وين اصلح الكاتم

[ابوعبدالله400]

السلام عليكم ورحمة الله وبركاته


صراحة انا متابع للمنتدى يمكن قبل سنة


والله منتدى لا يعلى عليه وسمعته طيبة بالحيل

وطبعا ما اكتسب هذي السمعة الا بالاعضاء الي فيه كلهم ونعم والله و انا بعد معكم:d





المهم مالكم بالطويلة



اذا خبط القدر الكاتم عليك يعني طاح الربل الي على الغطا والصفيرة سكتت وش تسوي في هذا الوضع الحرج

يعني من وين ممكن تزينه وين توديه

علما اني في الدمام


ولا احط عليها غرا وبس

بس اخاف اكبس فيه وتصير كبسة غرا :(



المهم النصيحة يا اخوان

علما اني في الدمام <<<< خلاص ترى دروا



وبعدين فيه شي في الكاتم ما عرفته فيه صفيرة وفيه شي ثاني في الجهه المقابلة ما عرفت وش السواة فيه

الي يعرفه لا يبخل علينا


وسلامتكم

[ali742]

السلام عليكم ورحمه الله
اذا كان القدر فرنسي اوالقدر ماركه ويستاهل دور على احد محلات باخشوين وهم ان شاء الله يفيدونك
وان كان القدر صيني او انت مال منه لاتصلحه وغيره بواحد جديد وانصحك بالسيف صحيح انه صيني بس هو افضل الصيني الموجود وسعره مناسب هذي وجه نظري والله يوفقك

[ابوعبدالله400]

اخوي علي \


سويت نفس الي قلت لي بالضبط رحت وشريت واحد جديد وارد السيف عشرة لتر وستيل بعد لان فيه ستيل وفيه المنيوم

طبعا الستيل احسن



مشكور اخوي علي على النصيحة وبيض الله وجهك

[لعّاب المنايا]

ليتك والله بالرياض كان وصفت لك محل للسيف يسوي اللي ماينتسوى ,,

إلى القزازه اللي داخل زمزمية الشاهي لو هي مكسوره يصلحه ,,,

[عقريص]

الاخ الغالي لعاب المنايا وين محل السيف اللي بالرياض اللي تقول

[الصل الأسود]

هلا أخوي أبو عبدالله

بالنسبة للربلة أو الصفيرة أو المسكة اللي فوق ، كلها متوفرة في محلات الأواني المنزلية وبكثرة ، سواء للصيني أو الفرنسي كلها موجودة

ولو أنك في الرياض عطيتك بعض المحلات ، بس في الدمام ماأدري ، بس لو تدور بتلقا أكيد

[لعّاب المنايا]

الاخ الغالي لعاب المنايا وين محل السيف اللي بالرياض اللي تقول


حياك اخوي عقريص وابرك الساعات ,,

بالنسبه للموقع وانا أخوك

حي الروابي شارع عنيزه

الدائري الشرقي مخرج 14 وانت باتجاه الشرق
خلك بالخدمه حتى تنتهي وبالنهايه بيجيك مسجد
رح من عنده يمين وامش تقريبا 100 متر شفه بالزاويه يسار على شارعين
شارع عنيزه وشارع ثاني فرعي كلهن اصفر ,,

وإذا ماضبط معك ابشر والله بالشحم راسلني على الخاص وابشر والله بالسعد ..,,

[الصل الأسود]

^^^^^^^^^^^

وفي سوق العويس

[العبد الفقير]

اخى ابو عبدالله بكم السيف الستانلس ومن وين

[سيف الظفير]

يا الربع قدر الظغط السيف 9 لتر بـ 88 ريال شارية من حايل من محل المنهالي بطريق الملك عبدالعزيز قبـل أسبوع

وعز الله أنه قدر ممتاز وطيب ورخيـــــــــص والاكــل فيه مضبوووط


ورخيص والوكيـــــــــل السيف يضمن لك القطع الغيار بكل مدن المملكة وحتى الخليج

وعليه ضمان سنة

وكل هذا بـ 88 ريال

وحتى القطع لقيتها عند اكثـر محلات الاواني وهي طبعاًً اصلية بســعر 10 ريال للربـل والصفيرة و المساكات البلاستيك اللي على الجنب


واكبس الدجاج فيه لمدة 10 دقايــق فقط

واذا وقف الصفيرة افتح القدر وكب الرز ولمدة 10 اخرى


وانكب الرز اللي على الكيــــــــف

حتى تنظيف سهــــل لأن الاستيل من الخامة المميزة والاصلية .


المقصد أن الكبسة بهذا القدر الممتاز

تأخذ فقط 20 الى 30 اذا كانت الكبسة لحم

[عاشق تمير]

في اسواق العويس

[ابوعبدالله400]

العبد الفقير



السلام عليكم



انا توني جاي شاريلي واحد

يعني يمكن مريت على 7 محلات


وطلعت بالاتي


قدر سيب ممتاز مررررة وقوي وكلش فيه زين

بس انا اشوفه حسوفة على طلعات بر ومكاشيت يعني ينفع للبيت بس ما يطلع ابد

وقيمته 8 لتر ستل ستيل بـ 440 ريال


اما السيف


فيه نوعين

المنيوم الي هو المضر على كلام الاعضاء

وهذا من شكله تحس انه خستاوي
وهذا يجي حجمه بشكل فردي يعني 5,7,9 لتر

وقيمة ال9 لتر منه بـ 100 ريال


والنوع الثاني

الي هو ستل ستيل وهو الصحي والاحسن وتحس شكله جامد وقوي

هذا يجي حجمه على شكل زوجي يعني 4,6,8,10

وهذا قيمة ال10 لنر منه بـ 170 ريال



طبعا انا خذت ابو 170

لان راعي المحل نصحني وقال هذا ابرك لك من سيب

لانه يبيله اهتمام وشغل واذا خرب عليك حرام تروح 500 ريال على الفاضي مع انه قوي ولا يخرب لكن اذا خرب خرب


اما السيف عملي ورخيص وصحي بعد لانه ستل ستيل نفس سيب والالماني والفرنس




اتمنى اني افدتك اخوي

[ابوعبدالله400]

مشكورين على المرور يا اخواني بيض الله وجيهكم و الله يعطيكم العافية




ادعولي تكفون عندي اختبار بعد شوي