قلب ذيب
19/08/2008, 12:56 PM
اسعد الله اوقاتكم بكل خير .
- - كنا قانصين ( غرب مصر ) جنوب مطروح في قاع يقال لها (حباطه) ارض يمتد فيها الحماد تتخلله بعض الرياض ذات البحرات ويحيط باطرافها شجر الشيح . كنا مجموعه من السيارات وعندنا طيور طلع .
- - المهم اطلع طير واحد من الجماعه , ولزم . وهد الطير , خفينا السرعه وتجمعنا , قام الطير يرتفع وقمنا نسوق خلفه , بعد دقايق واذا بالحبارى مرتفعه فوق والطير يرتفع خلافها ! قامت الحبارى ترتفع والطير وراها
لاكثر من 4 كيلو , الطير مكانه والحبارى مكانها والمسافه بينهن ماتغيرت .
- - كان عندنا بكر حرار مشترينه من الكويت , ومواسه عدها ماصكت , ننتظر صكوك امواسه حتى نعلمه اذا ماهو يعرف الحبارى . . . المهم خويي وانا اسوق طلع ( البتاويه ) وانحرف على الطيور على المقعد الخلفي واخذ الطير الكويتي , وقطع سببوقه بالسكين ,ولاطالعت الاوهو كاشف عنه ويرويه الحبارى !؟
قلت له : اشقومك انت صاحي تقطع سبوق الطير , وهو ماندري وش علومه وموسه عده ماصك ! وبيتشابك مع الطير الثاني !
مارد علي . . . وشوي والاهو ينزل القزازه ويعطيه سبوقه ! استدار الطير وقام يرقى . . وبعد دقايق لحق القرناس وتعداه . . .وادرك الحبارى واعتلاها !
نادى واحد من الربع : ياجماعه طيرنا معه طير . . حد هد والا هذا وحش !؟
انا مارديت وخويي مارد . . المهم نزلت الحبارى وجاء البكر ووقع حذاها ماقربها لأن امواسه عدها ماكملت .
- - وصل القرناس وخم الحبارى , والبكر يناضره ! وصلنا وخذينا الحبارى من القرناس وحفناها للبكر.
والا الربع واصلين قالوا : وشذا الطير ؟
قلنا: البكر الكويتي !
قالوا : مش معقول بس هذا مجهول وامواسه بعد ماصكت !
قلنا : هذا اللي صار .
بعد مايبس امواسه قنص وصاد ثنتين , وكان من اغلى الطيور عندنا .
تقديري .
- - كنا قانصين ( غرب مصر ) جنوب مطروح في قاع يقال لها (حباطه) ارض يمتد فيها الحماد تتخلله بعض الرياض ذات البحرات ويحيط باطرافها شجر الشيح . كنا مجموعه من السيارات وعندنا طيور طلع .
- - المهم اطلع طير واحد من الجماعه , ولزم . وهد الطير , خفينا السرعه وتجمعنا , قام الطير يرتفع وقمنا نسوق خلفه , بعد دقايق واذا بالحبارى مرتفعه فوق والطير يرتفع خلافها ! قامت الحبارى ترتفع والطير وراها
لاكثر من 4 كيلو , الطير مكانه والحبارى مكانها والمسافه بينهن ماتغيرت .
- - كان عندنا بكر حرار مشترينه من الكويت , ومواسه عدها ماصكت , ننتظر صكوك امواسه حتى نعلمه اذا ماهو يعرف الحبارى . . . المهم خويي وانا اسوق طلع ( البتاويه ) وانحرف على الطيور على المقعد الخلفي واخذ الطير الكويتي , وقطع سببوقه بالسكين ,ولاطالعت الاوهو كاشف عنه ويرويه الحبارى !؟
قلت له : اشقومك انت صاحي تقطع سبوق الطير , وهو ماندري وش علومه وموسه عده ماصك ! وبيتشابك مع الطير الثاني !
مارد علي . . . وشوي والاهو ينزل القزازه ويعطيه سبوقه ! استدار الطير وقام يرقى . . وبعد دقايق لحق القرناس وتعداه . . .وادرك الحبارى واعتلاها !
نادى واحد من الربع : ياجماعه طيرنا معه طير . . حد هد والا هذا وحش !؟
انا مارديت وخويي مارد . . المهم نزلت الحبارى وجاء البكر ووقع حذاها ماقربها لأن امواسه عدها ماكملت .
- - وصل القرناس وخم الحبارى , والبكر يناضره ! وصلنا وخذينا الحبارى من القرناس وحفناها للبكر.
والا الربع واصلين قالوا : وشذا الطير ؟
قلنا: البكر الكويتي !
قالوا : مش معقول بس هذا مجهول وامواسه بعد ماصكت !
قلنا : هذا اللي صار .
بعد مايبس امواسه قنص وصاد ثنتين , وكان من اغلى الطيور عندنا .
تقديري .