رايكم ياالربع في الباترول السلقه ؟

[راعي الخرازه]

السلام عليكم ورحمة الله ...
وش حالكم يا رجال ؟
السالفه وما فيها انا رجال متزوج لي حول شهر وشوي ودي اغير موتري بجيب سعره معقول يعني من الخمس وثمانين ودون وفي بالي الباترول السلقه ( الربع ) انا اعرف انه خفيف وذيبان وما يرده شي ما شاء الله
لكن ودي الي جربه من ال 2005 او 2006او 2007 وفوق يقولي عن :
-صرفية البنزين
- الهربده ( يعني يتفكك بسرعه او لا )
- والخرابات الي دايم تجي فيه اوباختصار عذاريبه



ولا هنتم يا رجال:D
والسلام :D

[راعي طويلات]

وعليكم السلام ورحمه الله وبركاته
نصيحتي لك وأنا أخوك تدور لك فتك سوبر سفاري موديل 2003 او 2004 أو سفاري 2 2005 ازين لك من الربع السلق لا في الشكل والوجاهه ولافي النشاط
وعموما الربع ماعليه خلاف وصرفيته للبنزين تقدر تقول يصرف والهربده الموديلات الجديده مافيها هربده وعذاريبه ماتذكر وغالبا تكون كتاوت طرمبه البنزين وحلها بسيط

[عاشق السيل]

وعليكم السلام ورحمه الله وبركاته
نصيحتي لك وأنا أخوك تدور لك فتك سوبر سفاري موديل 2003 او 2004 أو سفاري 2 2005 ازين لك من الربع السلق لا في الشكل والوجاهه ولافي النشاط
وعموما الربع ماعليه خلاف وصرفيته للبنزين تقدر تقول يصرف والهربده الموديلات الجديده مافيها هربده وعذاريبه ماتذكر وغالبا تكون كتاوت طرمبه البنزين وحلها بسيط


تأييد مية بالمية :good: :good: :good:

[SuLTaN.M]

الشباب ما قصروا
خصوصا انك متزوج ما لها داعي تاخذ سلقه خذ لك الفتك ابرك لك ان شاء الله


اما عن السلقه
انا معي واحد واللهم لك الحمد مرتاح والله يصبره عليّ :)

المشاكل انه من ورا نازل شوي ورفعته متعبه اذا كان الرفع عاليه
كتاوت طرمبة البنزين قالوا لها سببين الأول انه من التشغيل السريع والمفروض اننا نصبر لين صوت الجرس
والسبب الثاني انه يدخله تراب لأنه الأقرب للغبار من الكتاوتات الباقيه
والحل لا سمح الله انه علق معك
انك تفكه وتركب جديد اذا معك ولا انك تنظفه ولا تفكه وتطلع المقاومه اللي فيه السالفه سهله بس لازم يصير عندك خلفيه بسيطه

عزمه حلو
صرفه زين
من الرياض إلى الدمام تانكي واحد إذا ممشاك عاقل في حدود الـ140 إلى الـ160


التفكك خفيف وعلى حسب المطامر في النفود ولا في الحصى
والتربيط له محلاته

وفيه اشياء خفيفه تربطها بنفسك بعد ما تشري الموتر بفتره
مثل مسامير الباب الخلفي
انا جربت الشطرطون طلع حلو بس ثقيل في الصك والفتح
فيكت الشطرطرون وكربت المسامير بحماس وانقطم علي واحد وصلحته والحمد لله ما شكيت من شي ثاني


ان شاء الله اني ما نسيت شي والرجال محد منهم مقصر معك بقولون اللي يعرفون
والله يسهل لك ويوفقك

لا تنسى تستخير في كل امورك اللي تحيرك

:)

[بيبسي]

بصراحه انا مجرب 99 و2000 ماتصلح ابد حراره داخليه وصرفية بنزين خياليه وصوت طقطقه بالباب الخلفي ورجه بالدركسون من 80 الين 100 غير الكربون الاسود والكتمه والناس ماقصرت شف الشكاوي منه ومع كذا سعره غالي الجديد فوق التسعين انا اقولك دور لك سياره غيرها احسن لك

[SuLTaN.M]

^^^^
تراه صادز عن الحراره لكن انا عازله عند النافوره والحمد لله ضبط معي

[سوبر VTC]

انك تفكه وتركب جديد اذا معك ولا انك تنظفه ولا تفكه وتطلع المقاومه اللي فيه السالفه سهله بس لازم يصير عندك خلفيه بسيطه


طيب وش رايك بالسلقون اذا سكرت الفتحات هل يسلك الكتاوت بعدين و لا يعلق و لا يخرب
او لا بد تجيه و تخمه الجنية:D و يخرب


