رأيكم بالفايرخ 27 !!

[oooASHooo]

السلام عليكم

مساكم / صبحكم الله بالخير ..


الله لا يهينكم يالنشامى أفكر أشري 27 فايروخ ..

هل هي زينه ؟

هل هي تعيش (( مكده )) ؟

كيف مرماه (( للمجربين )) ؟

علماً أن سعرها الآن بـ 1000 ريال

وكل الشكر لكمـ

[S N I P E R]

والله الفايروخ 27 طيبة بس انا افضل الديانا 27 لك وللزمن
والديانا سعره 850
ونا ما اقول هالكلام الا من تجربة

اخوك S N I P E R

[ابو شعاق]

هلا بك اخوي بالنسبة للفايروخ انا مجربه وله معي اربع سنين ولا اشتكيت منه توكل على الله وخذه والله يدلك على الخير

[منصور ع]

ممتازة جدا ولها عندي فوق 5 سنين
توكل على الله وخذها وفالك اللحم

[السمار]

افيروخ من أجمل البنادق من واقع التجربة
من ناحية الرمي ومن ناحية خفة الوزن
وافضل من الديانا لأن لها مسمار واحد يمسك الحاضن
وعند شده يمسك ولايرتخي مع الرمايه وكذلك الوثر وزنة واحدة تكفي
والديانا عيبها أرتخاء المسامير من الرمي ومن ثم تتلف المسامير
والوثر يكون غير ثابت ولابد من وزنها أكثر من مرة بالموسوم
هذا من واقع التجربة ولك عزيزي الخيار

[القميري هواي]

سعرها غالي بالمقارنه بين سعرها قبل ثلاث سنين كانت بــ750 ريال

والآن بــ الف ريال ابوي اللي يقول خذ ديانا احسن لك ابعطيك معلومه بسيطه


الديانا مقطوعه من سنه تقريبا وانا سائل الوكيل حقه الرميح اللي بالرياض عند ملعب الملز

اتمنى اني اكون افدتك

[أبوقزاز]

والله عندي الفايروخ احسن مدري ليه كذاا احساس^_^

[براوننق]

انا عندي له 6 سنين وهي كانه جديدة وجاه من الكرف اللي ما جا غيره ولا غيرت والسسته ولا مره ولا عنده نيه تخرب وانا مجرب ديانا بعد لكن فايرخ مله مثيل حقت مكده

[أبووليد..]

السلام عليكم

مساكم / صبحكم الله بالخير ..


الله لا يهينكم يالنشامى أفكر أشري 27 فايروخ ..

هل هي زينه ؟

هل هي تعيش (( مكده )) ؟

كيف مرماه (( للمجربين )) ؟

علماً أن سعرها الآن بـ 1000 ريال

وكل الشكر لكمـ

حياك ربي ..

شف يالغالي الفايروخ مايحتاج على ماقال حمار مكده :D:D

بس بالنسبه للسعر مبالغين فيه شوي ..

أخوك
أبووليد..