طلعه غريبه والهامور رفض ياكل !!! سؤال لاهل الخبره

[NASHWAN08]

احبابي اعضاء منتدى مكشات الاعزاء
طلعنا الخميس بالليل موقع محضور جدا ومليان هوامير على السيف ( والله ياشباب اننا شايفينها شوف العين ) وقريبه منا واحجام اكس اكس لارج والله اني شايف واحد بحجم الدلفين ... طبعا لا تستغربون المكان محمي ومحظور .... لكن الهوامير رفضت تاكل الطعم ( الحبار ) والله اني رميت لهامور كبير قطعت خثاق (حبار) مثل نصف الكف بدون خيط رميتها جنبه وانا اشوف انه قرب منها على السطح ولف عنها وخلاها ما اكلها -- طبعا المكان بالليل الساعه عشره والموقع منور !!!!!
سوالى ((((( ليش الهوامير رفضت تاكل ؟؟؟؟؟

تحياتي
نشوان

[jwan]

ان تكون رفضت الاكل هو رزق من الله
شوف بلعادة الهوامير تحب الطعم المجتمع عليه الاسماك اعتقد انك كبرة الطعم
ولو انك استنخدمت مع الحبار سردين يعني شكة حبارة مع سردينة ممكن تكون افضل واسلاخة الباغة كمان جيدة جدا للصيد والرزق من الله

[القبقب]

أنا أصيد على الشاطى في مناطق فيها هوامير
من الملاحظات التي عرفتها أنه بالليل نادر ماياكل الطعم
لكن بالنهار ياكل خاصة بعد الظهيرة جرب معاه راس خثاق (حبار) أوسمكة بحجم كف اليد .
ملاحظة : أكبر هامور صدته في حياتي صدته في الليل بالقارب ولكن في منطقة بها أضاءة قوية وعلى راس حبار .

[NASHWAN08]

عماد & قبقب
مشكورين على المعلمات القيمه

تحياتي
نشوان

[الوعدالصادق]

ياخوي شوف جرب تطعمله ربيانه كامله اوطعم حي وشوف النتيجه انشاء الله بتبسط بالتوفيق والرزق على الله

[شاهين2007]

اتوقع اللي بيجيب راسه هو الطعم الحي مثل ماقال صادق
او خذ لك دريه على شكل سمكه ( ربالا او ستورم)
الله يرزقك

[العيسمود]

عليك بالباغه

[احمدوعبود]

شوف كل نوع له طريقه اذا الي شايفه كشر سمان مالك الا العنبر والهامور عادة يبغاله صبر وماتحرك الطم بتاتا ويمكن شبعان

[NASHWAN08]

الوعد الصادق
شاهد 2007
العيسمود
احمد عبود

مشكورين يا شباب ما فصرتوا

[الجنك]

يمكن ماشي بالهرو يعني مارمى البيض عشان كذا يكون شبعان وسمين وثقيل ماياكل اللعف

[اااانور]

جرب الخرم (الحاقول) للهامور يجيبه رواسي زي الموز للقرد!!!

[ابوشوق المزيني]

السلام عليكم

بالنسبة للسؤالك لماذا الهامور لايأكل الحبار في الليل
وانت رأيتها باحجام كبيرة

الجواب
صحيح الزرق على الله ما اختلفنا ..
لكن هناك اسباب

1- الهواميرا تأكل في اوقات
افضل وقت قبل الغروب وبعد الشروق
واحيانا وليس دائما العصر بعد ان تبرد الشمس
يعني في ايامنا هذه بعد 5 العصر

2- اذا ارت اصتياد الهامور رقد الخيط

3- ضع لبيبة قمل اوشذب كبير
4- الهوامير تتغذا اسفل في القاع
ولا تبحث الغذاء في سطح البحر
5- لاتحتاج ان تسامر المكان لان
الهاومير مستوطنه وقد وجدتها
الهامور والكشر والشهوه والسمان والتوين
تقبل على اللبيبه بشراهة ولا تتردد في الاكل
طبق ما ذكرته لك وبأذت الله تصيد والله الموفق

[tawmw]

ياخي خذ لك مسدس وانزل لقطهم واحد واحد..الهوامير مافي اسهل من صيدهم بالمسدس

[NASHWAN08]

يمكن ماشي بالهرو يعني مارمى البيض عشان كذا يكون شبعان وسمين وثقيل ماياكل اللعف

مشكور على مرورك والافاده

[NASHWAN08]

جرب الخرم (الحاقول) للهامور يجيبه رواسي زي الموز للقرد!!!

شاكر لك مرورك

[NASHWAN08]

السلام عليكم



بالنسبة للسؤالك لماذا الهامور لايأكل الحبار في الليل
وانت رأيتها باحجام كبيرة


الجواب
صحيح الزرق على الله ما اختلفنا ..
لكن هناك اسباب


1- الهواميرا تأكل في اوقات
افضل وقت قبل الغروب وبعد الشروق
واحيانا وليس دائما العصر بعد ان تبرد الشمس
يعني في ايامنا هذه بعد 5 العصر


2- اذا ارت اصتياد الهامور رقد الخيط


3- ضع لبيبة قمل اوشذب كبير
4- الهوامير تتغذا اسفل في القاع
ولا تبحث الغذاء في سطح البحر
5- لاتحتاج ان تسامر المكان لان
الهاومير مستوطنه وقد وجدتها
الهامور والكشر والشهوه والسمان والتوين
تقبل على اللبيبه بشراهة ولا تتردد في الاكل
طبق ما ذكرته لك وبأذت الله تصيد والله الموفق