وكربت المسامير بحماس وانقطم علي واحد


هههههه:D
انت اهون من انا رضحت اصبعي بالشاكوش:D
غشيم و ارفل:D


المشاركة الأصلية كتبت بواسطة راعي طويلات http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=1812277#post1812277)
وعليكم السلام ورحمه الله وبركاته
نصيحتي لك وأنا أخوك تدور لك فتك سوبر سفاري موديل 2003 او 2004 أو سفاري 2 2005 ازين لك من الربع السلق لا في الشكل والوجاهه ولافي النشاط

وعموما الربع ماعليه خلاف وصرفيته للبنزين تقدر تقول يصرف والهربده الموديلات الجديده مافيها هربده وعذاريبه ماتذكر وغالبا تكون كتاوت طرمبه البنزين وحلها بسيط

تأييد مية بالمية :good: :good: :good:

لا تنسونن على دربكم خذون :D معكم
××××××





اذا انت مصمم على الربع نصيحتي خذلك (ربع سفاري)






تحياتي

[escape_man]

مبروك الزواج وعسى الله يوفقك

السلقة موتر ماعليه خلاف .. لكن للمتزوج ويكون سيارتك الوحيدة .. هذا هو الشي المزعج

ومن رايي ان السفاري الطويل او الباث اوفقلك خاصة انه ان شاء المدام مقبلة على حمال وخلافه

فكرة ولو كنت مستحي اقولها لكن فعلا مر على واحد من العيال نفس الموقف والموتر اتعب مرته

واضطر انه يبدل موتره لين الله افرجها

[القماري]

أقول من تجربة مع ربوع الباترول من 84 حتى 2002
لايقارن الربع الجديد بالموديلات السابقة (عزم - قوة - رصانة - هدوء - ليونة -وذيب بر وكرف)
الشرط يكون عندك موتر آخر (دام أنك متزوج )
نعم لابد من وجود بعض العيوب ولابد من ذكرها كنوع من عدم التحيز للسيارة
يعيب السلقة (2002 ومادون) عدم وجود بخاخ (كربريتر يطلع دخان أسود مع الوقت ويحتاج تنظيف وصرفه للبنزين أكثر من البخاخ)
تسمع صوت الهواء (هربدة) بعد الإستخدام الطويل للسيارة (لكن ليست بذاك السوء)
الركوب للسيارة متعب خصوصا للمراتب الخلفية (باب واحد)

أما بخصوص التكييف فهو جيد جدا والحرارة للسيارة ممتازه (دائما بمعدل الربع أو دونه - صيفا وشتاء)
وبالتوفيق

[الجندي2005]

سلام انا ياخوي ولله الحمد مطلع وكاله 98 للحين معي ما فيه بر الا وجيته وصلت الحد اكثر من ثلاث مرات ما شفت الا الزين ولله الحمد انظر التوقيع ،،

[راعي الخرازه]

بيض الله وجهيكم ياجماعه فعلا كونت تصور يخليني اقرر بنعم او لا
الله يجزاكم خير

[خشيمان]

الشباب ما قصروا
خصوصا انك متزوج ما لها داعي تاخذ سلقه خذ لك الفتك ابرك لك ان شاء الله


اما عن السلقه
انا معي واحد واللهم لك الحمد مرتاح والله يصبره عليّ :)

المشاكل انه من ورا نازل شوي ورفعته متعبه اذا كان الرفع عاليه
كتاوت طرمبة البنزين قالوا لها سببين الأول انه من التشغيل السريع والمفروض اننا نصبر لين صوت الجرس
والسبب الثاني انه يدخله تراب لأنه الأقرب للغبار من الكتاوتات الباقيه
والحل لا سمح الله انه علق معك
انك تفكه وتركب جديد اذا معك ولا انك تنظفه ولا تفكه وتطلع المقاومه اللي فيه السالفه سهله بس لازم يصير عندك خلفيه بسيطه

عزمه حلو
صرفه زين
من الرياض إلى الدمام تانكي واحد إذا ممشاك عاقل في حدود الـ140 إلى الـ160


التفكك خفيف وعلى حسب المطامر في النفود ولا في الحصى
والتربيط له محلاته

وفيه اشياء خفيفه تربطها بنفسك بعد ما تشري الموتر بفتره
مثل مسامير الباب الخلفي
انا جربت الشطرطون طلع حلو بس ثقيل في الصك والفتح
فيكت الشطرطرون وكربت المسامير بحماس وانقطم علي واحد وصلحته والحمد لله ما شكيت من شي ثاني


ان شاء الله اني ما نسيت شي والرجال محد منهم مقصر معك بقولون اللي يعرفون
والله يسهل لك ويوفقك

لا تنسى تستخير في كل امورك اللي تحيرك

:)


رد كافي شافي وافي 100% :good::good::good::good:

وأزيد على كلام اخوي سلطان
انه في السلقه تسمع الاصوات الخارجية (عزل سيئ) سواء من هواء او اصوات القير والدفرنس

والله يوفقك للي فيه الخير