الاتصال في البائع باوقات متاخره من الليل

[فهد الميموني]

اخواني الافاضل كثير من الصقاقير متضايق جداً جداً
من اوقات الاتصال عليه للأستفسار عن الطير في اوقات متأخره من الليل(بعد 12)
او في اوقات الظهيره فأحب انوه اخواني الصقاقير للألتزام بأوقات مناسبه
مثل الضحى او بعد صلاة العصر حتى 11 ليلاً والله يوفق الجميع :no2:

[اعقاب]

عز الله انك صدقت يخوي

[لعّاب المنايا]

والله إنك صادق يافهد ,,

مادري بعضهم من كثر ماهو متحمس وبسالفه آخر الليل بالاستراحه ويذكر له الطير ,,

مايعرف الوقت يروح ويدق على راعي الطير والا راعي المربط ويقول وش علومه وكم سيم ,,

كل ذا خوف إن الطير ما احد يآخذه وبالنهايه ما يشتريه ,,

بيض الله وجهك ونقطه جدا جدا جدا مهمه ,,

[الطبشي]

والله انك صادق ......الله لايهينك

[فداع]

هههههههههههههههههههههههههههه المعناه مع الكل

[راعي شلهوب]

والله انك صادق لكن الحمد لله ماحصلي ذا الموقف
لكن تخيل انك تقوم من عز النوم لي واحد داق الساعه وحده باليل وانت متروع
وحالتك حاله وهو يسأل بكم سيم الطير و لا كم حدك موضوعك جبته على الجرح

[جارح العين]

هههه صدقتو والله
لاكن الي يحط رقمه يتحمل

[صقااارالدمام]

الله إنك صادق لاكن الله يعين تقبل مروري

[@قرناص@]

,,

والله كلامـ,, سليم100%

الوآحد لابد يكلم الرجال او البائع بآقوات معينه..

,,

[خيال الصبحا]

الاخ فهد الميموني
جزاك الله خير ، وان شاء
الله ابو رداد يحط رابط لهالموضوع
مع المواضيع الي لها علاقة بالبيع والشراء
وبخصوص هالشيء الحمد لله ماصار لي ولا سويته
وانا من الناس إذا جيت انام احول جوالي على موجود واحطه
صامت وكبر المخدة هههههههه(الصباح رباح)، وشكرًا

[KAYD]

والله إنك صادق
الله يعين راعي المربط وأفضل حل يطلع جوال جديد ويخليه للاستفسارات والمبايعات ويقفله متى مايبي

[راعي مطروح]

عز الله انك صادق

[العمراني]

ههههههههههههههههههههههههههههههههههه
شكلهم مقلقين راحتك وهم يتصلوون
مشكووور بس ارسل رقمك على الخاص على شان اسميه اتصل وانا رايق

[العيسمود]

مشكور وجزاك الله خير على التنبيه
ولو يحدد البايع اوقات الاتصال يكون افضل يمكن البعض ماعنده مشكله فى اي وقت على الخط

[فهد الميموني]

اشكر الجميع على مرورهم الكريم كلن بسمه فرداً فردا والله يوفقكم

[القبقب]

المفروض اذا الواحد يحط رقمه يحط معاه الاوقات الى تناسبه .

[ابو محمد2007]

الله يجزاك خير وماقصرت على التنبيه الجميل

[أبو رداد]

السلام عليكم ورحمة الله وبركاته
الاتصال في اوقات متاخره مخالف للذوق العام ...
والصحيح هو تحديد فترة الاتصال عند كتابة رقم الجوال
بما يتلائم وظروف صاحب الموضوع او البائع
نثبت الموضوع اسبوع
وبعد ذلك نضع له رابط مع مواضيع البيع والشراء
مشكور يفهد على هذه الملاحظه

[شبراق]

بيض الله وجهك عزالله انك صادق

[ســـــــنافي]

بيض الله وجهك

[سيف الظفير]

جوال ثاني بـ 100 ريال وانت تحدد عمل هذا الجوال وبالاوقات الخاصة قفل هذا الجوال وارتاح

[بوخالد الكعبي]

اعتقد انه من الافضل عدم الاتصال في الاوقات المتاخر

يمكن الرجال مب عزابي ومتزوج مايجوز اتدق عليه بالليل !!!

والاحترام واجب قبل كل شي وهذه هي سلوم العرب

[alsaqar]

جزاك الله خير

[أبوعبدالله..]

مشكووور كلام سليم ...

[عبدالله الضويان]

والله ياخوي انا من رايي ان اللي يحط جواله يتحمل اي اتصال يجيه لو الفجر
واذا كان نايم ياخوي يقفل جواله لا يشغله والا يحطه صامت
لان لاحظ الناس وقتها مهب واحد ولاهوب كل الاعضا عندك في الخليج
لذلك مهب ضاره الي قفله والا يتحمل ولا يشتكى من الازعاج
اللي يشتكي اللي يحط رقم بيته مهب جواله