معلماتك درر ---- شكرا لك

[NASHWAN08]

ياخي خذ لك مسدس وانزل لقطهم واحد واحد..الهوامير مافي اسهل من صيدهم بالمسدس

ودي لاكن ما اعرف سنوركل ---- بخلك تجي معي مره ثانيه وورني شطارتك يا رامبو

شكرا على مرورك

[الغوااااص]

ياخي خذ لك مسدس وانزل لقطهم واحد واحد..الهوامير مافي اسهل من صيدهم بالمسدس




افضل رد اعجبني :good: :good: :good: :good: :good: :good:

[المنتب]

اذا كنت تشوفه على سطح البحر مايفيدك الا المنتب

[غسان]

عليك بالباغه وبس

[صياد خليجي]

الرازق الله

[ابوتركي1]

ممكن علشان المنطقه محظوره

[المدمر (1)]

السلام عليكم

حصل لي نفس موقفك اخوي

ذهبت في احدى المرات الى الميناء

وكنت رامي سنانير

وانا اتمشى على حجار وصخور احد الكواسر المبنيه

وفجأه اشوف شي يتحرك وكبير

وجبت الكشاف وكانت المفاجاة لي انه هامور كبير فوق 10 كيلو

المهم جهزت خيط كبير وميده ورميتها بجانبه

وفجأه شفت واحد ثاتني على يسااره

تصدق انه يمر جنب الميده ويغير اتجاهه ويخليها

المهم انا انقهرت لاني شفتهم بكميات والله من غير مبالغه فوق العشر هوامير يتمشون واحجاام كبيره

هذا الكلام تقريبا الساعة 3 الفجر ايام برد

وكان معي في الطلعة احد اخوياي

ومع شقت النور الا الخيوط تشتغل

وطلعنا يمكن سته هوامير اصغر واحد حوالي 8 كيلو

واللي راحو اكثر بكثير

وخيوطنا كانت 80 و 120

فيه واحد ضرب على خيط ابو 120 وماقدرنا نمسكه حنا الاثنين الى ان دخل المجفره

جرب اخوي مع الفجر وقبل بزوغ النور وبتدعيلي

واحتمال يكون مكانك نفس مكاني اذا كان في الميناء

[ابو الوسمي]

حياك الله يا خوى عندي طريقه بائذن الله تنجح بس يبقالها مهاره شوى وخفه يد وسرعه الطريقه هيه
تجيب خيط ياباني مقاس 90 وجلب مقاس 5 فرنسي عايدي وتقوده مزبوط بس كله يعتمد علي حجم التوين مدري 25كيلو او10كيلو هذي المقادير تعتمد على الحجم وخفه اليد ونكمل وتفك الخيط علي حسب العمق يعني 20متر او اكثر او اقل وبعد تسحب الخيط خارج البحر ويكون جاهز للاطلاق هههههههههه ويكون بدون اي ثقل يعني داجنه وتسيب الخيط وتجيب سله او بانيو اوصطل وتاخض خيط صغير وجلب صغير وتجيب كم حبره او شعور او اي شى قريب الرصيف وتحطه في الصطل ويكون معباء من البحر وتجدد المويه كل بعد كم دقيقه او تجيب سله شبك وتحط الحبر والشعور فيهاء تئخض حبه من العف الحي وتشك الجلب فيهاء تحت السموع وتقول بسم الله وترمي الخيط بعيد شوي وتمسك الخيط مسكه خفيفه وتفتح عيونك اخر شي وتسيب الحبره او الشعورة تروح ولا توقف الخيط لين يوصل القاع واذا مسكت الخيط انساء انهاء تئكل واذا اكلت حاول انها ماتروح بلخيط لشعب وردهاء شوى شوى واذاردت لاتقوي عليهاء وقربهاء الرصيف ولا ترفعهاء بلخيط شكهاء بلمصدع او اربطهاء بحبل والله يرزقك بس هاء لاتنساء تعزمناء على الغداء ههههههههههه وسلمت ..... اكتب واناء انعس بنام .......:o

[NASHWAN08]

مشكورين على ردودكم جميعا

اخوكم نشوان

[العبد الفقير]

الله يرزقك وايانا وشكرا لكل من اجابك بارك الله فى الجميع

[فتى المجوه]

السلام عليكم
الهوامير تحب الطعم المشكل والافضل سمكة الدغم
وشكرا

[jeddahauto]

ممكن يا غالي تفيدنا وين المكان ؟
واذا ما تحب فممكن ترسله على الخاص ؟
واذا ما تحب فاكيد ما نقدر نقول غير الله يوفقك في اكبر صيده فيهم
فمان الكريم

[accentkool]

احسن طعم للهامور سمكة بحجم الكف وجربناها كثير وجابت لنا صيد من اللي يحبة قلبك



والتوفيق بيد الله

[هوا شرقي]

اخوي Nashwan08


فيه نظريه استنتجتها معروفه وبسيطه


وتقول أن انواع من السمك اذا كانت على السطح فتكون شبعانه وانت قلت ان المكان محضور اذا مكان مرعى واذا كانوا على السطح تشوفهم سرب وهذا مثل العب بنسبه لهم


وعندي اخوي شغال في الميناء يقول نشوف السمك( سبيطي و هامور) على السطح دائما ويرميله ولا ياكل


وأعذروني اذا كنت غلطان


وتقبلوا مروري

[ناصر البلوي]

شكراااا لكم