ارجوا الأجابه على هذه الأسئله؟

[مسسساعد]

السلام عليكم
مساكم الله بلخير.وش حال كل بسمه؟
انا توني داخل المنتدى وعندي بعض الاسئله....؟
1/المقناص خارج السعوديه وش الاجراءات اللي اسويها؟
2/لو بغيت ادخل طيور من برا السعوديه وش الاجراءات؟

من كان عنده خبر او يعرف احد عنده خبر لايقصر...

الله لايهينكم على كل حال..........

[الطبشي]

يفيدونك اهل الخبره انشاء الله ......................

[أبو أمين]

ان شاء الله يفيدوك الأخوان

[مسسساعد]

لاهنتوا و ماقصرتوا.........

[راعي مطروح]

يفيدونك الاخوان لكن اللي معروف في ذا الوقت كل شي تهريب والربع مايقصرون

[العمراني]

يا اخووي الي اعرف الطيور بطلوو يدخلونها والي يبي يهربها حكمهاا يعادل حكم التهريب الخمور والمخدرات الي اعرفه وهاذا كلام واحد من الي شغالين بل الجمرك
اما المقناص خار المملكه سواء بمصر ولا السودان نسق مع واحد من اهل مصر ولا سوداني من اهل الديار البريه ومصر تاخذ جيبك معك بل العباره اما السودان الله واعلم تستئجر سياره من هناك وهاذا الي عندي
تقبل مرووري

[جارح العين]

يفيدونك الاخوان انشاء الله

[stewrd]

اخوي بالنسبه لاستيراد هذا حلم ابليس بالجنه الا بالتهريب وهذا مشاكله كثيره
اما بالنسبه لمقناص الخارج فاتمنى اذا انت رايح تحسب حسابي ولك التحيه
alagdul@hotmail.com

[شنوان]

بالنسبه اذا بغيت تقنص خارج السعوديه
تاخذ طيورك معك الى مستشفى الطيور(فهد بن سلطان) في الرياض
وتفحصها الطير 150 ريال
ومن ثم تروح الى الحمايه الفطريه وانمائها وبعدها
يعطونك اوراق تصدير واستيراد .
ولكن في بعض الدول ممنوع المقناص فيها
لانها محجوزه لناس معينين.
ولكن حاول تسئلهم عن الدول المسموح فيها واتمنى يعلمونك
لان مره سالناهم عنها قالو لا انتو قولو وين تبون وكل من قلن لهم ديره قالو ممنوع
ايلين علمنا رجال عندهم بيض الله وجهه بالديره الي نختار
ومن بعدها عرفنا الطريقه.
واسف على الاطاله