لماذا كل شي ممنوع في العجير

[smara]

لماذا كل شي ممنوع في العجير
راس حربه ممنوع وين ماتروح ممنوع تبي ترخيص ممنوع
اهلكونا كله ممنوع مايبونك تتعدى الشاليهات يحودونك حود مثل الغنم
والله حاله كرهونا البحر علما باني احد بسناره فقط
ممنووووووع كلشي ممنوع
وايقهر يسغبون المواطن يقولك يمين تبع سلوى يسار تبع الخبر
على العموم كله ممنوع

[احمدوعبود]

هون عليك اخوي وترى المنع يفيد المنطقة بالمستقبل لكن القهر صحيح لو يقولولك ممنوع وتشوف ناس قدامك داخله طالعه

[زمبكيكي]

ايه والله صادق

[العبد الفقير]

الصابرين بخير

[smara]

مشكورين اخواني على المرور
وانشا الله يخفون علينا شوي
(ممنوع)

[هاوي عجير]

كلامك صحيح اخوي سمارا
انا كرهت العجير بسبب صلافه سلاح الحدود مايمديك لايح سنارتك الا والجيب على راسك

[الدوسري6]

و الله أنا مليت من كثر (ممنوع)
جزاهم الله خير على التنظيم و الحراسة و بيض الله و جوههم ، لكن ما يمنع أن يراعون البعض في بعض الأماكن.
أنا ذهبت مرة لأصيد في القرية(بين أرامكو و سكيكو قالوا : ممنوع ( وللأمانة كانوا طيبين )
قلت لهم ما في أحد معنا بس أنا و أخوي و هاذي السيارة فتشوها على كيفكم ما فيها إلا ميد و ربيان و أعراض الصيد ، و البطاقة خلوها معكم .
قالوا : أبدا، ممنوع .

و إذا كان المنع في بعض الأماكن لحماية البيئة ، لماذا يتركون الصيادين يصيدون الهوامير اللي طول صبعي؟؟؟

[العبد الفقير]

عفوا ودى اسال ليش ما فى صيد بالعقير اليومين دول حتى السمك الصغير صاير خبيث

[smara]

لان السمك هربان من كلمة ممنوع
راح يدور بحر مافيه ممنوع
هههههههه

[العبد الفقير]

مشكور smara على التعليق:D :D :D