طلب بسيط بشأن قصيدة مواساة لصاحب الباترول

[أبو عبدالرحمن 1]

السلام عليكم

يالربع واحد من ربعي موتره حصل عليه حادث

وجتني فكره اني ارسله ايميل يتضمن قصيده مواساة

وش رايكم عاد تعطوني قصيدة طيبة ؟

شكرا لكم

[قرناس وحش]

انشالله اني بجيبها لك ,بس بطول عليك شوي

[ابو صعب]

الحمد لله على سلامته

[سامي،،،]

جاري البحث اذا ليقت وحدة طيبه ارسلتلك ... تقبل مروري

[يوسف الخليفة1]

السلام عليكم



يالربع واحد من ربعي موتره حصل عليه حادث


وجتني فكره اني ارسله ايميل يتضمن قصيده مواساة


وش رايكم عاد تعطوني قصيدة طيبة ؟



شكرا لكم



مرحبا بك أخي العزيز منبع الطيب ولك هذه الأبيات هدية وحياك ربي



يا صاحب النيسان يا راعي الكار=يعل حالك يا رفيقي ستيره
واللي جرى مكتوب في صرف الاقدار=والعبد ما له عن قضا الله فريره
اليا سلم ذاتك ترا الوقت ما بار=وش يسوا عظمك عند جيبن وقيره
سلامتك يا صاحبي سعد وابشار=والا الحديد جماد ويعاد غيره
يفداك جيبن قد تدرج مع القار=اليا سلم راسك عسى العلم خيره
هذي هي الدنيا لها اقبال وادبار=تزين حزاتن وحزه عسيره
باكر تبدل حالة العسر بايسار=هذا رجانا من عليم السريره
تزين فيها نجعتن باقصى الاقفار=في عزلتن ما فيها ناسن وديره
سهايبن قد رشقت فيها الامطار=شعبانها دلا يتجاذب جريره
فيها الزبيدي واحتوى الروض نوار=ياقع بها الجوني ولا فيه ذيره
وانشب انا وياك من دونها النار=الارض رطبه عقب ليله مطيره
تحلا سوالفنا تذاكير واشعار=ولهب نسناسه تزايد عبيره
وارجي من الله نحشر بصف الاخيار=واطلب عساها تستقيم البصيره




( أبو عبد الله )