مزون و سوالف

[نبع الدموع]

السلام عليكم و رحمة الله وبركاتة

صبحكم / مساكم الله بالخير
كيف الحال ان شاء الله الجميع بخير

هالموضوع بغيت اكتب فية بعض القصص المضحكة في المقناص و معا الطيور
و كل واحد عندة سالفة غريبة يحطها نبي نرطب جو خيمة الصيد بالصقور بعد
العج الي جاها في الايام الماضية.

قبل البارح كنت في مستشفى الدكتور فارس التميمي افحص واحد من الطيور عقب
الربطة المهم طلعت من المستشفى و رحت لمحل ابي اغير برقع الطير يوم جيت
المحل ولا بظهر الباكستاني تلاويح واجد و الطير مجوع
المهم عطيت البايع ظهر الطير و فرعت عنة و خذيتلي برقع ابي ابرقع الطير
ولا شوي و كان الطير شاف شئ
ابي ابرقع يمين يسار و هوا يقول لا
انا: يا ابن الحلال يهديك يرضيك
الطير: تبطي عظم
انا: طلبتك
الطير: اطلب غيرها
:D
و الطير ما غير يطلع
المهم يوم التفت وراي ولا فية خرب و دجاجة و زوج كراوين محنطين و الطير طالبهم
:j
ما ودي اكمل وش صار بعدين
هههههههههههههههههههههههههههههههه
للمعلومية الطير مجوع ثلاث ايام
:D
اخر السالفة اني و لله الحمد قدرت ابرقع الطير بعد ربع ساعة فقط

ما يستفاد من الموضوع: 1 ) لا تجوع الطير و تحاول تطرح الي في راسة و خلة
هوا يطرح الي في راسك
2 ) لا تحاول تغير برقع الطير في محل ابد او على الاقل شيك على المحل اذا
ان فية ملاويح او محنطات
3 ) اذا قلت لاحد خلنا نغير برقع الطير و قالك لا خذلك مسدس و كاتم صوت
و لا تاخذك فية رحمة (ما اقصد العجمي) :D

لا هنتم

[أبو أمين]

ههههههههههههههههههههههههه
مشكووور على الموضوع وانا من السوالف المضحكة الي حصلت معي كانت عندي شهانه ايرانيه وكنت نفس الحالة ابغى اغير البرقع بس ماكنت لابس شماغ ويوم ابلجت عنها والا هي تحسب راسي وكر وتكفخ من يدي وتضربني على عيني هههههههههههه الحمد لله ماصار شئ بس سوتلي خدش من اعلى الحاجب الى اسفل العين بشوي وصار شكلي يروع تقول واحد من القراصنه ومشكووووووووور

[الوافي4482]

الله يعطيك العافيه بس الطير يطلب المحنط

[الطبشي]

الله يعطيك العافيه على السالفه الي فيها الشي الكثير با النسبه لي ....ان المحلات فتحت واكثر الطيور انقلت وعسى الله يرزقنا الصيد ....

[لعّاب المنايا]

الله لا يهينك يابو بدر والله الطير مايشوف شي والدعوه فيها طلبات
والله ةإنك حبيب انت بعد له 3 ايام ومفرع له عند محنطات والله إنك طيب بس لازم تقول لنا المستخبي ,,

المهم هذي سالفه صارت لي بواحد من طيوري إسمه مسعور كلمني رجال وقالي عندي طير وأبغاك تجيني بمحلي تشوفه المهم رحت ومعي طيري كنت أبروح للمدعى ولا امداني قلت اعشيه لارحت للبيت وكنت قبلها بيوم
منسره بس ماعطيته علف كامل ,, وصلت الرجال المهم حطيت الطير عنده بالمجلس وجنبه كذا طير واغلبها شواهين ,, طلعت انا والرجال أذن العشاء وقفل محله صلينا ورجعنا لقيناه المجرم وهو مبرقع كافتله شيهانه ومذكيها وبيدأ بالثنادي ,, وشف وجهي عند الرجال الله لايوريك ,, هذا اللي يعود يعلف طيره ببرقعه ,,ودفعت قيمتها والرجال حلف علي واهديته طير من عندي وهو يستاااهل ,,

[راعي شلهوب]

ههههه مشكور على السالفه الزينه
الطيور قلوبها حيه ماتقول الا اوادم تزعل وترضى

[@قرناص@]

,,

ههههههههههههه

سوالفكم.. ماشاء الله زادت الرطوبه ..

رآجع لكم بسآلفه ان شاء الله..

,,

[جارح العين]

بس تصدق جبت شي جديد
(( اعتقد تقدر تعلم الطير على الحبارى المحنطه )) وش رايكم
ويعطيك العافيه عالطرح

[وَسَام!]

ياليتني حولك ولاقطك بكم صوره يابو بدر ؟
كان على طول تفرجوا ياللي مادريتوا!

[ذراع الذيب]

تسلم يمينك..على طرح الموضوع..

[قلب شاهين]

ههههههه زانتك علومك يابو بدر ،،

ومشكوور على الموضوع وهيضتنا بيض الله وجهك ،،

والسوالف كثيره فيها الزين وفيها الشين :)

لاهنت وبارك الله فيك ،،

تحياتي / قلب شاهين ،،

[نبع الدموع]

ابو امين: يعطيك الف عافية على مرورك و الحمد لله على السلامة و الله اني ما اخاف
من شئ يسوية الطير مثل اذية العين. الله يكفينا و يكفي المسلمين شرة
فليج: حياك الله اخوي اذا ان الطير يجي على الملواح اكيد بيجي على المحنطة
و الجوع اعمى.
الطبشي: اسعدني مرورك اخوي و الله يجيب الوسم على خير
لعاب المنايا: يعطيك الف عافية على القصة يابو راشد و السالفة اني كنت في المحل
بالحالي مافي زباين و الطير ما غير مكافخ و انا خايف علية لانة يسوق في الموس
و كل ما جاء احد يبي يدخل المحل و شافنا نتعافر انا و الطير وقف برة لين صارت
سينما ههههههههههههههههه
و بالنسبة لمسعور هذا لو اني مكانك كان خذيتلي ابرة و امليتها هوا و حطيتها في
اجل فخذ عز الله انة يفشل هههههههههههههه
راعي شلهوب: شرفني مرورك اخوي ولا عدمناهـ ان شاء الله.
@قرناص@: حياك الله و ننتظر سالفتك
جارح العين: شرفني مرورك, و الفكرة في راسي و الله اني نشدت راعي المحل اذا
انة يبيع المحنطات مفرقة ابي الخرب لاكنة قال البيعة للجميع سوى و مغليها شويتين
وسام: حياك الله يابو صالح بغيت انشدك عن قيمة المثلوث؟ علمت احد عنها ولا تبيلك
احد يعلم عن سعرة؟
ذراع الذيب: تسلم يمينك انت على مرورك الي شرفني و اسعدني لا عدمتك ولا مرورك
قلب شاهين: لا هنت اخوي و مرورك شرفني يالذيب و اسعدني و ننتظر سوالفك خلي
المواسي تتم على خير :)

لا هنتم جميع