يسوقه بطقٍ وطقه طفاق ؟؟؟؟؟؟؟؟؟...........<اللغز محلول>.......(صاحب الحل:الشيخ مسكين)*

[ابو ماجد 2]

السلام عليكم


اليكم لغز قديم



هنوفٍ بسوقٍ وورعٍ يسوقه= يسوقه بطقٍ وطقه طفاق
طقاق ابدقاقه يقلّب خلوقه= وتطمر ويلحق طقاقه طراق



ملاحظه
ممكن يكون مسماها عند بعض المناطق مذكر


تحيتي لكافة الزملاء

[الخيال2006]

هلا بطلتك ابو مــاجـــد2 يالله حيوه

وصح لسانك على اللغز

وجاري التفكير...

[ابو ماجد 2]

صح بدنك مشرفنا المتألق
وانتظر رمعتك وارجو ممن يرمع ان يوضح الرمعه لان المسميات قد تختلف وكما قلت ان لها اسم في بعض المناطق مذكر
تحيتي لك

[الخيال2006]

وش رايك اخوي بالمهفه اللي تصنع من الخوص

ودمت سالما,,,

[فهد الهلالي]

صح السانك يابو ماجد ورمعه ويش رلئيك بالنداف والمندفه تحياتي لك

[ابو ماجد 2]

وش رايك اخوي بالمهفه اللي تصنع من الخوص




ودمت سالما,,,



مالك لوى يالغلا
تحيتي لك وتقديري

[ابو ماجد 2]

صح السانك يابو ماجد ورمعه ويش رلئيك بالنداف والمندفه تحياتي لك


اخوي ابو محمد صح بدنك
والنداف كان تقصد مايستخدمه القطان مالك لوى
تحيتي لك وتقديري

[الخيال2006]

طيب المغزل والتغزاله ... ودمت سالما,,,

[ابو ماجد 2]

اخوي الخيال
مالك لوى وهذي حاجه ماعاد لها وجود وانا والشيخ مسكين ومن في سننا اكيد مرت علينا
تحيتي لك وتقديري

[فهد الهلالي]

السلام عليكم ورحمه الله وبركاته
الله يمسيك بالخير يابو ماجد
وعندي رمعه
ويش رائيك يابو ماجد بعضيم ساري
او اللي يسمونه اول حيد
وهي لعبه من الالعاب
ويمكن لها اسم ثاني
معروفه اكثر
تحياتي لك
يازعيم

[المرقب العالي]

هلا ابوماجد

صح لسانك اسم اللعبه ناسيه اذكر العصا في آحد اطرافه حصاة وتطق العصا من الطرف الثاني

لاجل ترتفع الحصاة همن تطخها

[ice.cube]

ســــــــــــــــــــــــــلامي للجميع


وصح السانك اخوي ابو ماجد2


وانا مع رمعة اخوي المرقب العالي
بس ملاحضتي عليه انها عصاء صغيره تضرب بعصى كبيره



واعتقد ان مسماها لعبة اللحيد




وســــــــــــــــــلامتكم

[ابن الراوي]

حيا ك ربي ا بو ماجد مدام اللغز كله طق وش رايك بلعبة طق طق طاقيه وهي يجتمعون اللاعبين بشكل دائري ولاواحدينظرللخلف ويدورعليهم واحد معه طاقيه ويضعه خلف واحد منهم واذا كمل الدوره ولم يكتشف انه خلفه يبدأ يطقه حتى يأخذ الدائره ويرجع لمكانه أسف لطول الشرح مع أن الجواب مالك لوا

[ابو ماجد 2]

الشيخ مسكين
صح لسانك يالغلا
نعم هي كما ذكرت
وتسمى عندنا بعنزه البعه .وهنوف بسوق .كانت بالقديم تلعب بالشارع وقديماً كنا نسمي الشارع سوق
والبغه هي عباره عن عود ممكن طوله اقل من الشبر يكون مبري من الطرفين وتضرب من احد طرفيها بعصا غليضه فتأخذ بالتقلب بالهواء ثم يضربها وهي بالهواء مرة اخرى وهكذا

[ابو ماجد 2]

هلا ابوماجد

صح لسانك اسم اللعبه ناسيه اذكر العصا في آحد اطرافه حصاة وتطق العصا من الطرف الثاني

لاجل ترتفع الحصاة همن تطخها


صح لسانك ولكن هي عصا غليضه تضرب عصى صغيره
تحيتي لك

[ابو ماجد 2]

ســــــــــــــــــــــــــلامي للجميع



وصح السانك اخوي ابو ماجد2


وانا مع رمعة اخوي المرقب العالي
بس ملاحضتي عليه انها عصاء صغيره تضرب بعصى كبيره



واعتقد ان مسماها لعبة اللحيد





وســــــــــــــــــلامتكم



نعم هي لعبة البعه او اول حيد كما ذكر اخوي الشيخ مسكين
صحت السنتكم جميعكم

[ابو ماجد 2]

حيا ك ربي ا بو ماجد مدام اللغز كله طق وش رايك بلعبة طق طق طاقيه وهي يجتمعون اللاعبين بشكل دائري ولاواحدينظرللخلف ويدورعليهم واحد معه طاقيه ويضعه خلف واحد منهم واذا كمل الدوره ولم يكتشف انه خلفه يبدأ يطقه حتى يأخذ الدائره ويرجع لمكانه أسف لطول الشرح مع أن الجواب مالك لوا


تشرفت بمرورك والحل عند اخوي الشيخ مسكين
تحيتي لك

[الشمالي 2004]

ياابو ماجد حاولت بس مااظاهر فيه حل للغز .
وصدقني ياابو ماجد انك تذكرني بواحد يطلع على الجهاز بمنطقة الجوف يعرف كل الالغاز .
على العموم لي رجعه ان شاء الله مع لغزك .
تحياتي ..

[ابو ماجد 2]

اخوي الشمالي
حياك الله يالغالي واللغز انحل من الشيخ مسكين
وان كان عندكم اسم لها غير ماذكر فضلاً لا امراً زودنا بالمعلومه
تحيتي لك وتقديري