويانة يمين يسار ما شاء الله أثرها واسع
ياولد الجيب يتمشى على النفود
ولله الحمد انها ليلة قمرا
امنية كنت اتمناها بالجنوب اني اوصل الرياض واكشت بليلة قمرية مع عيالن شقردية
وننصى راس الطويلة عريقن يحبه قلبك واضبط لهم ذيك القهيوة والشويهي والشابورة والقدوع والشبس وبسكوت شاهي وكيكة نحول هههه
ونتسامر بأحسن الحديث في جو اخوي زيّنه جوٌّ مطريّ
ونتلامح بعض البروق المتكاشحة جهة الجنوب ولكنها خفيفة جدا
ونعود فرحين بآثار رحمة الله حينما ينشرها على عباده وان كنا من قلبها لمبلسن
نلاحظ أن فرش الشعيبات من الرمال العطشى التي لا يرويها إلا وقع السحاب
شعيب الدهو مشى بمسافة كيلو
http://www.mekshat.com/pix/upload02/images77/mk14779_1.jpg
http://www.mekshat.com/pix/upload02/images77/mk14779_11.jpg
قد نحصل على بعض الصور النهارية للسيل أو بعض المقاطع من أبناء هجرة الأوسط القرينية
خرجت الساعة 2ونصف
واذا بالنشو يتفتل ويتركز
قلت والله لو انك بالمراويح كان قلنا اليوم الطيرة
ولكن القيظ خذ وخل وما على الله بعزيز
قبل صلاة العصر أشاهد خيال مظلم جهة الغرب لايخلو من مطر
قلت خله بعد الصلاة لعله يقوى ويتبين أكثر
المهم السمحان بعد الصلاة يتصل يقول أشوف هملول اخيله على القدية يمشي الشارع وأبوالشارع
قلت يعني غرقة يعني طوفان قال مع السلامة باروح مع ولد حارتنا
قلت له أشوف سدوة من شرق وتحتها قطع ولكن معها نفيل
وكنت بوسط الرياض
قلت أنا واراكم نروح نشوف هملولك العظيم !!! ترا امزح
وصلنا تفتيش القدية وكانت السحابة صغيرة جدا ومطرها الجيد متمركز على كبينة العسكر.......يعني انبسطوا من الفرحة في عز القيظ وهم مستلمين ما يحتاج يسافرون
مش معقول انك تصورهم .......ياثعل البرد .......بكرة تجي تكفلني والا تقول : السجن للرجال ...ههههه
وكنت اتلقى رسائل من اسطورة المراسلين سحابة بردية عن امطار غزيرة طريق الخرج حضرها رعد الحوطة المبدع
قلت ياولد ابدهاش طريق الخرج طريق الخرج لكن ابو زيد معه واحدن
يجرجره ماله في السحاب يقوله الغرق الغرق .....هههه
الرجال راح فيها
المشكلة انه مدير مدرسة
والله الورطة لا ومعه مبزرتن كل شوي بابا نبي الحمام ............. والله حالة
طريق الخرج طايرين
وابو رويس يطرد له سحابة متواصلن معنا يقول يشوف سحابة طيبة جهة الأوسط
ومعها عجة عظيمة
وش الراي ....... ابو العيال خذ عياله وشو عقبه اقبل المغرب يعني افلسنا من طريق الخرج
والعجة اقبلت وغطت الجبال........ سنها سحابة
يعني تلحق سحاب قيظ يابو أسامة وانت رويان من سيل خميس مشيط والله الطمع ............ اركد ارقد
دخلنا وسط الرياض وصلينا المغرب
بعد الصلاة رسالة من راعي المقانيص ابو عبدالعزيز بن ضويان العضو كحيل
الأوسط سيل قبل المغرب
من زمان ما اتصلت عليه وش الدبرة
اثره
هو يبيني ادق مشان استفسر واخاويه
الو ابو عبد العزيز وش العلم؟
قال دقوا عليّ القرينية من الأوسط يقولون سيل
المهم خوي قلت قدام ترا الريوس فاصله من زمان
مشينا وصلينا العشاء بالهجرة
واجهنا ريس المركز وبن ضويان يعرفه وش العلم
قال ابد سحابة اسمع رعدها العصر وانا في البيت ويقولون العيال انها سيل
والله الغبنة احدن يطرد السحاب واحدن يطرده السحاب
نصينا علي القريني الشاب الشقردي
قلنا ندش نعس
قال الله الله بتنبسطون
قلنا ليل وغرابيل
الليل عينه ضيقة
قال هذي ديرتنا ومسمعينها تسميع
حصاة حصاة
قلت اهل مكة ادرى بشعابها يا علي
قلنا يالله ياعلي
شوي عند المخيم ماهنا شي يابسة الارض
ندش المطاليع الزينة بالأوسط نفود ومرخ ورمث وحمض وبطحاء وحزوم وضليعات يازينه زيناه
شوي يتغير الجو فجاة رطوبة عالية وندى يازين ريحة المطر لو تشرى بأغلى الأثمان
آثار الشعيبات واضحة الجبال مصبصبة الطين منقع النفود رويانة يمين يسار ما شاء الله أثرها واسع
ياولد الجيب يتمشى على النفود
ولله الحمد انها ليلة قمرا
امنية كنت اتمناها بالجنوب اني اوصل الرياض واكشت بليلة قمرية مع عيالن شقردية
وننصى راس الطويلة عريقن يحبه قلبك واضبط لهم ذيك القهيوة والشويهي والشابورة والقدوع والشبس وبسكوت شاهي وكيكة نحول هههه
ونتسامر بأحسن الحديث في جو اخوي زيّنه جوٌّ مطريّ
ونتلامح بعض البروق المتكاشحة جهة الجنوب ولكنها خفيفة جدا
ونعود فرحين بآثار رحمة الله حينما ينشرها على عباده وان كنا من قلبها لمبلسن
نلاحظ أن فرش الشعيبات من الرمال العطشى التي لا يرويها إلا وقع السحاب
شعيب الدهو مشى بمسافة كيلو
http://www.mekshat.com/pix/upload02/images77/mk14779_1.jpg
http://www.mekshat.com/pix/upload02/images77/mk14779_11.jpg
قد نحصل على بعض الصور النهارية للسيل أو بعض المقاطع من أبناء هجرة الأوسط القرينية