فرخ العام..؟ وهذا اللي اكتشفت فيه قبل ما اشتريه من النصاب ..!!

[لعّاب المنايا]

السلام عليكم ورحمة الله وبركاته


مسيكم بالخير أخواني الصقاقير والمكشاتيه


الموسم الماضي وتحديدا بشهر رمضان المبارك عرض علي فرخ حر شمال المملكه من طرح الشام
ارسلوا لي الصور وشفت انا صور الطير واعجبني بالحيل من وسره وقطوع الطير ادهم والرجال اللي
عرضه علي قالي طير طيب ومش عارف ايش وحنا نعرف الرجال اللي جابه من الشام ومن ذا الكلام
خويي اللي عرض الطير يعني مش ولابد بنظرته للطير يخفى اشياء كثيره وثقته بالطاروح عمياء وانا والله بصراحه ونعم بهم الاثنين كلهم بس قلت لخويي انا باجيك اليوم باقرب رحله طالعه من الرياض لحد عدك
الحاصل وصلت عنده وقام الرجال والله بالواجب ورحنا نشوف الطير قلبت الطير إلا وهو طيب ما شاء الله
الطير ادهم وصافي الظهر وممسوح العمد قمت ادقق بالطير شوي وأشوف ظهره كن بها دقين بس خفيفه مرره وأدقق مرره ثانيه إلا هي دقوق بس طلع النصاب الطاروح كاويها..!:eek: الدق كان جاي بطرف الريشه وكاويهم الحبيب هم تقريبا 3 دقوق انا أول ما كشفتها على طول رحت للعموديه واناظر العموديه الواضح لي أنها صافيه ولكن يوم قلبتها إلا وهي موسره يعني لا ظهر صافي ولاعموديه صافيه وأروح وآخذ الطير لنور السيارة حقت الرجال
ويوم بين إلا والله تختلف لون الريشه طبعا للي بيدقق ,,
المهم مالكم بالطويله إعتذرت للرجال خويي خابره والله غشيم بالنظر وإستأذنت منه اتفاهم مع خويه الطاروح واخذت الطاروح وقلتله عيّن خير وإرفعها ولاعاد تتكررها ولاعاد اشوفك هنا بالسعوديه كلها يانصاب,,وقام يتعذر ويقول انا مالي دخل وهذا الطير حق واحد طاروح ثاني مش عارف ايش , قلت خير إن شاء الله ,, ومن مكاني انا وإياه ,,
وأبلغ واحد من المسؤولين بالدوله ويبلغي إمارة المنطقه اللي انا فيها وتسحب إقامته ويمنع من دخوله السعوديه مدى الحياة ما بقى إلا هالارفل يضحك على الدقون ...,, :mad:


حبيت ابلغكم يا اخوان مش أي طير يجي يكون طيب تاكدوا منه حتى لو إن الطاروح معروف ولا تثق إلا بنظرتك او بنظرة خويك ولا يكون أي شخص الا واحد مايحتاج انت عارف نظرته ,,

[شيخ الشرقية]

وعليكم السلام ورحمة الله وبركاته

لاهنت على القصة ويستاهل الرجال ما جاه

تقبل مروري يالطيب

[ابو جنى 2005]

مرحبا اخوي لعاب المنايا
يستاهل حقه وما جاه والغش وانا حاصل في كل شي

[وَسَام!]

اعقب يالرخمه ! عزالله اقديت فيه!
لاهنت يابوراشد

[أبو فهد العيد]

ماشاء الله عليك يابو راشد’’مقدي فيه
,,انا اشهد انك وافي

[جارح العين]

بيض الله وجهك
وزين انك طققت بالطير قبل لتقول تم

[راعي شلهوب]

كفو والله يابوراشد ماتمر عليك الامور ذي
ويستاهل ماجاه ومشكور على التنبيه المهم

[طارق الحربي]

والله انك كفو ومقدي

ونعم والله

عز الله اللي عقبك جاب رجال

[أبو أمين]

كفو وبيض الله وجهك

[شنوان]

عزالله زين سويت فيه
جزاه واقل من جزاه
وبارك الله فيك على القصه الرائعه

[روووح]

كفو وبيض الله وجهك
والنصابين هالايام واجد الله يحمينا منهم بس

تقبل مرووري

[501]

هذا الكـــــــــــــلام وهذا الي حاصل
من بعض الطواريح بالداخل و الخارج
زين ما سويت فيه و بيض الله وجهك

501

[قلب ذيب]

ما بقى إلا هالارفل يضحك على الدقون ...,,
تسلم يابوراشد .
عزالله انك صقار متمرس , يستاهل ماجاه .
اعقب ياذا - - - والله اول مره اعرف بهذه الحيله .
تقديري لشخصك .

[فهد الميموني]

ما شاالله عليك يابوراشد مايفوت عليك شي ......وهويستاهل ماجاه

[الحر01]

كفو يبوراشد وبيض الله وجهك

[الوافي4482]

كفو والله يا الذيب عز الله انك ما قصرت

[قرناس صلا]

ما شاء الله عليك ,,,, فكيت المسلمين من شر النصاب


كفو وما قصرت

[خالد الحبابي]

ونعم بذي اللحيه عز الله اقديت فيه

[لعّاب المنايا]

