مشاهدة النسخة كاملة : طلب بسيط بشأن قصيدة مواساة لصاحب الباترول
أبو عبدالرحمن 1
23/08/2008, 07:56 AM
السلام عليكم
يالربع واحد من ربعي موتره حصل عليه حادث
وجتني فكره اني ارسله ايميل يتضمن قصيده مواساة
وش رايكم عاد تعطوني قصيدة طيبة ؟
شكرا لكم
قرناس وحش
23/08/2008, 02:18 PM
انشالله اني بجيبها لك ,بس بطول عليك شوي
ابو صعب
23/08/2008, 11:24 PM
الحمد لله على سلامته
سامي،،،
25/08/2008, 12:33 AM
جاري البحث اذا ليقت وحدة طيبه ارسلتلك ... تقبل مروري
يوسف الخليفة1
26/08/2008, 05:50 PM
السلام عليكم
يالربع واحد من ربعي موتره حصل عليه حادث
وجتني فكره اني ارسله ايميل يتضمن قصيده مواساة
وش رايكم عاد تعطوني قصيدة طيبة ؟
شكرا لكم
مرحبا بك أخي العزيز منبع الطيب ولك هذه الأبيات هدية وحياك ربي
يا صاحب النيسان يا راعي الكار=يعل حالك يا رفيقي ستيره
واللي جرى مكتوب في صرف الاقدار=والعبد ما له عن قضا الله فريره
اليا سلم ذاتك ترا الوقت ما بار=وش يسوا عظمك عند جيبن وقيره
سلامتك يا صاحبي سعد وابشار=والا الحديد جماد ويعاد غيره
يفداك جيبن قد تدرج مع القار=اليا سلم راسك عسى العلم خيره
هذي هي الدنيا لها اقبال وادبار=تزين حزاتن وحزه عسيره
باكر تبدل حالة العسر بايسار=هذا رجانا من عليم السريره
تزين فيها نجعتن باقصى الاقفار=في عزلتن ما فيها ناسن وديره
سهايبن قد رشقت فيها الامطار=شعبانها دلا يتجاذب جريره
فيها الزبيدي واحتوى الروض نوار=ياقع بها الجوني ولا فيه ذيره
وانشب انا وياك من دونها النار=الارض رطبه عقب ليله مطيره
تحلا سوالفنا تذاكير واشعار=ولهب نسناسه تزايد عبيره
وارجي من الله نحشر بصف الاخيار=واطلب عساها تستقيم البصيره
( أبو عبد الله )
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir