قصيدتي في الجيب والوسم

[يازين الصيد]

الجيب جاهز وجاهزة معاميله
وين النشاما على ماقال والشله
جيب هدد يتبع الوسم ومخاييله
والباب الايمن عليه العم عبد الله
في وسط روض سقاه الوسم من سيله
روض خضر والمطر قبل امس قد عله
يامحلا الكيف لادارت فناجيله
مع طلعة الشمس والدله ورى الدله
والنار زدنا حطبها مالنا حيله
من شدة البرد حطينا الحطب كله
نبغى الدفا والدفا كل ينادي له
واحلا دفا مثل وضع القرص بالمله

[يوسف الخليفة1]

الأخ العزيز يا زين البر صح لسانك وننتظر جديدك بإذن الله

[عبدالرحمن الخالدي]

يازين الصيد صح لسانك .

[منقاشة]

يازين الصيد

انت معكـ الجيب

وانا معي الشااااااص مرافقله

هههههههههههههههه


مشكوووووور على القصيدة

كااااانت هنا ... منقاااااااشة

[يازين الصيد]

مشكووووووووورين على المرور::

[مطلاع]

مشكور {يا زين الصيد}
على القصيده الجميله
وذكرتنا في بدايات البرد
والربيع الجميل..
وتبقى القصيده جميله تدل
على ذوق قائلها الراقي.
{خلنا بالبر والبرد ووقاد الســـــــــمر
وخلنا بسهيل والسيل والمنشى عصير}

[ليته يفهمني]

(((((( قصيده في جيب الشاص للشاعر حمود نايف العنزي ))))))

يا لعنبوه الشاص الألفين وأثنيـن
عز الله أن المبدعيـن أبدعـو بـه
تساعدو في صنعه أطلق خبيريـن
باشراف عالم مبتـداه أبتـدو بـه
بروفسـور مخترعلـة براهـيـن
فعله حصانة عن خطـاه ورسوبـه
حصل شهادة علم مع خبرة سنيـن
ولة جائزة نوبل زمـان محسوبـة
من عائلـة بالعلـم دايـم ملميـن
تاريخهـم بالعلـم توارثـو بــه
أبـوه يابانـي سياسـي قوانيـن
في دولته يصـدر نظـام العقوبـه
والأم نازيـة موالـيـد برلـيـن
وخوال خاله من مواريـث كوبـه
صحيح ناقص لأن ماهو على الدين
عالم وعلمـة مـا يكفـر ذنوبـه
أهم أختراعاته على الراس والعيـن
يشكر على أفكارة ودقـة أسلوبـه
أسخر بصنع الجيب من قبل عامين
بالسر حتى دولتـه مـا درو بـه
لين أنتجه وأنتاجه أزين من الزين
رغم أختراع الغـرب تفاجـأو بـه
من جودته له بالصحافه عناويـن
بالسوق ربح كل من تاجـرو بـه
رجـح موازيـن وهبـط موازيـن
كل الدول بالبورصة ساهمـو بـه
نزل من الـدولار بالسعـر ثلثيـن
ودعم رصيد اليـن نوبـه ونوبـه
لاند الكروز اللي تعشقـه ملاييـن
قبل يجـي للشـرق تباشـرو بـه
من دولته جابـه وكيلـه بتأميـن
لدولة آل سعود مـا الفاهـدو بـه
أسعد نفوس اللي لرويـاه شفقيـن
كل دعـا لـه بالجـزا والمثوبـه
أباصفه كله مـن يسـار ويميـن
لو أن في وصفـه عليّـا صعوبـه
بين كما أبو الهول مبنى الفراعيـن
كله حجـر مابـه حديـد وطوبـه
وبين المواتر سكبته تجلـي البيـن
سكبه زعيم ومحتفل فـي خطوبـه
واللون بيج وبويتـه مـن بلاتيـن
ضد الحـرارة والهـوا والرطوبـه
وحَمَار خطه مثل سيـل البراكيـن
والا حَمَار الشمس حـزه غروبـه
وكبوته أنحف من حجم بديَه شوين
ورفارفـه متناسقـه مـع جنوبـه
ونظام دفع الحركـة دفـع تربيـن
فريد من نوعه وهـم طـورو بـه
وماطور صماماته أربع وعشريـن
وبخاخ مصروفـه يقلـل شروبـه
وتحظيرتين أمام وخلاف عكسيـن
وستة عشر جنطة على قـد هوبـه
ومساعدات أربـع وقـدام ياييـن
ودفرنس وفريـول يحـرك كعوبـه
وكوابح آي بي أس تعمل نظاميـن
وبكـل هـوب للكوابـح أنبـوبـه
وونشين سحب ويسحبن وزن طنين
وهزاز يمنع بالصحـاري نشوبـه
وحمولته بالكيلـو ألفيـن وألفيـن
على الشدايد فيه عـزم وصلوبـه
من قوته يصبر على الزين والشين
الطقس ما همـه جليـده وشوبـه
متعـدد الأغــراض للأتجاهـيـن
ما فيه عيب أقول ذا مـن عيوبـه
لأقفى مكوك كـل طقمـه مغاديـن
علم الكواكب والفضـا كلفـو بـه
لأقبل كما الجاكوار والا السقستيـن
في وقت غاره والعدو ولعـو بـه
لأعرض شهاب مرسـل لشياطيـن
ظرب غلاف الجو وأحدث شبوبـه
منوة غريب شـف بالـه بعيديـن
الدرب لو طـول بسرعـة يلوبـه
ما يمنعه لا رمل لا أحجار لا طيـن
غريب ما تمشي المواتـر دروبـه
وأن قلت للسواق يا الأخو من وين
يعطيك علم أرض قفر ما وطو بـه
ما هو زماله عايـلات ووراعيـن
ولاهو زمالـه للعفـون وجلوبـه
سلعـة ثمينـة للرجـال الثمينيـن
راع الولع يشريه لـو بـاع ثوبـه
لوأملكه لـو قيمتـه كلهـا ديـن
أهديـه للـي بالكـرم مجـدو بـه