شيخ الشرقيه / لاهنت ويعقب والله يصير رجال عقب سالفته هذي وهذا والله أقل ماجاهـ ,,
ابوجني 2005 / مرحبا بك فعلا يستاهل ماجاهـ والله يكفينا شر الغش ..,,
وسّام / لاهنت يابو صالح ويستاهل ماجاهـ ذا الطاروح ..,,
ابوفهد العيد / ماعليك زود يابو فهد وتراك عند وعدك يالذيب ..,,
جارح العين / وجهك ابيض والله لابد طير طيب وناهي وبتدفع عليه مبلغ يستاهل لا بد إنك تدقق ..,
راعي شلهوب / مرحبا يابوفهد ومن قال كفو والله وهذي نقطه من بحر خبرتك طال عمرك ,,’
طارق الحربي / ماعليك زوود وبيض الله وجهك وهذا من طيبك ..,,
ابو امين / وجهك ابيض ..
شنوان / يستاهل ما جاهـ ولاهنت ,,
روووح / وجهك ابيض والله يكفينا شر النصابين ..,,
501 / وجهك ابيض وماخفي اعظم منهم الله يكفينا شرهم ..,,
قلب ذيب / الله يسلمك يالغالي وماعليك زووود وماخفي اعظم والله من حيلهم هالنصابين ومصايبهم وووواجد ولا بد من الحيطه والحذر منهم ,, تحيه واحترام لشخصك ,,
فهد الميموني / الله يطول بعمرك يابوراكان وفعلا يستاهل ماجاهـ ,,,
الحر01/ وجهك ابيض ..,,
فليج / الله لايهينك ويستاهل ماجاهـ ,,
قرناس صلا / الله لا يهينك والله يكفينا شر النصابين ,,
خالد الحبابي / ماعليك زوود ويستاهل ماجاهـ ,,

[ابوعبدالله 3504]

كفو يابو راشد حقه وماجاه
بيض الله وجهك على التنبيه

[نايف الخالدي]

مقدي فيه
ويستاهل ماجاه

[المان العرب]

مقدي فيه
ويستاهل ماجاه
ايه والله :)

[سنجااار]

عز الله انك اقديت فيه يستاهل ماجاه

[بوخالد الكعبي]

كفو والله يابوراشد
انشهد انك سنعت الرجال

[شبراق]

حتى الطيور بدو يغشون لا حول ولا قوة الا بالله العلي العضيم

لكن ماقصرت معه كفو والله

[الطبشي]

يستاهل اعضم من كذا ها النصاب ...والله ماقصرت فيه الله يجزاك خير..

[شنكارuae]

بيض الله وجهك

[نبع الدموع]

بردت كبدي يابو راشد و عز الله يستاهل ما جاة و اكثر

و على فكرة اطلب الحق و لي الحق تراني مساااااااالم لاكن
لا تكثر علينا يومين بتتزوج و بترد الراس راسين ههههه

[لعّاب المنايا]

مقانيص / وجهك بيض ويستاهل ماجاهـ ,,
نايف الخالدي / الله لايهينك ..,
المان العرب / لاهنت اخوي ,,
سنجااار / لاهنت ويستاهل ماجاهـ ,,
بوخالد الكعبي / ومن قال يابوخالد ويستاهل ماجاهـ ,,
شبراق / الله لايهينك وماخفي اعظم من النصابين ,,
الطبشي / يستاهل اكثر والله لا يهيينك ,,
شنكارuae / وجهك ابيض ..,,
نبع الدموع / هلا هلا :mad: :mad: يابوبدر الحق باطلبه وأوريك فيه حق تعجيزي وأشوف انت تقدر عليه وإلا لأ مع إني عارف
انك ماتقدر عليه عشان اخيرك بحق ثاني وهو إنك تكرر الزياره بس عزوووبي ,,, وبالنسبه لي انا عقب اللي شفته معك
مالظاهر إلا عقب الخمسين ,,,:j

[طلعة التمياط]

اف والله بردت كبدى به كفووووووووووووو يالذيب

[alajmi110]

جعل يمناكـ تسلم يا ابو راااشد
زين ما سويت فيه على شا يصير عبره
بيض الله وجهكـ على التوضيح

[لعّاب المنايا]

طلعة التمياط / الله لا يهينك وتسلم ,,,
alajmi110 / ومن قال يسلم يابوعمار ووجهك أبيض ,,

[خيّال الملحا]

كفو والله يابوراشد بيض الله وجهك ماقصرت والله معه ..,,

[سلطان 1]

لعاب المنايا يا كثرهم وانا خوك هالايام لكن ودك ان اللي ينكشف امره انه يشهربه حتى يصير عبره للي غيره 0
لا هنت 0

[خيال الصبحا]

وعليكم السلام
هلا بك يابو راشد
خلق الله برمضان ويغشون
اعوذ بالله ، على كل حال ماشاء
الله عليك غيرك كثير تبي تمشي عليهم
الحيلة وبكره يقولون الطير صافي وقرنس بدقوق
ولكن الله طيح هالنصاب بيد ذيب،وشكرًا

[لعّاب المنايا]

خيّال الملحا / الله لايهينك ووجهك ابيض ,,
راعي فاروق / الله لايهينك والحمدلله دامه طلع من ديارنا الله لايرده هالنصاب ,,,
خيال الصبحا / ماعليك زوود وغيره واااجد والله يكفينا شرهم ,,

[صقار أبوظبي]

عزالله اقديت فيه يابو راشد

[سيف الظفير]

كفو يا ابو راشد كفو


ماقصرت في هالردى النصاب

لو كل نصاب لقى هالمعاملة كان اختفوا من السوق ككل وبكل السلع

[لعّاب المنايا]

صادق الهرجه / سيف الظفير
الله لا يهينكم ,,

وتراهم بالربع هالأيام بدأو يكثرون لابد من اخذ الحيطه والحذر منهم ,,,..